ຈີນເລັ່ງອອກມາດຕະການ ຄວບຄຸມການຂົນສົ່ງ

- advert banner 728 90 728x90 - ຈີນເລັ່ງອອກມາດຕະການ ຄວບຄຸມການຂົນສົ່ງ

​ເຈົ້າໜ້າ​ທີ່​ລັດຖະບານ​ຈີນ ​ເປີດ​ເຜີຍ​ວ່າ: ລັດຖະບານ​ກຽມ​ຊຸກຍູ້​ມາດ​ຕະການ​ປັບປຸງ​ການ​ເບິ່ງ​ແຍງ​ຜູ້​ໃຫ້​ບໍລິການ​ໃນ​ຂະ​ແໜງ​ຂົນ​ສົ່ງ, ພາຍຫລັງ​ເກີດ​ເຫດການ​ຜູ້​ໂດຍສານ​ຖືກ​ຂົ່ມຂືນ ​ແລະ ຄາດ​ຕະກຳ ຫລັງ​ຮຽກ​ໃຊ້​ບໍລິການຄາພູລຂອງ​ຕີ​ຕີ ຊູ​ສິງ ​ເຊິ່ງ​ເປັນ​ເຫດ​ໃຫ້​ທາງ​ບໍລິສັດ​ໄດ້​ຢຸດ​ໃຫ້​ບໍລິການ​ຄາ​ພູລຮຽບຮ້ອຍ​ແລ້ວ.

​ເຫດການ​ດັ່ງກ່າວ​ຖື​ເປັນ​ເຫດ​ຄາດ​ຕະກຳ​ຜູ້​ໂດຍສານ​ຂອງ​ຕີ​ຕີ​ເປັນຄັ້ງທີ​ສອງ​ນັບ​ແຕ່​ເດືອນ​ພຶດສະພາ ​ໂດຍ​ໄດ້​ກໍ່​ໃຫ້​ເກີດ​ກະ​ແສ​ຄວາມ​ຄຽດ​ແຄ້ນ​ໄປ​ທົ່ວ​ໂລກ​ອອນ​ລາຍ ​ແລະ ສ້າງ​ຄວາມ​ເຊື່ອມ​ເສຍ​ໃຫ້​ແກ່​ພາບ​ພົດ​ຂອງ​ຕີ​ຕີ ຊູ​ສິງ ​​ເຊິ່ງ​ເປັນ​ບໍລິສັດ​ຜູ້​ໃຫ້​ບໍລິການ​ຮຽກ​ລົດ​ລາຍ​ໃຫຍ່​ທີ່​ສຸດ​ຂອງ​ໂລກ​ໃນ​ແງ່​ຂອງ​ຈຳນວນ​ການ​ໃຫ້​ບໍລິການ.

ລັດຖະມົນຕີ​ກົມ​ຂົນ​ສົ່ງ​ຈີນ ກ່າວ​ວ່າ: ທາງ​ບໍລິສັດ​ຕ້ອງ​ຮັບຜິດຊອບ​ຕໍ່​ເຫດການ​ທີ່​ເກີດ​ຂຶ້ນກັບ​ຜູ້​ໂດຍສານ​ໃນ​ທຸກ​ກໍລະນີ, ພາຍຫລັງ​ຜູ້​ໂດຍສານ​ຍ່າງ​ຂຶ້ນລົດ​ທີ່​ໃຫ້​ບໍລິການ​ຄາ​ພູລຂອງ​ບໍລິສັດ.

- lattana 1 - ຈີນເລັ່ງອອກມາດຕະການ ຄວບຄຸມການຂົນສົ່ງ
- 1 1 - ຈີນເລັ່ງອອກມາດຕະການ ຄວບຄຸມການຂົນສົ່ງ

ທັງ​ນີ້, ບໍລິສັດ​ຕີ​ຕີ ຊູ​ສິງ ​ໄດ້​ປະກາດ​ຢຸດ​ໃຫ້​ບໍລິການ​ຄາ​ພູລນັບ​ແຕ່​ວັນ​ທີ 27 ສິງຫາ​ເປັນຕົ້ນ​ໄປ ​ເນື່ອງ​ຈາກ​ເຫດການ​ດັ່ງກ່າວ​ເປັນຄວາມ​ຜິດພາດ​ທີ່​ຍອມຮັບ​ບໍ່​ໄດ້. ນອກຈາກ​ນີ້ ທາງ​ບໍລິສັດ​ຍັງ​ໄດ້​ປົດ​ຜູ້​ບໍລິຫານ​ສອງ​ຄົນ​ອອກ​ຈາກ​ຕຳ​ແໜ່​ງ​ແລ້ວ ​ແລະ ​ໄດ້​ເລີ່​ມທຳ​ການ​ປະ​ເມີນ​ຮູບ​ແບບ​ທຸລະ​ກິດ​ໃໝ່ ​ເພື່ອ​ທົດ​ແທນ​ບໍລິການ​ຄາ​ພູລ.

error: Content is protected !!