ບັນດາທຸລະກິດສະຫະລັດອາເມລິກາ ຊອກຫາໂອກາດລົງທຶນຢູ່ລາວຫລາຍຂຶ້ນ

- USABC 1 3 - ບັນດາທຸລະກິດສະຫະລັດອາເມລິກາ ຊອກຫາໂອກາດລົງທຶນຢູ່ລາວຫລາຍຂຶ້ນ
- Untitled design - ບັນດາທຸລະກິດສະຫະລັດອາເມລິກາ ຊອກຫາໂອກາດລົງທຶນຢູ່ລາວຫລາຍຂຶ້ນ

ຫົວຫນ້າບັນດາບໍລິສັດຂະໜາດໃຫຍ່ຂອງສະຫະລັດອາເມລິກາ ໄດ້ພົບປະກັບລັດຖະບານຂອງ ສປປ ລາວ ທີ່ ນະຄອນຫຼວງວຽງຈັນ ໃນວັນທີ 23-24 ສິງຫາ, ນີ້ເຊິ່ງແມ່ນສ່ວນໜຶ່ງຂອງການມາຢ້ຽມຢາມ ລາວ ຂອງສະພາທຸລະກິດສະຫະລັດ-ອາຊຽນ.  ຂະຫຍາຍການຄ້າ ແລະ ການລົງທຶນໃຫ້ຫລາຍຂຶ້ນລະຫວ່າງ ສະຫະລັດອາເມລິກາ ແລະ ສປປ ລາວ.

ສະພາທຸລະກິດສະຫະລັດ-ອາຊຽນ (USABC) ແມ່ນກຸ່ມຜູ້ສະໜັບສະໜູນລະດັບແນວໜ້າ ທີ່ແນໃສ່ເພີ່ມທະວີການເຕີບໂຕດ້ານເສດຖະກິດ ແລະ ການຄ້າທີ່ໄດ້ຮັບຜົນປະໂຫຍດທັງສອງຝ່າຍ ລະຫວ່າງ ສະຫະລັດອາເມລິກາ ແລະ 10ປະເທດສະມາຊິກອາຊຽນ ແມ່ນຄະນະຜູ້ແທນສະພາທຸລະກິດ USABC ທີ່ໃຫຍ່ທີ່ສຸດທີ່ມາຢ້ຽມຢາມ ສປປ ລາວ ເຊິ່ງປະກອບດ້ວຍ ບັນດາຕາງໜ້າລະດັບພາກພື້ນຈາກ 10 ບໍລິສັດລະດັບແນວໜ້າຂອງສະຫະລັດອາເມລິກາ ເຊັ່ນ: Microsoft, Coca-Cola, Google, Visa ແລະ Mastercard.

ຊຶ່ງໄດ້ພົບປະກັບການນໍາລະດັບສູງຂອງ ສປປ ລາວ ເຊ່ັນ ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແລະ ເຈົ້າໜ້າທີ່ອະວຸໂສ ກະຊວງແຜນການ ແລະ ການລົງທຶນ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານທະນາຄານແຫ່ງ ສປປ ລາວ.

ທ່ານນາງ ຣີນາ ບິດເຕີ ເອກອັກຄະລັດຖະທູດ ສະຫະລັດອາເມລິກາ ປະຈໍາລາວ ໄດ້ກ່າວໃນພິທີຕ້ອນຮັບຢູ່ ເຮືອນພັກທ່ານທູດ ວ່າ: ຄະນະຜູ້ແທນທີ່ມາຢ້ຽມຢາມຄັ້ງນີ້ ຊີ້ໃຫ້ເຫັນເຖິງຄວາມໝາຍໝັ້ນຂອງບໍລິສັດ ຈາກສະຫະລັດອາເມລິກາ ນັບມື້ຫຼາຍຂຶ້ນທີ່ສົນໃຈເຂົ້າມາຊອກຫາໂອກາດໃໝ່ໆ ຢູ່ ສປປ ລາວ.

ທ່ານທູດກ່າວຕື່ມວ່າ: ພວກເຮົາຮັບຮູ້ໄດ້ເຖິງບາດກ້າວສໍາຄັນ ທີ່ ລັດຖະບານ ສປປ ລາວ ໄດ້ເລີ່ມເພື່ອປັບປຸງສະພາບແວດລ້ອມການເຮັດທຸລະກິດ ເພື່ອເຮັດໃຫ້ ສປປ ລາວ ສາມາດດຶງດູດການເຮັດທຸລະກິດເພີ່ມຂຶ້ນ.

- Wave100S AD to Website 2020 0 - ບັນດາທຸລະກິດສະຫະລັດອາເມລິກາ ຊອກຫາໂອກາດລົງທຶນຢູ່ລາວຫລາຍຂຶ້ນ

ສະພາທຸລະກິດສະຫະລັດ-ອາຊຽນ ຕັ້ງຢູ່ ວໍຊິງຕັນ ດີຊີ ໄດ້ດໍາເນີນງານມາເປັນເວລາ 30 ປີ ແລະ ມີຫ້ອງການສາຂາ ຢູ່ຫຼາຍເມືອງທົ່ວໂລກ ເຊິ່ງລວມທັງ ນິວຢອກ, ສິງກະໂປ, ໄທ ແລະ ຫວຽດນາມ. ປັດຈຸບັນ, ສະພາທຸລະກິດນີ້ຕາງໜ້າໃຫ້ຫຼາຍກວ່າ 140 ບໍລິສັດຂະໜາດໃຫຍ່ທີ່ສຸດຂອງສະຫະລັດອາເມລິກາ.

 

- WhatsApp Image 2020 05 27 at 5 - ບັນດາທຸລະກິດສະຫະລັດອາເມລິກາ ຊອກຫາໂອກາດລົງທຶນຢູ່ລາວຫລາຍຂຶ້ນ
- WhatsApp Image 2020 05 27 at 5 - ບັນດາທຸລະກິດສະຫະລັດອາເມລິກາ ຊອກຫາໂອກາດລົງທຶນຢູ່ລາວຫລາຍຂຶ້ນ
error: Alert: ເນື້ອຫາຂ່າວມີລິຂະສິດ !!