ລາວ ​ແລະ ອົງການ​ອະ​ນາ​ໄມ​ໂລກ ຮ່ວມ​ມື​ວຽກງານຕອບ​ໂຕ້​ໄພພິບັດ​ນ້ຳຖ້ວມ​ຢູ່​ແຂ​ວງອັດ​ຕະປື

- Public health - ລາວ ​ແລະ ອົງການ​ອະ​ນາ​ໄມ​ໂລກ ຮ່ວມ​ມື​ວຽກງານຕອບ​ໂຕ້​ໄພພິບັດ​ນ້ຳຖ້ວມ​ຢູ່​ແຂ​ວງອັດ​ຕະປື
- Untitled design - ລາວ ​ແລະ ອົງການ​ອະ​ນາ​ໄມ​ໂລກ ຮ່ວມ​ມື​ວຽກງານຕອບ​ໂຕ້​ໄພພິບັດ​ນ້ຳຖ້ວມ​ຢູ່​ແຂ​ວງອັດ​ຕະປື

​ເມື່ອ​ທ້າຍ​ອາທິດ​ຜ່ານ​ມາ, ຢູ່​ແຂວງ​ອັດ​ຕະປື ໄດ້ຈັດກອງປະຊຸມຄູ່ຮ່ວມງານດ້ານສາທາລະນະສຸກໃນການຕອບໂຕ້ໄພພິບັດນໍ້າຖ້ວມ ຢູ່ເມືອງສະໜາມໄຊ ​ໂດຍ​ການ​ເປັນ​ປະທານຂອງທ່ານ ດຣ. ນາງ ອ່ອນຜິວ ໂພທິລາດ ຫົວໜ້າ ພະແນກສາທາລະນະສຸກແຂວງອັດຕະປື, ມີຜູ້ຕາງໜ້າໜ່ວຍງານຕອບໂຕ້ເຫດສຸກເສີນດ້ານສາທາລະນະສຸກອົງການອະນາໄມໂລກ ​ແລະ  ອົງການຈັດຕັ້ງສາກົນ​ເຂົ້າຮ່ວມ.

ທ່ານຫົວ​ໜ້າ​ພະ​ແນກ​ສາ​ທາລະ​ນະ​ສຸກ​ແຂວງ​ ​ໃຫ້​ຮູ້​ວ່າ:  ພາຍຫລັງ​ເກີດ​ໄພນ້ຳ​ຖ້ວມ​ຈາກ​ເຫດ​ການ​ເຂື່ອນ​ໄຟ​ຟ້າ​ເຊ​ປຽນ-ເຊ​ນ້ຳ​ນ້ອຍ​ແຕກ ເຊິ່ງ​ທາງ​ການ​ໄດ້​ເລັ່ງຍົກ​ຍ້າຍ​ຜູ້​ປະ​ສົບ​ໄພໄປ​ຢູ່​ສູນພັກ​ຊົ່ວ​ຄາວ​ແຫ່ງ​ຕ່າງໆ, ​ໃນ​ນັ້ນ ວຽກ​ງານ​ສາ​ທາ​ລະ​ນະ​ສຸກເປັນ​ວຽກ​ທີ່​ຈຳ​ເປັນ​ໃນ​ການ​ເຝົ້າ​ລະ​ວັງ,  ຄວບ​ຄຸມ ແລະ ການ​ໂຕ້​ຕອບ​ພະ​ຍາດທີ່​ອາດ​ຈະ​ເກີດ​ຂຶ້ນ​ໃນ​ຕໍ່​ໜ້າ. ສະ​ນັ້ນ​ ຂະ​ແໜງ​ສາ​ທາລະນະ​ສຸກ​ແຂວງ​ ​​ໄດ້​ເອົາ​ໃຈ​ໃສ່​ເບິ່ງ​ແຍງ​ດູ​ແລ​ສຸ​ຂະ​ພາບ​ ​ປະ​ຊາ​ຊົນ​ເປັນ​ຢ່າງ​ດີ  ໂດຍ​ສະ​ເພາະ​ຜູ້​ປະ​ສົບ​ໄພ​ພິ​ບັດ ​ໂດຍ​ໄດ້​ມີໜ່ວຍ​ງານ​ແພດ​-ໝໍ​ລົງ​ຊ່ວຍ​ເຫລືອວຽກ​ງານ​ສຸ​ຂະ​ສຶກ​ສາ, ​ວຽກ​ງານ​ອະ​ນາ​ໄມສາມ​ສະ​ອາດຢູ່​ຕາມ​ຈຸດພັກ​ຊົ່ວ​ຄາວ​ຕ່າງໆ.  ນອກນີ້ ຍັງ​ໄດ້​​ປະ​ຕິ​ບັດ​ການ​ສັກຢາ​ປ້ອງ​ກັນ​ໄຂ້​ຍຸງ, ​ໄຂ້​ຫວັດ​ສັດ​ປີກຕາມ​ລະ​ດູ​ການ.  ມາ​ຮອດ​ປັດຈຸບັນ ​ໂຕ​ເລກ​ຜູ້ເປັນ​ໄຂ້​ຫວັດ​ຂ້ອນ​ຂ້າງ​ສູງ​ ເຊິ່ງ​ເຈົ້າໜ້າ​ທີ່ແພດ​ໝໍ ກໍ​ໄດ້​ເລັ່ງ​ສັກ​ຢາ​ກັນ​ພະ​ຍາດ​ຕາມ​ລະ​ດູ​ການໃຫ້​​ບັນ​ດາ​ເປົ້າ​ໝາຍ​ແມ່​ຍິງ ແລະ ເດັກ​ນ້ອຍ, ສະ​ໜອງ​ນ້ຳ ແລະ ວິດ​ຖ່າຍ​ ດ້ວຍ​ການ​ຈັດ​ສັນ​ສະ​ຖານ​ທີ່ໃນ​ແຕ່​ລະ​ຈຸດ ເພື່ອຫລີກ​ລ້ຽງ​ສິ່ງເປິະເປື້ອນຢູ່​ຕາມ​ຈຸດ​ພັກ​ເຊົາ​ຊົ່ວ​ຄາວ​ຂອງ​ຜູ້​ປະ​ສົບ​ໄພ. ນອກນີ້ ຍັງ​ໄດ້​ສ້າງ​ອາ​ສາ​ສະ​ໝັກ​ຢູ່​ແຕ່​ລະ​ຈຸດ​ພັກ​ເຊົາ ເພື່ອ​ທ້ອນ​ໂຮມ​ຂີ້​ເຫຍື້ອຕ່າງໆບໍ່​ໃຫ້​ຖິ້ມ​ຊະ​ຊາຍ. ​ໄປຄຽງ​ຄູ່​ການ​ກວດກາ​ອາ​ຫານ​ການ​ກິນ​ໃຫ້​ມີ​ຄວາມ​ສະອາດ ແລະ ເປັນ​ປະ​ໂຫຍດຕໍ່​ສຸຂະພາບ ​ແລະ ຖ້າ​ເຫັນ​ວ່າຜູ້​ໃດ​​ມີ​ອາ​ການເຈັບ​ໜັກຮ້າຍ​ແຮງ  ຕ້ອງ​ໄດ້​ຮີບ​ຮ້ອນ​ນຳ​ສົ່ງ​ໄປ​ບ່ອນ​ທີ່​ມີ​ເງື່ອນ​ໄຂ,  ແຕ່​ໃນ​ໄລ​ຍະ​ຜ່ານ​ມາເຫັນ​ວ່າຜູ້​ປ່ວຍ​ສ່ວນ​ໃຫຍ່​ແມ່ນ​ໄຂ້​ຫວັດ,  ຖອກ​ທ້ອງກະ​ທັນ​ຫັນ,  ໄຂ້​ແມງ​ແດງ,  ເປັນ​ຕຸ່ມ​ຕ່າງໆ.  ສ່ວນ​ກໍ​ລະ​ນີ​ຜູ້​ປ່ວຍ​ມີ​ອາ​ການ​ຊຶມ​ເສົ້າ​ແມ່ນ​ໄດ້​ສົມ​ທົບ​ກັບທາງ​ກະ​ຊວງ ​ເພື່ອ​ແນະ​ນຳ​ໃຫ້​ເອື້ອຍ​ນ້ອງ​ແພດ-ໝໍ​ເອົາ​ໃຈ​ໃສ່ບໍ​ລິ​ການ​ຢ່າງ​​ໃກ້​ຊິດ  ບໍ່​ວ່າ​ທາງ​ດ້ານ​ສຸ​ຂະ​ພາບ  ແລະ ຈິດ​ໃຈ.

