ການຕ້ານແລ້ງ-ຕ້ານຖ້ວມຕ້ອງໄດ້ລວມພະລັງ

- 20480005 1891994121067906 9147073199166584022 n - ການຕ້ານແລ້ງ-ຕ້ານຖ້ວມຕ້ອງໄດ້ລວມພະລັງ
- Untitled design - ການຕ້ານແລ້ງ-ຕ້ານຖ້ວມຕ້ອງໄດ້ລວມພະລັງ

  ໂດຍ: ທິດກ່ຳ   

ໃນປີ 2018 ນີ້, ຖືວ່າ ເປັນ ປີໜຶ່ງທີ່ໄພພິບັດທາງ ທຳມະຊາດໄດ້ຂົ່ມຂູ່ພວກ ເຮົາຢ່າງໜັກໜ່ວງຫລວງ ຫລາຍ ແລະ ເປັນວົງກວ້າງ ອີ່ຫລີ.

ລາວ ​ແລະ ອົງການ​ອະ​ນາ​ໄມ​ໂລກ ຮ່ວມ​ມື​ວຽກງານຕອບ​ໂຕ້​ໄພພິບັດ​ນ້ຳຖ້ວມ​ຢູ່​ແຂ​ວງອັດ​ຕະປື

ການ​ຟື້ນຟູ​ຜົນ​ກະທົບ​ຈາກ​ໄພ​ນ້ຳຖ້ວມ​ຢູ່​ເມືອງສະໜາມ​ໄຊ ມີ​ຄວາມ​ຄືບໜ້າຫລາຍ​ດ້ານ

ອີງຕາມຕົວເລກ ໄດ້ຢັ້ງ ຢືນໃນກອງປະຊຸມລັດຖະ ບານປະຈຳເດືອນສິງຫາ 2018 ເຊິ່ງຈັດຂຶ້ນໃນວັນທີ 22-23 ສິງຫາຜ່ານມາ ມີ ເຖິງ 14 ແຂວງ ແລະ ນັບ ທັງນະຄອນຫລວງວຽງ ຈັນ, ມີ 80 ເມືອງ 1.438 ບ້ານ ໄດ້ຮັບຜົນກະທົບ, ອັນ ໄດ້ສ້າງຄວາມເສຍຫາຍຕໍ່ ພື້ນຖານໂຄງລ່າງເສດຖະ ກິດ-ສັງຄົມ ເປັນຕົ້ນ: ຖະໜົນ ຫົນທາງ, ຂົວ, ການຜະລິດ ກະສິກຳ, ແຫລ່ງນ້ຳກິນ- ນ້ຳໃຊ້, ໂຮງຮຽນ, ໂຮງໝໍ, ໄຟຟ້າ ແລະ ອື່ນໆ. ສຳລັບ ມູນຄ່າເສຍຫາຍທີ່ເປັນຕົວ ເລກຕົວຜາຢ່າງລະອຽດ ນັ້ນ ກໍຍັງບໍ່ທັນຮູ້ຊັດເຈນ ເພາະ ຍັງຢູ່ໃນໄລຍະເກັບກຳ ຂໍ້ມູນ, ບ່ອນທີ່ຮ້າຍແຮງ ກວ່າ ໝູ່ກໍແມ່ນກໍລະນີສັນ ເຂື່ອນເຊປຽນ-ເຊນ້ຳນ້ອຍ ແຕກ ຢູ່ເມືອງສະໜາມໄຊ ແຂວງອັດຕະປື.

ແນວໃດກໍດີ, ຕາມທິດ ກ່ຳວ່າໃນຊ່ວງນີ້ພວກເຮົາ ຍັງຢູ່ໃນຊ່ວງລະດູຝົນ ແລະ ຍັງບໍ່ຮູ້ວ່າພາຍຸລູກໃດມັນ ຈະມາຊ້ຳເຕີມອີກ, ຂະໜາດ ພຽງ 2 ພາຍຸຄື: ເຊີນຕິນກັບ ເບບີນກາ ກໍຍັງເສຍຫາຍ ໜັກ ໜ່ວງເຖິງຂັ້ນນີ້ແລ້ວ.

