ອາຊຽນເປັນຕະຫລາດສົ່ງອອກ ໃຫຍ່ອັນດັບ 2 ຂອງ ສ.ເກົາຫລີ

- 1535085959675 800x0 - ອາຊຽນເປັນຕະຫລາດສົ່ງອອກ ໃຫຍ່ອັນດັບ 2 ຂອງ ສ.ເກົາຫລີ
- Untitled design - ອາຊຽນເປັນຕະຫລາດສົ່ງອອກ ໃຫຍ່ອັນດັບ 2 ຂອງ ສ.ເກົາຫລີ

ການ​ສົ່ງ​ອອກສິນຄ້າ​ຂອງ ສ.​ເກົາ​ຫລີ ​ໄປ​ 10 ປະ​ເທດ​ສະມາຊິກ​ສະມາຄົມ​ປະຊາ​ຊາດ​ແຫ່ງ​ອາຊີ​ຕາ​ເວັນ​ອອກສຽງ​ໃຕ້ ຫລື ອາ​ຊຽນ ​ໃນ​ໄລຍະ 6 ​ເດືອນ​ທຳ​ອິດ​ຂອງ​ປີ​ນີ້ ​ເພີ່ມ​ຂຶ້ນ 5,9% ​ໂດຍ​ມີ​ມູນ​ຄ່າ​ສູງ​ເຖິງ 48.930 ລ້ານ​ໂດ​ລາ​ສະຫະລັດ ​ເຮັດ​ໃຫ້​ອາ​ຊຽນກາຍ​ເປັນ​ຕະຫລາດ​ສົ່ງ​ອອກ​ໃຫຍ່​ອັນ​ດັບ 2 ຂອງ ສ.​ເກົາຫລີ.

ຂໍ້​ມູນ​ຂອງ​ກະຊວງ​ການ​ຄ້າ, ອຸດສາຫະກຳ ​ແລະ ພະລັງງານ​ຂອງ ສ.​ເກົາຫລີ ລະບຸ​ວ່າ: ການ​ສົ່ງ​ອອກ​ສິນຄ້າ​ຂອງ ສ.​ເກົາຫລີ ​ເພີ່ມ​ສູງ​ຂຶ້ນ​ເປັນ​ປະຫວັດສາດ ​ໂດຍ​ສະ​ເພາະ​ຈຳນວນ​ສົ່ງ​ອອກ​ຊິ​ບໜ່ວຍ​ຄວາມ​ຈຳ ​ແລະ ຜະລິດ​ຕະພັນ​ປິ​ໂຕຣ​ເຄມີ. ລາຍ​ງານ​ລະບຸ​ວ່າ: ການ​ສົ່ງ​ອອກ​ສານ​ກິ່ງ​ຕົວ​ນຳ​ເພີ່ມ​ຂຶ້ນ​ເປັນ​ປະຫວັດສາດ​ເຖິງ 42,9% ​ໂດຍ​ມີ​ມູນ​ຄ່າ 61.270 ລ້ານ​ໂດ​ລາ​ສະຫະລັດ, ການ​ສົ່ງ​ອອກ​ຜະລິດ​ຕະພັນ​ປິ​ໂຕຣລຽມ​ເຄມີ​ເພີ່ມ​ຂຶ້ນ 34,3% ​ເປັນ 22.010 ລ້ານ​ໂດ​ລາ​ສະຫະລັດ, ສ່ວນ​ການ​ສົ່ງ​ອອກ​ລົດຍົນ​ພັດ​ຫລຸດ​ລົງ 5,6% ​ໂດຍ​ມີ​ມູນ​ຄ່າ 20.280 ລ້ານ​ໂດ​ລາ​ສະຫະລັດ ​ເນື່ອງ​ຈາກ​ການ​ສົ່ງ​ອອກ​ໄປ​ຕະຫລາດ​ອາ​ເມ​ລິ​ກາ​ຊຸດ​​ໂຊມ.

- Wave100S AD to Website 2020 0 - ອາຊຽນເປັນຕະຫລາດສົ່ງອອກ ໃຫຍ່ອັນດັບ 2 ຂອງ ສ.ເກົາຫລີ

ສ່ວນ​ການ​ສົ່ງ​ອອກ​ໄປ​ຈີນ ຕະຫລາດ​ສົ່ງ​ອອກ​ໃຫຍ່​ທີ່​ສຸດ​ຂອງ ສ.​ເກົາຫລີ ​ເພີ່ມ​ຂຶ້ 21% ​ເປັນ 79.200 ລ້ານ​ໂດ​ລາ​ສະຫະລັດ ​ແລະ ການ​ສົ່ງ​ອອກ​ໄປ​ຕະຫລາດ​ອາ​ເມ​ລິ​ກາ​ເພີ່ມ​ຂຶ້ນ 1,3% ​ເປັນ 34.450 ລ້ານ​ໂດ​ລາ​ສະຫະລັດ.

- WhatsApp Image 2020 05 27 at 5 - ອາຊຽນເປັນຕະຫລາດສົ່ງອອກ ໃຫຍ່ອັນດັບ 2 ຂອງ ສ.ເກົາຫລີ
- WhatsApp Image 2020 05 27 at 5 - ອາຊຽນເປັນຕະຫລາດສົ່ງອອກ ໃຫຍ່ອັນດັບ 2 ຂອງ ສ.ເກົາຫລີ
error: Alert: ເນື້ອຫາຂ່າວມີລິຂະສິດ !!