ການ​ຟື້ນຟູ​ຜົນ​ກະທົບ​ຈາກ​ໄພ​ນ້ຳຖ້ວມ​ຢູ່​ເມືອງສະໜາມ​ໄຊ ມີ​ຄວາມ​ຄືບໜ້າຫລາຍ​ດ້ານ

- Refresh - ການ​ຟື້ນຟູ​ຜົນ​ກະທົບ​ຈາກ​ໄພ​ນ້ຳຖ້ວມ​ຢູ່​ເມືອງສະໜາມ​ໄຊ ມີ​ຄວາມ​ຄືບໜ້າຫລາຍ​ດ້ານ
- Untitled design - ການ​ຟື້ນຟູ​ຜົນ​ກະທົບ​ຈາກ​ໄພ​ນ້ຳຖ້ວມ​ຢູ່​ເມືອງສະໜາມ​ໄຊ ມີ​ຄວາມ​ຄືບໜ້າຫລາຍ​ດ້ານ

​ຄະນະ​ພາກ​ສະໜາມຟື້ນຟູ ​ແລະ ​ແກ້​ໄຂ ໄພພິບັດ ຢູ່ ​ເມືອງ ສະໜາມ​ໄຊ ​ໄດ້​ລາຍ​ງານກ່ຽວກັບ​ຄວາມ​ຄືບໜ້າ​ໃນ​ການ​ຄົ້ນ​ຫາ ຜູ້​​ສູນຫາຍ ​ແລະ ການ​ຟື້ນຟູຜູ້​ປະສົບ​ໄພ ​ວ່າ: ​ມາ​ຮອດ​ປັດຈຸບັນ ​ແມ່ນ​ພົບ ຜູ້​ເສຍ​ຊີວິດ​ຈາກ​ໄພ​ນ້ຳຖ້ວມ ທັງໝົດ 39 ຄົນ, ​​ໃນ​ນັ້ນ ​ເກັບ​ກູ້​ພາກ​ສະໜາມ 34 ສົບ ​ແລະ ​ເສຍ​ຊີວິດ​ຢູ່​ໂຮງໝໍ 5 ສົບ, ຍ້ອນ​ກະທົບໜັກ, ​ໃນ​ນັ້ນ ​ເປັນ​ເດັກນ້ອຍ​ຕ່ຳ​ກ່ວາ 10 ປີ​ລົງ​ມາ ຈໍານວນ 14 ສົບ, ສະ​ເພາະ ການ​ເບິ່ງ​ແຍງ​ຜູ້​ໄດ້​ຮັບ​ຜົນ​ກະທົບ ​ແມ່ນ​ມີ​ການ​ຢາຍ​ເຕັ້ນ​ນອນ​ສຳລັບ​ຄອບຄົວ​ຜູ້​ປະສົບ​ໄພ 600 ກ່ວາ​ຫລັງ, ​ໄດ້​ສຳ​ເລັດ​ການຈ່າຍ​ເງີ​ນ​ແຮຊ່ວຍ​ເຫລືອ​ບັນ​ເທົາ​ທຸກ​ເບື້ອງຕົ້ນ​ໃຫ້​ຄອບຄົວ​ຜູ້​ປະສົບ​ໄພ 5 ​ແສນ​ກີບ​ຕໍ່ຄອບ​ຄົວ​ຄົບ​ຕາມ​ເປົ້າໝາຍ ​ແລະ ສຳ​ເລັດການ​ອອກ​ບັດ ​ໃຫ້​ຜູ້​ປະສົບ​ໄພ ​ໃນ 6 ບ້ານ, ມີ 6 ຈຸດ ຊຶ່ງ​ມີ​ຈຳນວນ 4 ພັນ​ກ່ວາ​ຄົນ​, ສຳລັບການກໍ່ສ້າງ​ເຮືອນ​ພັກ​ຊົ່ວຄາວ ຈຳນວນ 14 ຫລັງ ຢູ່​ບ້ານ ຫາດ​ຍາວ​ແມ່ນ​ຄືບໜ້າກ່ວາ 75% ​ແລະ ຄາດ​ວ່າຕົ້ນ​ເດືອນ​ກັນຍາ​ ນີ້, ຈະ​ຍົກຍ້າຍ​ປະຊາຊົນ​ເຂົ້າ​ຢູ່​ອາ​ໃສ, ​ສ່ວນການ​ບຸກ​ເບີກ​ເນື້ອທີ່​ຈະ​ກໍ່ສ້າງ​ທີ່​ພັກ​ຊົ່ວຄາວ​ຄື: ບ້ານ ຕະມໍ​ຢອດ, ດົງ​ບາກ, ດອນ​ຍົກ ກໍ​ມີ​ຄວາມ​ຄືບໜ້າຫລາຍ​ເຊັ່ນ​ດຽວກັນ.