ຫົວໜ້າໜ່ວຍງານຕອບໂຕ້ເຫດການສຸກເສີນດ້ານສາທາລະນະສຸກອົງການອະນາໄມໂລກ ​ໃຫ້​ຮູ້​ວ່າ: ວຽກງານ​ເຝົ້າ​ລະວັງ​ພະຍາດ​ເປັນ​ວຽກງານໜຶ່ງທີ່​ອົງການ​ອະນາ​ໄມ​ໂລກເລັ່ງຈັດ​ຕັ້ງ​ປະຕິບັດ, ພາຍຫລັງ​ເກີດ​ນ້ຳຖ້ວມ​ຢູ່​ແຂ​ວງອັດ​ຕະປື ​ເນື່ອງ​ຈາກ​ມີ​ຜູ້​ປະສົບ​ໄພ​ເປັນ​ຈຳນວນ​ຫລາຍ ​ແລະ ມີ​ຄວາມ​ສ່ຽງ​ເກີດ​ພະຍາດລະບາດ. ສະ​ນັ້ນ ຈຶ່ງ​ຈຳ​ເປັນ​ຕ້ອງ​ໄດ້​ຮ່ວມ​ກັນ​ສະກັດ​ກັ້ນ ​ແລະ ປ້ອງ​ກັນ ​ໂດຍ​ການສະໜັບສະໜູນ​ເຄື່ອງ​ອຸປະກອນ​ການ​ຢາ ​ແລະ ​ແພດໝໍຈຳນວນໜຶ່ງ​ມາຊ່ວຍ​ເຫລືອຢ່າງ​ທັນ​ການ.

- Wave100S AD to Website 2020 0 - ລາວ ​ແລະ ອົງການ​ອະ​ນາ​ໄມ​ໂລກ ຮ່ວມ​ມື​ວຽກງານຕອບ​ໂຕ້​ໄພພິບັດ​ນ້ຳຖ້ວມ​ຢູ່​ແຂ​ວງອັດ​ຕະປື
- WhatsApp Image 2020 05 27 at 5 - ລາວ ​ແລະ ອົງການ​ອະ​ນາ​ໄມ​ໂລກ ຮ່ວມ​ມື​ວຽກງານຕອບ​ໂຕ້​ໄພພິບັດ​ນ້ຳຖ້ວມ​ຢູ່​ແຂ​ວງອັດ​ຕະປື
- WhatsApp Image 2020 05 27 at 5 - ລາວ ​ແລະ ອົງການ​ອະ​ນາ​ໄມ​ໂລກ ຮ່ວມ​ມື​ວຽກງານຕອບ​ໂຕ້​ໄພພິບັດ​ນ້ຳຖ້ວມ​ຢູ່​ແຂ​ວງອັດ​ຕະປື
error: Alert: ເນື້ອຫາຂ່າວມີລິຂະສິດ !!