ກະຕໍ້ທີມຊຸດຊາຍ ຍາດຫລຽນເງິນທໍາອິດໃຫ້ ສປປ ລາວ

- advert banner 728 90 728x90 - ກະຕໍ້ທີມຊຸດຊາຍ ຍາດຫລຽນເງິນທໍາອິດໃຫ້ ສປປ ລາວ

ນັກ​ກິລາ​ກະ​ຕໍ້ທີມຊຸດຊາຍ​ທີ​ມຊາດ​ລາວ ຍາດໄດ້ພຽງຫລຽນເງິນທໍາອິດໃຫ້ ສປປ ລາວ ພາຍຫລັງເສຍໃຫ້ ທີມຊາດໄທ ຮອບຊີງຫລຽນຄໍາ ໃນວັນທີ 25 ສິງຫາ 2018 ຂອງ​ການ​ແຂ່ງຂັນ​ງານ​ມະຫາກໍາ​ເອຊຽນ​ເກ​ມ ຄັ້ງ​ທີ 18 ທີ່​ປະ​ເທດ​ອິນ​ໂດ​ເນ​​ເຊຍ​ເປັນ​ເຈົ້າພາບ ຈັດ​ຂຶ້ນ​ລະຫວ່າງ​ວັນ​ທີ 10 ສິງຫາ – 1 ກັນຍາ.

- new3 - ກະຕໍ້ທີມຊຸດຊາຍ ຍາດຫລຽນເງິນທໍາອິດໃຫ້ ສປປ ລາວ

ຕາມ​ການ​ໃຫ້​ສໍາພາດ​ຂອງທ່ານ ສົມ​ໃຈ ​ແກ້ວ​ປະ​ເສີດ ຄະນະ​ຄູ​ຝຶກ​ນັກ​ກິລາ​ກະຕໍ້​ຊາຍ​ທີ​ມຊາດ​ລາວ​ວ່າ: ການ​ເຂົ້າ​ຮ່ວມ​ງານ​ມະຫາ​ກໍາ​ເອຊຽນ​ເກ​ມຄັ້ງ​ທີ 18 ທີ່​ປະ​ເທດ​ອິນ​​ໂດ​ເນ​ເຊຍ​ເປັນ​​ເຈົ້າພາບນີ້ ຄະນະ​ສະຫະ​ພັນ​ກິລາ​ແຫ່ງ​ຊາດ​ລາວ ​ໄດ້​ສົ່ງ​ນັກ​ກິລາ​ທີ​ມຊາ​ດ​ເຂົ້າ​ຮ່ວມ​ທັງ​ໝົດ 31 ຄົນ, ​​ຍິງ 11 ຄົນ, ​​​ໃນ​ນັ້ນ ​ເຂົ້າ​ຮ່ວມ 4 ລາຍການ,​ ຍິງ 2 ລາຍການຄື: ທີ​ມ 4 ຄົນ, ທີ​ມຊຸດ. ສໍາລັບ​ກະຕໍ້​ຊາຍ​ທີ​ມຊາດ​ລາວ ຖືກ​ຈັດ​ຢູ່​ໃນ​ກຸ່ມ​ບີ​ໃນ​ລາຍ​ທີ​ມຊຸດ ​ເຊິ່ງປະກອບ​ມີ ​ໄທ, ມຽນມາ ​ເຊິ່ງຜ່ານການແຂ່ງຂັນໃນຮອບທີ່ພົບກັບ ທີມຊາດມຽນມາ ທີມຊາດລາວເຮົາສາມາດເອົາຊະນະແບບຂາດລອຍ ແລະ ຜ່ານເຂົ້າຮອບຊີງຫລຽນເງິນກັບເຈົ້າພາບອິນໂດເນເຊຍ ແລະ ສາມາດເອົາຊະນະໄປແບບຫວຸດຫວິດ ຜ່ານເຂົ້າຮອບຊີງຫລຽນຄໍາກັບ ທີມຊາດໄທ ແຕ່ກໍບໍ່ສາມາດເອົາຊະນະ ທີມຊາດໄທ ໄດ້. ດັ່ງນັ້ນ ຈຶ່ງຍາດໄດ້ພຽງແຕ່ຫລຽນເງິນເທົ່ານັ້ນ. ສ່ວນລາຍການທີ​ມ 4 ຄົນ ຖືກ​ຈັດ​ຢູ່​ກຸ່ມ​ບີ​ເຊັ່ນ​ດຽວ​ກັນ ຮ່ວມ​ກັບ​ເຈົ້າພາບ​ອິນ​ໂດ​ເນ​ເຊຍ, ຍີ່ປຸ່ນ, ມຽນມາ, ຈີນ ​ເຊິ່ງລາຍການ​ນີ້​ໄດ້ເລີ່​ມ​ແຂ່ງຂັນ​ວັນ​ທີ 26 ສິງຫາຜ່ານມານີ້.

ການແຂ່ງຂັນຄັ້ງນີ້ມີ 46 ປະເທດເຂົ້າຮ່ວມ ເຊິ່ງມີການຊີງໄຊທັງໝົດ 39 ປະເພດກິລາ,​ ສ່ວນ ສປປ ລາວ ໄດ້ສົ່ງເຂົ້າຮ່ວມ 19 ປະເພດກິລາຄື: ກະຕໍ້, ວູຊູ, ເທຄວັນໂດ, ຢູໂດ, ປັນຈັກສີລັດ, ຍິງທະນູ, ມວຍສາກົນ, ແລ່ນ-ລານ, ລົດຖີບ, ລອຍນໍ້າ, ກາຣາເຕໂດ ແລະ ຍົກນໍ້າໜັກ ຊອບເທັນນິສ, ປິ່ງປ່ອງ, ບານເຕະຊາຍ, ພາລາກາຍດິ້ງ, ເບສບອນ, ອີ່ສະປອດ ແລະ ຍິງປືນ.

- lattana 1 - ກະຕໍ້ທີມຊຸດຊາຍ ຍາດຫລຽນເງິນທໍາອິດໃຫ້ ສປປ ລາວ
error: Content is protected !!