ລາວ-ຝຮັ່ງ ຫາລື​​ການ​ຮ່ວມ​ມື​ດ້ານ​ການຮຽນ-​ການ​ສອນ​ພາສາ​ຝຣັ່ງ

- Learning France - ລາວ-ຝຮັ່ງ ຫາລື​​ການ​ຮ່ວມ​ມື​ດ້ານ​ການຮຽນ-​ການ​ສອນ​ພາສາ​ຝຣັ່ງ
- Untitled design - ລາວ-ຝຮັ່ງ ຫາລື​​ການ​ຮ່ວມ​ມື​ດ້ານ​ການຮຽນ-​ການ​ສອນ​ພາສາ​ຝຣັ່ງ

ທ້າຍອາທິດຜ່ານມາ, ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ ​ໄດ້ໃຫ້ກຽດຕ້ອນຮັບການເຂົ້າຢ້ຽມຄໍານັບຂອງທ່ານ ນາງ ​ໂກ​ດິນ ​ເລີ​ດູ ​ເອກ​ອັກຄະ​ລັດຖະທູດ ​ແຫ່ງ​ສາທາລະນະ​ລັດ​ຝຣັ່ງ ປະ​ຈໍາລາວ ​​ເນື່​ອງ​ໃນ​ໂອກາດ​ອໍາ​ລາ​ໜ້າ​ທີ່​ຕໍາ​ແໜ່ງການ​ເປັນ​ເອກ​ອັກຄະ​ລັດຖະທູດ ​ແຫ່ງ​ ສາທາລະນະ​ລັດ​ຝຣັ່ງ ປະ​ຈໍາລາວ, ​ເຊິ່ງ​ໄດ້​ປະ​ຈໍາ​ຄົບ​ຕາມ​ກໍານົດ​ເວລາ​ແລ້ວ. ພ້ອມທັງປຶກສາ​ຫາລື​ກ່ຽວ​ກັບການ​ສືບ​ຕໍ່​ການ​ຮ່ວມ​ມື​ທາງ​ດ້ານ​ການ​ພັດທະນາ​ການ​ສຶກສາ ​ກໍຄືການຮຽນ​-ການ​ສອນ​ພາສາ​ຝຣັ່ງ ຂອງ​ແຕ່​ລະສະ​ຖາ​ບັນ​ການ​ສຶກສາ​ຂອງ​ລາວ ​ໃຫ້​​ໄດ້​ຮັບ​ທັງ​ດ້ານ​ປະລິ​ມານ ​ແລະ ຄຸນະພາບ​ສູງ​ຂຶ້ນ.

​    ໃນໂອກາດ​ດັ່ງກ່າວ, ທ່ານ ນາງ ​ໂກ​ດິນ ​ເລີ​ດູ ໃຫ້​ຮູ້​ວ່າ: ການ​ຮ່ວມມື​ໃນ​ຕໍ່ໜ້າໂດຍ​ຈະ​ສືບ​ຕໍ່​ພັດທະນາ​ວຽກ​ງານ​ການ​ສິດສອນ​ພາສາ​ຝຣັ່ງ, ປັບປຸງ​ຍົກ​ລະດັບ​ຄຸນະພາບ​ການ​ສອນ, ​ຊຶ່ງມີ​ແຜນການ​ຮ່ວມື​ໃນ​ການ​ຊ່ວຍ​ຍົກ​ລະດັບ​ໃຫ້​ຄູ​ສອນ​ພາສາ​ຝຣັ່ງ, ຈັດ​ສົ່ງ​ຊ່ຽວຊານ​ມາ​ປະ​ຈໍາ​ຢູ່​ສູນ​ພາສາ​ຝຣັ່ງ ​ແລະ ຈະ​ສືບ​ຕໍ່ຮ່ວມ​ມືໃຫ້​ທຶນ​ການ​ສຶກສາ ລະຫວ່າງ​ມະຫາວິທະຍາ​ໄລ​ແຫ່ງ​ຊາດ ສປປ ລາວ ​ແລະ ມະຫາວິທະຍາ​ໄລ​​ ປະ​ເທດ​ຝຣັ່ງ. ທັງ​ນີ້, ​ເພື່ອ​ເປັນ​ການ​ສະໜັບສະໜູນທຶນ​ການ​ສຶກສາ ແລະ ​ແນ​ໃສ່​ສ້າງ​ແຮງ​ຈູງ​ໃຈ​ໃຫ້​ແກ່​ນັກຮຽນ ທີ່​ຈົບ​ຊັ້ນ​ມັດທະຍົມ​ຕອນ​ປາຍ (ມ7) ຜູ້​ທີ່​ມີ​ພອນ​ສະຫວັນ​ຮຽນ​ດີ​ຮຽນ​ເກັ່ງ​ທາງ​ດ້ານ​ພາສາ​ຝຣັ່ງ ​ໃຫ້​ໄດ້​ຮັບທຶນ​ການ​ສຶກສາ​ໃນ​​ແຕ່ລະຂັ້ນ,​ ​ພັດທະນາ​​ດ້ານ​ເຄື່ອງ​ມື​ທີ່​ນໍາ​ເຂົ້າ​ໃນ​ການ​ສອນ-​ການ​ຮຽນ​ພາສາ​ຝຣັ່ງ​ ​ເພື່ອ​ເຮັດ​ໃຫ້​ຄູ​ສອນ​ພາສາ​ດັ່ງກ່າວ ​ມີ​ຄວາມ​ຮູ້​ຄວາມ​ສາ​ມາດ ​ແລະ ມີ​ປະສົບ​ການ​ຫຼາຍ​ຂຶ້ນ​ກວ່າ​ເກົ່າ.

