ໃນສົກປີ 2018-2019 ມີນັກຮຽນເສັງເຂົ້າຮຽນ ມຊ ຫຼາຍກວ່າ14 ພັນຄົນ

- Nuol entrance - ໃນສົກປີ 2018-2019 ມີນັກຮຽນເສັງເຂົ້າຮຽນ ມຊ ຫຼາຍກວ່າ14 ພັນຄົນ
- Untitled design - ໃນສົກປີ 2018-2019 ມີນັກຮຽນເສັງເຂົ້າຮຽນ ມຊ ຫຼາຍກວ່າ14 ພັນຄົນ

ການສອບເສັງເຂົ້າມະຫາວິທະຍາໄລແຫ່ງຊາດ (ມຊ) ດົງໂດກ  ສົກຮຽນ 2018-2019, ໄດ້ຈັດຂຶ້ນໃນວັນທີ 25 ສິງຫາ ຜ່ານມານີ້, ຊຶ່ງມີນັກສອບເສັງທັງໝົດ 14.490 ຄົນ ແລະ ໃນຂະນະທີ່ສົກຮຽນນີ້ ມຊ ມີໂກຕ້າຮັບນັກສຶກສາພຽງ 7.575 ຄົນ.

ຕາມການລາຍງານຂອງ ທ່ານ ອຸດົມ ພອນຄໍາເພັງ ຮອງຄະນະອະທິການບໍດີ ມະຫາວິທະຍາໄລແຫ່ງຊາດ  ໃຫ້ຮູ້ວ່າ: ການສອບເສັງເຂົ້າຮຽນ ມຊ ໃນສົກຮຽນ 2018-2019 ຊຶ່ງເປັນປີທໍາອິດທີ່ມີການສະໝັກສອບເສັງຜ່ານລະບົບອອນລາຍ ໂດຍເປີດຮັບສະໝັກມາແຕ່ວັນທີ 16 ກໍລະກົດ ຫາ 22 ສິງຫາ 2018, ມີນັກຮຽນສະໝັກລົງທະບຽນຜ່ານລະບົບດັ່ງກ່າວ ທັງໝົດ 19.262 ຄົນ, ແຕ່ຜູ້ທີ່ມາເອົາບັດເຂົ້າຫ້ອງສອບເສັງຕົວຈິງມີພຽງ 14.490 ຄົນ. ການສອບເສັງປະກອບດ້ວຍ 3 ສາຍ ຄື: ສາຍ A ສາຍທໍາມະຊາດ ຊຶ່ງມີຜູ້ສະໝັກ 5.290 ຄົນ, ສາຍB ສາຍວິທະຍາສາດສັງຄົມ ມີຜູ້ສະໝັກ 8.180 ຄົນ ແລະ ສາຍC ສາຍສັງຄົມ ແລະ ທໍາມະຊາດ ມີຜູ້ສະໝັກທັງໝົດ 1.020, ແບ່ງເປັນ 17 ສູນສອບເສັງ, ໃນນັ້ນ, ຢູ່ໃນ ມຊ ມີ 12 ສູນ, ສູນນອກຄືຢູ່ວິທະຍາເຂດດອນນົກຂຸ້ມ, ວິທະຍາເຂດໂຊກປ່າຫຼວງ, ວິທະຍາໄລເຕັກນິກຊັບພະວິຊາ, ມສ ວຽງຈັນ ແລະ ມສ ສີໂຄດ (ມິດຕະພາບວຽງຈັນ-ໂຮ່ຈິມິນ) ແລະ ອີກປະມານ 2-3 ອາທິດ ຈະໄດ້ຮູ້ຜົນຂອງການສອບເສັງ.

- Wave100S AD to Website 2020 0 - ໃນສົກປີ 2018-2019 ມີນັກຮຽນເສັງເຂົ້າຮຽນ ມຊ ຫຼາຍກວ່າ14 ພັນຄົນ
- WhatsApp Image 2020 05 27 at 5 - ໃນສົກປີ 2018-2019 ມີນັກຮຽນເສັງເຂົ້າຮຽນ ມຊ ຫຼາຍກວ່າ14 ພັນຄົນ
- WhatsApp Image 2020 05 27 at 5 - ໃນສົກປີ 2018-2019 ມີນັກຮຽນເສັງເຂົ້າຮຽນ ມຊ ຫຼາຍກວ່າ14 ພັນຄົນ
error: Alert: ເນື້ອຫາຂ່າວມີລິຂະສິດ !!