- Wave100S AD to Website 2020 0 - ການຕ້ານແລ້ງ-ຕ້ານຖ້ວມຕ້ອງໄດ້ລວມພະລັງ

ແຕ່ຫລັງຈາກໝົດກາງ ເກົ້າກາງສິບໄປແລ້ວ, ກ້າວ ເຂົ້າຍາມໜາວ, ເຊິ່ງເປັນໄລ ຍະຕົ້ນຂອງລະດູແລ້ງ ຢ້ານ ວ່າພາກັນໜາວຈົນແຂງກະ ດ້າງຊ້ຳຕື່ມ ອັນຈະພາໃຫ້ມີ ຜົນກະທົບໃສ່ຊີວິດການ ເປັນຢູ່ຂອງຄົນເຮົາ, ສັດສາ ວາສິ່ງ ແລະ ພືດພັນທັນຍາ ຫານທີ່ພວມມີການຜະລິດ ຫລື ມີຢູ່ໃນທຳມະຊາດບໍ່ ຫລາຍກໍໜ້ອຍ.

ແນວໃດກໍຕາມ, ເຖິງວ່າ ຈະຕົກຢູ່ໃນສະພາບການ ໃດ, ກໍລະນີໃດພວກເຮົາ ກໍຈະຕ້ອງໄດ້ພ້ອມກັນປະ ເຊີນ ແລະ ຕໍ່ສູ້ເພື່ອເອົາຊີວິດ ລອດ, ຄິດວ່າບັນຫາໄພພິ ບັດ ທີ່ໄດ້ເກີດຂຶ້ນ ຫລື ຍັງບໍ່ທັນ ເກີດຂຶ້ນໃນປັດຈຸບັນ ແລະ ຕໍ່ໜ້າມັນກໍບໍ່ໄດ້ມີແຕ່ສະ ເພາະ ຢູ່ບ້ານເຮົາ, ເມືອງເຮົາ, ຢູ່ບ້ານເພິ່ນ, ເມືອງເພິ່ນ, ບາງຄັ້ງ ຫລື ບາງໄລຍະກໍ ມີເໝືອນກັນຕ່າງແຕ່ວ່າ ມີ ຫລາຍ, ມີໜ້ອຍ ແລະ ບາງ ໄລຍະ, ບາງປີກໍຍິ່ງພາກັນ ຕາຍເປັນພັນເປັນໝື່ນ.

