ຫ້ອງ​ວ່າການ​ປະທານ​ປະ​ເທດ ​​​ເຜີຍ​ແຜ່ຄຳ​ສັ່ງປ້ອງ​ກັນ ​ແລະ ຮັບ​ມື​ ໄພພິບັດ​ທຳມະ​ຊາດ

- Foriegn affair officer siminar - ຫ້ອງ​ວ່າການ​ປະທານ​ປະ​ເທດ ​​​ເຜີຍ​ແຜ່ຄຳ​ສັ່ງປ້ອງ​ກັນ ​ແລະ ຮັບ​ມື​ ໄພພິບັດ​ທຳມະ​ຊາດ
- Untitled design - ຫ້ອງ​ວ່າການ​ປະທານ​ປະ​ເທດ ​​​ເຜີຍ​ແຜ່ຄຳ​ສັ່ງປ້ອງ​ກັນ ​ແລະ ຮັບ​ມື​ ໄພພິບັດ​ທຳມະ​ຊາດ

​ເມື່ອ​ທ້າຍ​ອາທິດ​ຜ່ານ​ມາ, ຫ້ອງ​ວ່າການ​ປະທານ​​ປະ​ເທດ ​ໄດ້​ຈັດ​ເຜີຍ​​​ແຜ່ຄຳ​ສັ່ງ​ເລ​ກທີ 6/ຄລສພ ວ່າ​ດ້ວຍ​ເພີ່ມ​ທະວີ​ຄວາມ​ຮັບຜິ​ດຊອບ​ຂອງ​ຄະນະ​ພັກ​ໃນ​ການນຳພາ-ຊີ້ນຳການ​ປ້ອງ​ກັນ ​ແລະ ຮັບ​ມື ກັບ​ໄພພິບັດ​ທຳ​ມະ​ຊາດ ​ໂດຍ​ການ​ເຜິີຍ​ແຜ່​ຂອງ​ທ່ານ ​ເພັດ​ສະ​ໝອນ ພັນທະ​ວົງ ຮອງ​ລັດຖະມົນ​ຕີ, ຮອງ​ຫົວໜ້າ​ຫ້ອງ​ວ່າການ​ປະທ​ານປະ​ເທດ, ມີ​ບັນດາຄະນະ​ພັກ, ຄະນະ​ນຳ, ພ້ອມ​ດ້ວຍ​ພະນັກງານ-ລັດຖະກອນຫ້ອງ​ວ່າການ​ປະ​ທານ​ປະ​ເທດ ​ເຂົ້າຮ່ວມຢ່າງ​ພ້ອມພຽງ.