ຄະນະພາກ​ສະໜາມຟື້ນຟູ ​ແລະ ​ແກ້​ໄຂ ໄພພິບັດ ຢູ່ ​ເມືອງ ສະໜາມ​ໄຊ ​ໃຫ້​ຮູ້​ວ່າ: ສຳລັບ​​ແຜນການ​ຟື້ນຟູ​ໃນຕໍ່ໜ້າຈະ​ສືບຕໍ່ຕິດຕາມ​ເບິ່ງ​ແຍງ​ເດັກນ້ອຍ​ທີ່​ຖືກປະລະ, ​ເດັກ​ກຳພ້​າ, ​ແມ່ຍິງ​ຖືພາ ​ແລະ ອື່ນໆ, ​ເຮັດ​ການ​ປະ​ເມີນ​ຜົນ​ກະທົບ​ຢ່າງ​ເລັ່ງດ່ວນ ກ່ຽວກັບ ປະຊາກອນ​ທີ່​ຖືກ​ເຄື່ອນ​ຍ້າຍ ​ແລະ ຄວາມ​ຕ້ອງການ​ໃຫ້ການ​ຊ່ວຍ​ເຫລືອ, ສ້າງ​ແຜນ​ຫລຸດຜ່ອນ​ຄວາມ​ແອ​ອັດ ​ແລະ ສະໜອງພຶ້ນທີ່​ແຕ່ງກິນ, ຂຸດ​ຮ່ອງ​ລະບາຍ​ນ້ຳ​ເພື່ອ​ຫລຸດຜ່ອນ​ຄວາມ​ຊຸ່ມ​ທີ່​ສ່ຽງຕໍ່ການ​ເກີດ​ພະ​ຍາດ, ສົ່ງ​ເສີມ​ວຽກງານ​ສຸ​ຂະ​ອານາ​ໄມ, ວາງ​ແຜນ​ສົ່ງ​ເສີມ​ສຸຂະພາບ​ສຳລັບ​ຜູ້​ເຈັບ​ປ່ວຍ, ລົງທະບຽນ​ແຈກ​ຢາຍ ​ແລະ ​ເຄື່ອງ​ໃຊ້​ຕ່າງໆ, ຮັບປະກັນ​ວ່າ​ເດັກນ້ອຍ, ຜູ້​ເຖົ້າ ​ແລະ ກຸ່ມ​ຄົນ​ທີ່​ມີ​ຄວາມ​ສ່ຽງ​ໄດ້​ຮັບ​ສິ່ງ​ຂອງ​ແຈກ​ຢາຍ​ກ່ອນ​ຄົນ​ອື່ນ ​ແລະ ​ໃຫ້​ອາຫານ​ເສີມ ​ແລະ ບຳລຸງ ສຳລັບ​ເດັກນ້ອຍ, ​ແມ່ຍິງ​ຖືພາ ​ແລະ ​ແມ່ລູກອ່ອນ.

- Wave100S AD to Website 2020 0 - ການ​ຟື້ນຟູ​ຜົນ​ກະທົບ​ຈາກ​ໄພ​ນ້ຳຖ້ວມ​ຢູ່​ເມືອງສະໜາມ​ໄຊ ມີ​ຄວາມ​ຄືບໜ້າຫລາຍ​ດ້ານ
- WhatsApp Image 2020 05 27 at 5 - ການ​ຟື້ນຟູ​ຜົນ​ກະທົບ​ຈາກ​ໄພ​ນ້ຳຖ້ວມ​ຢູ່​ເມືອງສະໜາມ​ໄຊ ມີ​ຄວາມ​ຄືບໜ້າຫລາຍ​ດ້ານ
- WhatsApp Image 2020 05 27 at 5 - ການ​ຟື້ນຟູ​ຜົນ​ກະທົບ​ຈາກ​ໄພ​ນ້ຳຖ້ວມ​ຢູ່​ເມືອງສະໜາມ​ໄຊ ມີ​ຄວາມ​ຄືບໜ້າຫລາຍ​ດ້ານ
error: Alert: ເນື້ອຫາຂ່າວມີລິຂະສິດ !!