ດັ່ງພວກເຮົາຮູ້ນຳກັນ ແລ້ວວ່າ ບັນຫາເຂື່ອນເຊປຽນ-ເຊນ້ຳນ້ອຍແຕກຢູ່ ເມືອງສະໜາມໄຊແຂວງ ອັດຕະປື ແລະ ເຫດການ ໄພພິບັດນ້ຳຖ້ວມຢູ່ຫລາຍ ແຂວງໃນທົ່ວປະເທດ ເບິ່ງ ຢ່າງໜຶ່ງຄືວ່າມັນສອນ ບົດຮຽນອັນໃໝ່ອ່ຽມ ແລະ ຫລາຍຢ່າງຫລາຍແນວໃຫ້ ແກ່ພວກເຮົາ. ອັນສຳຄັນ ທີ່ສຸດກໍແມ່ນບົດຮຽນໃນ ການຕ້ານແລ້ງ, ຕ້ານຖ້ວມ, ເຊິ່ງໃນຜ່ານມາພວກເຮົາ ເຄີຍເວົ້າ ແລະ ພາກັນເຮັດ ກໍມີພຽງແຕ່ສຸມໃສ່ການຜະ ລິດເຊັ່ນ: ຜູ້ເປັນຊາວນາ, ຊາວສວນເມື່ອເຖິງຍາມຝົນ ກໍ ພາກັນຂຸ້ນຂ້ຽວເຮັດນາປີ, ປູກພືດຜັກ ແລະ ຜະລິດສະ ບຽງອາຫານໃຫ້ພຽງພໍເທົ່ານັ້ນ ແລະ ເມື່ອຕົກແລ້ງມາ ກໍເກັບກ່ຽວຜົນຜະລິດ, ສືບຕໍ່ ສຸມໃສ່ເຮັດນາແຊງ, ປູກພືດ ລະດູແລ້ງໃຫ້ຫລາຍ ກຸ້ມຢູ່ ກຸ້ມກິນ ແລະ ສາມາດສະ ໜອງໄດ້ຕາມຄວາມຮຽກ ຮ້ອງຕ້ອງການພາຍໃນປະ ເທດ, ແຕ່ມາຮອດຍຸກນີ້, ການຕ້ານແລ້ງ-ຕ້ານຖ້ວມ ແມ່ນທຸກຂະແໜງການຈະ ຕ້ອງໄດ້ເປັນເຈົ້າການ ແລະ ປິ່ນອ້ອມທັງໝົດເປັນຕົ້ນ: ຂະແໜງກະສິກຳ ແລະ ປ່າ ໄມ້ກໍຕ້ອງໄດ້ເວົ້າເຖິງການ ຜະລິດສະບຽງອາຫານ ແລະ ພັດທະນາຊົນນະບົດ. ຂະແໜງຄົມມະນາຄົມ ແລະ ຂົນສົ່ງ ກໍຕ້ອງເວົ້າເຖິງ ການໄປມາໃຫ້ສະດວກສະ ບາຍ, ໄປບໍ່ຄາມາບໍ່ຂ້ອງ, ຂະແໜງໂທລະຄົມມະນາຄົມ ແລະ ການສື່ສານ ກໍຕ້ອງໄດ້ ເວົ້າເຖິງລະບົບການສື່ສານ ໃຫ້ກວ້າງຂວາງ, ຢູ່ໝ້ອງໃດ ແຈໃດ, ຢູ່ຮ່ອມຫ້ວຍພູເຂົາ, ເຂດຫ່າງໄກສອກຫລີກກໍ ຕ້ອງສື່ສານຫາກັນໄດ້ຢ່າງ ສະດວກວ່ອງໄວ. ຂະແໜງ ປ້ອງກັນຊາດ-ປ້ອງກັນ ຄວາມສະຫງົບກໍຕ້ອງໄດ້ ເວົ້າເຖິງຄວາມໝັ້ນຄົງຂອງຊາດ, ຄວາມປອດໄພຂອງ ປະຊາຊົນບັນດາເຜົ່າ, ຂະ ແໜງພະລັງງານ ແລະ ບໍ່ແຮ່ ກໍຕ້ອງໄດ້ເວົ້າເຖິງການຂຸດ ຄົ້ນ ແລະ ການນຳໃຊ້ຊັບໃນ ດິນ, ສິນໃນນ້ຳ ເພື່ອມາຮັບ ໃຊ້ຊາດ ແລະ ຮັບໃຊ້ປະຊາ ຊົນຢ່າງມີຄຸນນະພາບ, ບໍ່ ໃຫ້ ມີຜົນກະທົບຕໍ່ຄົນ ແລະ ສິ່ງແວດລ້ອມ. ຂະແໜງຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ ກໍຕ້ອງໄດ້ ເວົ້າເຖິງການສະໜອງຂໍ້ມູນຂ່າວສານໃຫ້ວ່ອງໄວ, ທັນ ໃຈ ເພື່ອເຕືອນສະຕິໃນການ ໄປມາຫາສູ່, ຫລີກລ້ຽງໄພ ອັນຕະລາຍຕ່າງໆ ກ່ອນ ມັນຈະມາເຖິງຕົວເຮົາ, ເວົ້າ ລວມແລ້ວ ບັນຫາການຕ້ານ ໄພພິບັດ ຫລື ຕ້ານແລ້ງ- ຕ້ານຖ້ວມ ມັນຕ້ອງໄດ້ລວມ ພະລັງຂອງທຸກຄົນພາຍໃນ ຊາດ ແລະ ສັງຄົມ ຈຶ່ງຖືວ່າ ເປັນ ກຳລັງແຮງສັງລວມ ເພື່ອຕ້ານແລ້ງ-ຕ້ານຖ້ວມ.

- 20480005 1891994121067906 9147073199166584022 n - ການຕ້ານແລ້ງ-ຕ້ານຖ້ວມຕ້ອງໄດ້ລວມພະລັງ
(ພາບປະກອບ)
- WhatsApp Image 2020 05 27 at 5 - ການຕ້ານແລ້ງ-ຕ້ານຖ້ວມຕ້ອງໄດ້ລວມພະລັງ
- WhatsApp Image 2020 05 27 at 5 - ການຕ້ານແລ້ງ-ຕ້ານຖ້ວມຕ້ອງໄດ້ລວມພະລັງ
error: Alert: ເນື້ອຫາຂ່າວມີລິຂະສິດ !!