ລາວ​ຈະ​ເພີ່ມ​ທະວີ​ການ​ສະກັດ​ກັ້ນ​ໄພ​ເງິນ​ເຟີ້

- 33869008 1092673437539761 47905403794620416 n - ລາວ​ຈະ​ເພີ່ມ​ທະວີ​ການ​ສະກັດ​ກັ້ນ​ໄພ​ເງິນ​ເຟີ້
- Untitled design - ລາວ​ຈະ​ເພີ່ມ​ທະວີ​ການ​ສະກັດ​ກັ້ນ​ໄພ​ເງິນ​ເຟີ້

ການ​ສະກັດ​ກັ້ນ​ໄພ​ເງິນ​ເຟີ້ ​ແລະ ປັບປຸງ​ນະ​ໂຍບາຍ​ເງິນຕາ​ແມ່ນ 1 ​ໃນ 8 ມາດ​ຕະການ​ຂອງ​ລັດຖະບານ ​ເພື່ອ​ຊຸກຍູ້​ເສດຖະກິດ​ຂອງ​ຊາດ​ມີ​ຄວາມ​ຄ່ອງ​ຕົວ ​ແລະ ມີ​ປະສິດທິ​ຜົນ, ພ້ອມ​ທັງ​ບັນລຸ​ຄາດໝາຍ​ວາງ​ໄວ້ ​ໂດຍ​ລັດຖະບານ​ໄດ້​ມອບ​ໃຫ້​ທະນາຄານ​ແຫ່ງ ສປປ ລາວ ​ເປັນ​ເຈົ້າການ​ປະສານ​ສົມທົບ​ກັບ​ພາກສ່ວນ​ກ່ຽວຂ້ອງ​ປະຕິບັດ​ວຽກ​ງານ​ດັ່ງກ່າວ​ຄື: 1. ຕ້ອງ​ຄວບ​ຄຸມ​ປະລິມານ​ເງິນ​ອອກ​ສູ່​ຂອດ​ຈໍລະ​ຈອນ M2 ​ໃຫ້​ເພີ່ມ​ຂຶ້ນຢູ່​ໃນ​ກອບ​ທີ່​ສະພາ​​ແຫ່ງ​ຊາດ​ຮັບຮອງ, 2. ນຳ​ໃຊ້​ນະ​ໂຍບາຍ​ອັດຕາ​ແລກປ່ຽນ​ຕາມ​ກົນ​ໄກ​ຕະຫລາດ​ທີ່​ມີ​ການ​ຄຸ້ມ​ຄອງ​ຂອງ​ລັດ, ຕິດຕາມ​ກວດກາ​ການ​ເຄື່ອນ​ໄຫວ​ທຸລະ​ກິດ​ຂອງ​ຮ້ານ​ແລກປ່ຽນ​ເງິນຕາ​ຢ່າງ​ເຂັ້ມງວດ ​ເພື່ອ​ຈຳກັດ​ຊ່ອງ​ຫວ່າງ ​ແລະ ປາກົດການ​ຫຍໍ້​ທໍ້​ຕ່າງໆ, ພ້ອມ​ທັງ​ຄວບ​ຄຸມ​ສ່ວນ​ຕ່າງ​ອັດຕາ​ແລກປ່ຽນ​ລະຫວ່າງ​ທະນາຄານ ​ແລະ ຕະຫລາດ​ບໍ່​ໃຫ້​ເກີນ 2%, 3. ​ເອົາ​ໃຈ​ໃສ່​ຄຸ້ມ​ຄອງ​ເງິນຕາ​ຕ່າງປະ​ເທດ, ​ເພີ່ມ​ຄັງ​ສຳຮອງ​ເງິນຕາ​ຕ່າງປະ​ເທດ ​ໂດຍ​ການ​ອຳນວຍ​ຄວາມ​ສະດວກ, ຊຸກຍູ້​ຊ່ວຍ​ເຫລືອ​ໃຫ້​ມີ​ການ​ຜະລິດ​ສິນຄ້າ ​ເພື່ອ​ສົ່ງ​ອອກ ​ແລະ ສົ່ງ​ເສີມ​ການ​ຊຳລະ​ສະ​ສາງ​ຜ່ານ​ລະບົບ​ທະນາຄານ​ໃຫ້​ຫລາຍ​ຂຶ້ນ, 4. ກຳນົດ​ສ່ວນ​ຕ່າງ​ຂອງ​ອັດຕາ​ດອກ​ເບ້ຍ​ເງິນ​ຝາກ ​ແລະ ​ເງິນ​ກູ້​ໃຫ້​ແທດ​ເໝາະ​ກັບ​ສະພາບ​ຕົວ​ຈິງ​ຂອງ​ຕະຫລາດ, 5. ​ເອົາ​ໃຈ​ໃສ່​ພັດທະນາ​ຕະຫລາດ​ທຶນ ​ແລະ ຊຸກຍູ້​ຕະຫລາດ​ຫລັກ​ຊັບ​ລາວ​ໃຫ້​ຂະຫຍາຍຕົວ​ ​ເພື່ອ​ລະດົມ​ທຶນ ​ແລະ ມີ​ການ​ເຄື່ອນ​ໄຫວ​ທຸລະ​ກຳ​ຫລາຍ​ຂຶ້ນ, 6. ​ເລັ່ງກວດກາ ​ແລະ ປັບປຸງ​ທະນາຄານ​ທຸລະ​ກິດ​ລັດ​ໃຫ້​ໄດ້​ຄົບ​ຕາມ​ເງື່ອນ​ໄຂ ​ແລະ ມາດຖານ​ກ່ອນ​ການ​ຊອກ​ຫາ​ຄູ່​ຮ່ວມ​ທຶນ​ໃນ​ການ​ດຳ​ເນີນ​ທຸລະ​ກິດ. ນອກ​ນີ້ ລັດຖະບານ​ໄດ້​ມອບ​ໃຫ້​ກະຊວງ​ອຸດສາຫະກຳ ​ແລະ ການ​ຄ້າ ສົມທົບ​ກັບ​ພາກສ່ວນ​ກ່ຽວຂ້ອງ​ເອົາ​ໃຈ​ໃສ່​ການ​ກຳນົດ​ໂຄງ​ປະກອບ, ກວດກາ, ດັດ​ປັບ ​ແລະ ຄຸ້ມ​ຄອງ​ລາຄາ​ນ້ຳມັນ, ສິນ​ຄ້າ​ອຸປະ​ໂພ​ກ-ບໍລິ​ໂພ​ກທີ່​ເປັນ​ພື້ນຖານ ​ແລະ ມີ​ຜົນ​ກະທົບ​ໄວ​ຕໍ່​ການ​ດຳລົງ​ຊີວິດ​ຂອງ​ປະຊາຊົນ​ໃຫ້​ເໝາະ​ສົມ ​ແລະ ສອດຄ່ອງ​ກັບ​ສະພາບ​ຕົວ​ຈິງ, ພ້ອມ​ທັງ​ດັດສົມ​ຈຳນວນ​ບໍລິສັດ​ນຳ​ເຂົ້ານ້ຳມັນ​​ໃຫ້​ມີ​ມາດຕະຖານ ​ເພື່ອ​ໃຫ້​ບໍລິສັດ​ນຳ​ເຂົ້ານ້ຳມັນ​ບໍ່​ເກີນ 5-6 ບໍລິສັດ​ເທົ່າ​ນັ້ນ, ພ້ອມ​ທັງ​ກວດກາ, ດັດສົມ​ຈຳນວນ​ບໍລິສັດ ​ແລະ ຮ້ານ​ຕົວ​ແທນ​ຈຳໜ່າຍ​ພາຫະນະ​ທີ່​ບໍ່​ໄດ້​ມາດຕະຖານ ​ເພື່ອ​ຊຸກຍູ້ ​ແລະ ສົ່ງ​ເສີມ​ການ​ນຳ​ເຂົ້າ ​ແລະ ການ​ບໍລິການ​ຫລັງ​ການ​ຂາຍ​ທີ່​ມີ​ຄຸນ​ນະພາ​ບ, ຮັບປະກັນ​ດ້ານ​ເຕັກນິກ ​ແລະ ຄຸ້ມ​ຄອງ​ຢ່າງ​ຮັດກຸມ ​ແລະ ຕ້ອງ​ເອົາ​ໃຈ​ໃສ່​ການ​ຊຸກຍູ້​ສົ່ງ​ເສີມ ​ແລະ ອຳນວຍ​ຄວາມ​ສະດວກ​ໃຫ້​ແກ່​ການ​ຜະລິດ​ເປັນ​ສິນຄ້າ​ໃຫ້​ຫລາຍ​ຂຶ້ນ.

- Wave100S AD to Website 2020 0 - ລາວ​ຈະ​ເພີ່ມ​ທະວີ​ການ​ສະກັດ​ກັ້ນ​ໄພ​ເງິນ​ເຟີ້
- WhatsApp Image 2020 05 27 at 5 - ລາວ​ຈະ​ເພີ່ມ​ທະວີ​ການ​ສະກັດ​ກັ້ນ​ໄພ​ເງິນ​ເຟີ້
- WhatsApp Image 2020 05 27 at 5 - ລາວ​ຈະ​ເພີ່ມ​ທະວີ​ການ​ສະກັດ​ກັ້ນ​ໄພ​ເງິນ​ເຟີ້
error: Alert: ເນື້ອຫາຂ່າວມີລິຂະສິດ !!