ຜູ້​ຂັບ​ຂີ່ລະ​ເມີດ​ກົດ​ລະບຽບຈະລາຈອນມີ​ທ່າ​ອ່ຽງ​ເພີ່ມ​ຂຶ້ນ

- 38735929 213046286038976 1119018175233523712 n - ຜູ້​ຂັບ​ຂີ່ລະ​ເມີດ​ກົດ​ລະບຽບຈະລາຈອນມີ​ທ່າ​ອ່ຽງ​ເພີ່ມ​ຂຶ້ນ
- Untitled design - ຜູ້​ຂັບ​ຂີ່ລະ​ເມີດ​ກົດ​ລະບຽບຈະລາຈອນມີ​ທ່າ​ອ່ຽງ​ເພີ່ມ​ຂຶ້ນ

​ເຈົ້າໜ້າທີ່ຈະລາຈອນ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ​ໃນ 6 ​ເດືອນ​ຜ່ານ​ມາ ພົບ​ເຫັນ​ຜູ້​ຂັບ​ຂີ່​ລະ​ເມີດ​ກົດ​ລະບຽບຈະລາຈອນ​ເປັນ​ຈຳນວນ​ຫລາຍ ​ແລະ ມີ​ທ່າ​ອ່ຽງ​ເພີ່ມ​ຂຶ້ນ ​ໂດຍ​ສະ​ເພາະ​ແມ່ນ​ຂັບ​ຂີ່​ລົດ​ໄວ, ​ແກ້ງ​ຂີ່​ລົດ​ກວນ​ເມືອງ ​ແລະ ດື່ມ​ສິ່ງ​ມືນ​ເມົາ ຊຶ່ງ​ພາ​ໃຫ້​ເກີດ​ອຸປະຕິ​ເຫດ​ ​ຍ້ອນ​ຜູ້​ໃຊ້​ລົດ​ໃຊ້​ຖະໜົນຍັງ​ຂາດ​ການອົບຮົມ​ເລື່ອງ​ການ​ຂັບ​ຂີ່​ປອດ​ໄພ ​ແລະ ບໍ່​ໄດ້​ຜ່ານ​ໂຮງຮຽນວິຊາ​ຊີບ​ການ​ຂັບ​ຂີ່​ຖືກຕ້ອງ ຈຶ່ງ​ເຮັດ​ໃຫ້​​ບໍ່ປະຕິບັດ​ກົດ​ລະບຽບ ​ແລະ ປັດຈຸບັນ ສະພາບ​ການ​ສັນຈອນ​ບົນ​ທ້ອງ​ຖະໜົນມີ​ຄວາມ​ແອ​ອັດ ​ແລະ ບວກກັບ​ຜູ້​ຂັບ​ຂີ່​ຈຳນວນໜຶ່ງບໍ່ປະຕິບັດ​ກົດ​ລະບຽບຈະລາຈອນຄື: ຈອດ​ລົດ​ຊະຊາຍ, ລ່ວງ​ໄຟ​ອຳນາດ, ຂີ່​ລົດ​ບໍ່​ໃສ່ໝວກກັນ​ກະທົບ ​ແລະ ອື່ນໆ ຊຶ່ງ​ເຮັດ​ໃຫ້​ເກີດ​ອຸປະຕິ​ເຫດ. ສະ​ນັ້ນ ​ເພື່ອ​ແກ້​ໄຂ​ສະພາບ​ດັ່ງກ່າວ, ​ເຈົ້າໜ້ທີ່​ຈຶ່ງໄດ້ຈັດກຳລັງລົງຈັດສັນຄວາມບໍ່ເປັນລະບຽບຮຽບຮ້ອຍຂອງຜູ້ຂັບຂີ່ ໂດຍເນັ້ນໃສ່ກວດກາຜູ້ຂັບຂີ່ຢຸດທັບເສັ້ນມ້າລາຍ, ລົດບໍ່ມີປ້າຍ ແລະ ຜູ້ຂັບຂີ່ບໍ່ໃສ່ໝວກກັນກະທົບ ໃນວັນທີ 22 ສິງຫາ 2018 ທີ່ໄຟອໍານາດໜອງໜ່ຽງ ຖະໜົນໄກສອນພົມວິຫານ ​ແລະ ສາມາດກວດພົບເຫັນຜູ້ຂັບຂີ່ລະ​ເມີດ​ລະບຽບ​ທີ່​ກ່າວ​ມານັ້ນຈຳນວນ​ຫລາຍ.

ຮອງຫົວໜ້າພະແນກຕໍາຫຼວດຈະລາຈອນ ນວ ໃຫ້ຮູ້ວ່າ: ການປະຕິບັດໜ້າທີ່ຄັ້ງນີ້ແມ່ນອີງຕາມແຜນດໍາເນີນງານຄວາມປອດໄພທາງຖະໜົນຂອງນາຍົກລັດຖະມົນຕີ, ທິດຊີ້ນໍາ ແລະ ຄໍາສັ່ງວ່າດ້ວຍສະກັດກັ້ນ ແລະ ແກ້ໄຂລົດດັດແປງສະພາບເຕັກນິກ, ລົດບໍ່ມີປ້າຍ, ຂອງລັດຖະມົນຕີກະຊວງ ປກສ, ພະແນກຕໍາຫຼວດຈະລາຈອນ ໄດ້ລົງກວດກາຢູ່ຈຸດຕາມໄຟອໍານາດຢູ່ 4 ຈຸດຂອງນະຄອນຫຼວງວຽງຈັນຄື: ໄຟອໍານາດກໍາມະບານ, ຮ່ອງແຊງ, ໂພນສະອາດ, ໜອງໜ່ຽງ ແລະ ດົງໂດກ; ທັງນີ້, ເພື່ອແນໃສ່ການຈັດສັນຕາມທ້ອງຖະໜົນໃຫ້ມີຄວາມເປັນລະບຽບຮຽບຮ້ອຍສະດວກ ແລະ ປອດໄພ ເພື່ອເຮັດໃຫ້ນັກຂັບຂີ່ເຫັນໄດ້ຄວາມໝາຍຄວາມສໍາຄັນໃນການສັນຈອນໃຫ້ມີຄວາມເປັນລະບຽບຮຽບຮ້ອຍ, ມີຄວາມປອດໄພ, ເຮັດໃຫ້ຜູ້ຂັບຂີ່ເປັນເຈົ້າການເຄົາລົບ ແລະ ປະຕິບັດກົດລະບຽບທີ່ວາງອອກໄດ້ຢ່າງເຂັ້ມງວດ.

- Wave100S AD to Website 2020 0 - ຜູ້​ຂັບ​ຂີ່ລະ​ເມີດ​ກົດ​ລະບຽບຈະລາຈອນມີ​ທ່າ​ອ່ຽງ​ເພີ່ມ​ຂຶ້ນ
- WhatsApp Image 2020 05 27 at 5 - ຜູ້​ຂັບ​ຂີ່ລະ​ເມີດ​ກົດ​ລະບຽບຈະລາຈອນມີ​ທ່າ​ອ່ຽງ​ເພີ່ມ​ຂຶ້ນ
- WhatsApp Image 2020 05 27 at 5 - ຜູ້​ຂັບ​ຂີ່ລະ​ເມີດ​ກົດ​ລະບຽບຈະລາຈອນມີ​ທ່າ​ອ່ຽງ​ເພີ່ມ​ຂຶ້ນ
error: Alert: ເນື້ອຫາຂ່າວມີລິຂະສິດ !!