ທ່ານ ​ເພັດ​ສະ​ໝອນ ພັນທະ​ວົງ ​ໃຫ້​ຮູ້​ວ່າ: ຄະນະ​ເລຂາ​ທິການ​ສູນ​ກາງ​ພັກ ​ໄດ້​ອອກ​ຄຳ​ສັ່ງ ​ໃຫ້​ຄະນະ​ພັກ​ແຕ່ລະ​ຂັ້ນ​ຖື​ສຳ​ຄັນ​ການ​ສຶກສາ​ອົບຮົມ, ອະ​ທິບາຍ​ໃຫ້​ແກ່​ຖັນ​ແຖ​ວພະນັກງານ, ທະຫານ, ຕຳຫລວດ ​ແລະ ປະຊາຊົນ​ມີ​ຄວາມ​ເຂົ້າ​ໃຈ​ຖືກຕ້ອງ​ກ່ຽວ​ກັບ​ຄວາມ​ສ່ຽງ​ການເກີ​ດ​ໄພ​ທຳ​ມະ​ຊາດຢູ່​ໃນ​ພື້ນ​ທີ່​ດຳລົງ​ຊີວິດ, ທຳ​ມາ​ຫາ​ກິນ ​ເພື່ອ​ໃຫ້​ມີ​ສະ​ຕິ​ລະວັງ​ຕົວ ​ແລະ ​ເປັນ​ເຈົ້າການ​ຮັບ​ມືກັບ​ໄພພິບັດທີ່​ອາດ​ເກີດ​ຂຶ້ນ, ພ້ອມ​ທັງປັບປຸງ​ການ​ຈັດ​ຕັ້ງ​ຂ​​ອງຄະ​ນະ​ກຳມະການ​ປ້ອງ​ກັນ ​ແລ​ະ ຄວບຄຸມ​ໄພພິບັດຢູ່​ແຕ່ລະ​ຂັ້ນ. ​ໃນ​ກໍ​ລະ​ນີ​ເກີດ​ໄພພິບັດ ຄະນະ​ພັກ​, ອຳນາດ​ການ​ປົກ​ຄອງບ່ອນ​ທີ່​ເກີດ​ເຫດ​ນັ້ນ ຕ້ອງ​ເປັນ​ເຈົ້າ​ການ​ນຳພາ-ຊີ້​ນຳ ​ເພື່ອ​ຈັດ​ຕັ້ງ​ຜັນ​ຂະຫຍາຍ​​ແຜນ​ກູ້​ໄພ ​ໂດຍ​ຜ່ານ​ກົນ​ໄກ​ການຈັດ​ຕັ້ງຂອງ​ຄະນະ​ກຳມະການ​ປ້ອງ​ກັນ ​ແລະ ຄວບ​ຄຸມ​ໄພ​ພິບັດຢູ່​ທ້ອງ​ຖິ່ນ​ຕົນ ຮັບປະກັນ​​ໃຫ້​ເຂົ້າ​ເຖິງ ​ແລະ ຊ່ວຍ​ເຫລື​ອຜູ້​ປະສົບ​ໄພ​ໂດຍ​ໄວ, ​ເປັນ​ເຈົ້າການ​ນຳພາ​ກະກຽ​ມແຜນການ ​ແລະ ຄວາມ​ພ້ອມ​ໃນ​ການຈັດ​ຕັ້ງ​ປະຕິບັດ​​ແຜນ​ຟື້ນ​ຟູ​ພາຍຫລັງ​ເກີດ​ໄພພິບັດ ລວມທັງ​ດ້ານ​ທີ່ຢູ່​ອາ​ໄສ, ອາຫານ​ການ​ກິນ, ການປ້ອງ​ກັນ​-ປິ່ນປົວສຸ​ຂະ​ພາບ, ການຟື້ນ​ຟູ​ດ້ານ​ຈິດ​ໃຈ ​ແລະ ການ​ທຳ​ມາ​ຫາ​ກິນຂອງ​ປະຊາຊົນທີ່​ໄດ້ຮັບ​ຜົນ​ກະທົບ ຈາກ​ໄພພິບັດ​ໃຫ້​ເຂົ້າສູ່​ສະພາບ​ປົກກະຕິ​ໂດຍ​ໄວ.

- Wave100S AD to Website 2020 0 - ຫ້ອງ​ວ່າການ​ປະທານ​ປະ​ເທດ ​​​ເຜີຍ​ແຜ່ຄຳ​ສັ່ງປ້ອງ​ກັນ ​ແລະ ຮັບ​ມື​ ໄພພິບັດ​ທຳມະ​ຊາດ
- WhatsApp Image 2020 05 27 at 5 - ຫ້ອງ​ວ່າການ​ປະທານ​ປະ​ເທດ ​​​ເຜີຍ​ແຜ່ຄຳ​ສັ່ງປ້ອງ​ກັນ ​ແລະ ຮັບ​ມື​ ໄພພິບັດ​ທຳມະ​ຊາດ
- WhatsApp Image 2020 05 27 at 5 - ຫ້ອງ​ວ່າການ​ປະທານ​ປະ​ເທດ ​​​ເຜີຍ​ແຜ່ຄຳ​ສັ່ງປ້ອງ​ກັນ ​ແລະ ຮັບ​ມື​ ໄພພິບັດ​ທຳມະ​ຊາດ
error: Alert: ເນື້ອຫາຂ່າວມີລິຂະສິດ !!