ແພດເຕືອນອາການຕາແຫ້ງໃນເດັກທີ່ຈ້ອງໜ້າຈໍດົນເກີນໄປ

- 012708 2018 -  ແພດເຕືອນອາການຕາແຫ້ງໃນເດັກທີ່ຈ້ອງໜ້າຈໍດົນເກີນໄປ
- Untitled design -  ແພດເຕືອນອາການຕາແຫ້ງໃນເດັກທີ່ຈ້ອງໜ້າຈໍດົນເກີນໄປ

ປະຈຸບັນ ເດັກນ້ອຍລ້ວນແຕ່ຕິດໂທລະສັບມືຖື, ແທັບເລດ ລວມໄປເຖິງອຸປະກອນທີ່ມີໜ້າຈໍອີເລັກໂຕຣນິກຕ່າງໆ ປັນຫາກໍຄື ອຸປະກອນເຫລົ່ານີ້ບໍ່ດີສຳລັບດວງຕາຂອງພວກເຂົາ.

ແພດລະບຸວ່າ ຄົນທີ່ໃຊ້ເວລາຢູ່ກັບໜ້າຈໍຄອມພິວເຕີເປັນເວລາດົນໆ ດວງຕາອາດເກີດອາການມົວ ເພາະຫລັບຕາບໍ່ຫລາຍພໍໃນຂະນະທີ່ກຳລັງເຮັດວຽກຢູ່ກັບຄອມພິວເຕີ ເຊິ່ງອາດເຮັດໃຫ້ເກີດອາການຕາແຫ້ງໄດ້ ແລະ ຍ້ອນຄວາມນິຍົມໃນວີດີໂອເກມ ແລະ ກິດຈະກຳອອນລາຍໃນປະຈຸບັນ ອາການຕາແຫ້ງຈຶ່ງກາຍເປັນສິ່ງທີ່ພົບຫລາຍຂຶ້ນໃນກຸ່ມເດັກນ້ອຍ ແລະ ໄວໜຸ່ມທີ່ມັກຕິດຢູ່ກັບໜ້າຈໍ ເຊິ່ງອາການດັ່ງກ່າວນີ້ອາດເຮັດໃຫ້ດວງຕາເກີດຄວາມເສຍຫາຍຢ່າງຖາວອນໄດ້.

ສາດສະດາຈານ James Wolffsohn ຜູ້ຊ່ຽວຊານດ້ານການວັດແທກສາຍຕາຈາກມະຫາວິທະຍາໄລ Aston ໃນປະເທດ ອັງກິດ ເປັນຜູ້ທີ່ເລີ່ມເບິ່ງເຫັນວ່າ ການໃຊ້ງານອຸປະກອນທີ່ມີໜ້າຈໍຕ່າງໆ ບໍ່ວ່າຈະເປັນດິຈິຕັອນ, ແທັບເລັດ ຫລື ໂທລະສັບມືຖືສະ ມາດໂຟນ ລ້ວນແຕ່ເປັນສາເຫດທີ່ເຮັດໃຫ້ດວງຕາແຫ້ງ.

ສາດສະດາຈານ James Wolffsohn ອະທິບາຍວ່າ : ໃນນຳ້ຕາຂອງຄົນເຮົາຈະມີນຳ້ມັນປົນຢູ່ ເຊິ່ງປົກກະຕິແລ້ວ ໃນດວງຕາຈະມີນຳ້ຕາເຄືອບບາງໆຢູ່ຕະຫລອດເວລາ ບໍ່ພຽງແຕ່ໃນເວລາທີ່ຮ້ອງໄຫ້ເທົ່ານັ້ນ ໂດຍນຳ້ຕາທີ່ເຄືອບດວງຕາມີຄວາມບາງພຽງ  1 ໃນ 10 ຂອງຄວາມໜາຂອງເສັ້ນຜົມມະນຸດ.

- Wave100S AD to Website 2020 0 -  ແພດເຕືອນອາການຕາແຫ້ງໃນເດັກທີ່ຈ້ອງໜ້າຈໍດົນເກີນໄປ

ສຳລັບເດັກນ້ອຍທີ່ໃຊ້ເວລາຢູ່ແຕ່ໜ້າຈໍດົນໆຈະມີຄວາມສ່ຽງຕໍ່ການເກີດອາການຕາແຫ້ງ ເພາະຫລັບຕາບໍ່ຫລາຍພໍ ເມື່ອດວງຕາບໍ່ມີການຜະລິດນຳ້ຕາອອກມາດົນໆ ນຳ້ຕາທີ່ລະເຫີຍໄປຈະຖິ້ມຄາບເຄືອບເກືອໄວ້ໃນດວງຕາຂອງເຮົາ ເຊິ່ງອາດເຮັດໃຫ້ຕິດເຊື້ອ ຫລື ມີຮອຍຂູດຂີດໄດ້ ລວມທັງອາດຈະເຮັດໃຫ້ເບິ່ງເຫັນບໍ່ໍແຈ້ງນຳອີກ.

ນອກຈາກນີ້ ສາດສະດາຈານ Wolffsohn  ຍິງກ່າວຕື່ມວ່າ :  ເວລາທີ່ເຮົາຕັ້ງໃຈເຮັດວຽກຢ່າງໜັກເທິງໜ້າຈໍໍຕອມພິວເຕີ ມັກຈະຫລັບຕາໜ້ອຍລົງ ຫລື ແທນທີ່ຈະຫລັບຕາຢ່າງເຕັມທີ່ ກໍຈະຫລັບໄດ້ແຕ່ບາງພາກສ່ວນ ເຮັດໃຫ້ເກີດຄວາມເສຍຫາຍຕໍ່ດ້ານໜ້າຂອງດວງຕາໄດ້ຄືກັນ. ແນວໃດກໍຕາມ ຂະນະນີ້ມີແອັບພລິເຄເຊິນຂອງສະມາດໂຟນທີ່ສາມາດບົ່ງມະຕິອາການຕາແຫ້ງໄດ້ ເຊິ່ງຖືກນຳໄປສາທິດ ແລະ ທົດລອງໃຊ້ຢູ່ນະຄອນຫລວງລອນດອນ ໂດຍຈະຖາມຄຳຖາມງ່າຍໆ ແລະ ຈະທົດສອບວ່າທ່ານສາມາດຈ້ອງເບິ່ງໜ້າຈໍໂດຍບໍ່ຫລັບຕາໄດ້ດົນປານ ໃດ. ແຕ່ສາດສະດາຈານ Wolffsohn ຕັ້ງຂໍ້ສົງໄສວ່າ : ການໃຊ້ແອັບນີ້ຜ່ານໜ້າຈໍຂອງອຸປະກອນອີເລັກໂຕຣນິກ ກໍອາດເຮັດໃຫ້ເກີດບັນຫາໄດ້ຄືກັນ ຫາກໃຊ້ຫລາຍເກີນໄປ ແລະ ເຖິງວ່າທ່ານຈະບໍ່ມີແອັບນີ້ ແລະ ຍັງບໍ່ສາມາດຂັດຂວາງໃຫ້ລູກ ຫລື ໂຕທ່ານເອງເຊົາຈ້ອງໜ້າຈໍດົນໆໄດ້ ແພດເຕືອນວ່າຢ່າງໜ້ອຍທີ່ສຸດທ່ານກໍໍຍັງສາມາດປ້ອງກັນດວງຕາບໍ່ໃຫ້ແຫ້ງໄດ້ ໂດຍໝັ່ນຫລັບຕາເມື່ອຢູ່ໜ້າຈໍຄອມພິວເຕີ ແລະ ໝັ່ນເຕືອນລູກໆໃຫ້ປະຕິບັດຄືກັນ.

- WhatsApp Image 2020 05 27 at 5 -  ແພດເຕືອນອາການຕາແຫ້ງໃນເດັກທີ່ຈ້ອງໜ້າຈໍດົນເກີນໄປ
- WhatsApp Image 2020 05 27 at 5 -  ແພດເຕືອນອາການຕາແຫ້ງໃນເດັກທີ່ຈ້ອງໜ້າຈໍດົນເກີນໄປ
error: Alert: ເນື້ອຫາຂ່າວມີລິຂະສິດ !!