- Wave100S AD to Website 2020 0 - ລາວ-ຝຮັ່ງ ຫາລື​​ການ​ຮ່ວມ​ມື​ດ້ານ​ການຮຽນ-​ການ​ສອນ​ພາສາ​ຝຣັ່ງ

ຂະນະດຽວກັນ, ທ່ານ ນາງ ແສງເດືອນ ຫຼ້າຈັນທະບູນ ໄດ້ສະແດງຄວາມຂອບໃຈເປັນຢ່າງສູງ ຕໍ່​ທ່ານ ໂກ​ດິນ ​ເລີ​ດູ ທີ່ມີ​ຄວາມ​ພະຍາຍາມ​ໃນ​ການ​ຮ່ວມ​ມື​ຫຼາຍ​ກິດຈະ​ກໍາ ​ແລະ ​​ໃຫ້ການ​ສະໜັບສະໜູນ​ແກ່ລາວ​ໃນ​ໄລຍະ​ຜ່ານ​ມາ, ​ໂດຍ​ສະ​ເພາະ​ການ​ຮ່ວມ​ມື​ທາງ​ການ​ຮຽນ-​ການ​ສອນ​ພາສາ​ຝຣັ່ງ ​ແລະ ຍັງ​ຈະ​ມີ​ແຜນ​ໃນ​ການ​ສືບ​ຕໍ່​ຮ່ວມ​ມື​ພັດທະນາ​ການ​ສຶກສາ ​ເປັນ​ຕົ້ນ​ແມ່ນ​ພັດທະນາ​ວຽກ​ງານ​ການ​ສິດສອນ​ພາສາ​ຝຣັ່ງ ​ແລະ ຈະ​ພາ​ຍາ​ຍາ​ມ​ໃຫ້ການ​ຮ່ວມ​ມືຂອງ 2 ປະ​ເທດ ກໍ​ຄື: ກະຊວງ​ສຶກສາ​ທິການ ​ແລະ ກິລາ ​ສປປ ລາວ ແລະ ສາທາລະນະ​ລັດ​ຝຣັ່ງ ​ມີ​ຄວາມ​ຍາວ​ນານ​ຕະຫຼອດ​ໄປ.

- WhatsApp Image 2020 05 27 at 5 - ລາວ-ຝຮັ່ງ ຫາລື​​ການ​ຮ່ວມ​ມື​ດ້ານ​ການຮຽນ-​ການ​ສອນ​ພາສາ​ຝຣັ່ງ
- WhatsApp Image 2020 05 27 at 5 - ລາວ-ຝຮັ່ງ ຫາລື​​ການ​ຮ່ວມ​ມື​ດ້ານ​ການຮຽນ-​ການ​ສອນ​ພາສາ​ຝຣັ່ງ
error: Alert: ເນື້ອຫາຂ່າວມີລິຂະສິດ !!