ກອງ​ປະຊຸມ ຄັ້ງທີ 4 ຂອງຄະນະ​ກໍາມະການ​ສະ​ເພາະ​ກິດ​ແກ້​ໄຂ​ໄພພິບັດ​ລະດັບ​ຊາດ

- Float committee - ກອງ​ປະຊຸມ ຄັ້ງທີ 4 ຂອງຄະນະ​ກໍາມະການ​ສະ​ເພາະ​ກິດ​ແກ້​ໄຂ​ໄພພິບັດ​ລະດັບ​ຊາດ
- Untitled design - ກອງ​ປະຊຸມ ຄັ້ງທີ 4 ຂອງຄະນະ​ກໍາມະການ​ສະ​ເພາະ​ກິດ​ແກ້​ໄຂ​ໄພພິບັດ​ລະດັບ​ຊາດ

        ຄະນະ​ກໍາມະການ​ສະ​ເພາະ​ກິດ​ແກ້​ໄຂ​ໄພພິບັດລະດັບ​ຊາດ ​​ໄດ້ຈັດ​ກອງ​ປະຊຸມ​ຄັ້ງ​ທີ IV ​​​​ຂຶ້ນ​ໃນ​ວັນ​ທີ 27 ສິງຫາ​ນີ້ກອງ​ປະຊຸມດັ່ງກ່າວ, ​ໄດ້​ຈັດຂຶ້ນໃນ​ວັນ​ທີ 27 ສິງຫາ 2018 ໂດຍ​ການ​ເປັນ​ປະທານ​ຂອງ​ທ່ານ ​ສອນ​ໄຊ ສີ​ພັນ​ດອນ ຮອງ​ນາຍົກລັດຖະມົນຕີ, ທັງ​ເປັນ​ປະທານ​ຄະນະ​ກໍາມະການ​ສະ​ເພາະ​ກິດ​ແກ້​ໄຂ​ໄພພິບັດລະດັບ​ຊາດ, ມີ​ບັນດາ​ຄະນະ​ຮັບຜິດຊອບ ພ້ອມ​ດ້ວຍ​ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ ​ເພື່ອ​ຮັບ​ຟັງ​ການເຜີຍ​ແຜ່​ເນື້ອ​​ໃນ​ຄໍາ​ສັ່ງຂອງ​ຄະນະ​ເລຂາທິການ​ສູນ​ກາງ​ພັກ ທີ່​ເນັ້ນໃຫ້​ຄະນະ​ພັກ​ທຸກ​ຂັ້ນຖື​ສໍາຄັນ​ການ​ສຶກສາ​ອົບຮົມ, ອະທິບາຍ​ໃຫ້​ແກ່​ຖັນ​ແຖວ​ພະນັກ​ງານ, ທະຫານ, ຕໍາຫລວດ ​ແລະ ປະຊາຊົນມີ​ຄວາມ​ເຂົ້າ​ໃຈ​ຖືກຕ້ອງກ່ຽວ​ກັບ​ຄວາມ​ສ່ຽງ​ເກີດ​ໄພພິບັດທໍາ​ມະ​ຊາດຢູ່​ໃນ​ພື້ນ​ທີ່​ດໍາລົງ​ຊີວິດ, ທໍາ​ມາ​ຫາ​ກິນ​ຂອງ​ຕົນ ​ເພື່ອ​ໃຫ້​ມີ​ສະຕິ​ລະວັງ​ຕົວ ​ແລະ ​ເປັນ​ເຈົ້າ​ການ​ຮັບ​ມື​ກັບ​ໄພພິບັດ​ທີ່​ອາດ​ເກີດ​ຂຶ້ນ. ພ້ອມ​ນັ້ນ ​ກໍ​ເອົາ​ໃຈ​ໃສ່​ນໍາພາ​ຊີ້​ນໍາພາກສ່ວນ​ກ່ຽວຂ້ອງ ​ເພື່ອ​ເຮັດ​ໜ້າ​ທີ່​ຕິດຕາສະພາບການ​ປ່ຽນ​ແປງ​ຂອງ​ອາກາດ ​ແລະ ສະໜອງ​ແຈ້ງ​​ເຕືອນ​ໃຫ້​ສາທາລະນະ​ຊົນ​ຢ່າງ​ທັນ​ການ ​ແລະ ຄົບ​ຖ້ວນ; ປັບປຸງ​ການຈັດ​ຕັ້ງ​ຂອງ​ຄະນະ​ກໍາມະການ​ປ້ອງ​ກັນ ​ແລະ ຄວບ​ຄຸມ​ໄພ​ພິບັດ​ຢູ່​ແຕ່ລະ​ຂັ້ນ; ປັບປຸງ​ກົນ​ໄກ​ການ​ເຄື່ອນ​ໄຫວ​ປະສານ​ງານ​ໃຫ້​ໂລ່ງ​ລ່ຽນ. ພ້ອມ​​ນັ້ນ ​ກໍ​ໃຫ້​ມີ​ການ​ລະດົມ​ທຸກ​ກໍາລັງ​ຈາກ​ບັນດາ​ອົງການ​ພາກ​ລັດ, ສັງຄົມ, ບຸກຄົນ ​ແລະ ນິຕິບຸກຄົນ ​ເຂົ້າ​ຊ່ວຍ​ເຫລືອ, ​ພ້ອມທັງ​ລາຍ​ງານ ​ແລະ ປະສານ​ງານ​ຮີບ​ດ່ວນກັບ​ບັນດາ​ພາກສ່ວນ​ກ່ຽວຂ້ອງຢູ່​ສູນ​ກາງ ນັບ​ທັງ​ລາຍ​ງານ​ຂໍ​ການຊີ້​ນໍາ​ໂດຍ​ກົງ​ຈາກ​ສູນ​ກາງ​ພັກ ​ແລະ ລັດຖະບານ. ຂະນະ​ດຽວ​ ກໍ​ໃຫ້​ເປັນ​ເຈົ້າ​ການ​ນໍາພາ​ກະກຽມ​ແຜນການ ​ແລະ ຄວາມ​ພ້ອມ​ໃນ​ການ​ຈັດ​ຕັ້ງ​ປະຕິບັດ​​ແຜນ​​ຟື້ນ​ຟູຫລັງ​ໄພພິບັດ ລວມ​ທັງດ້ານ​ທີ່ຢູ່​ອາ​​ໄສ, ອາຫານ​ການ​ກິນ, ປ້ອງ​ກັນ-ປິ່ນປົວສຸຂະພາບ, ຟື້ນ​ຟູ​ດ້ານ​ຈິດ​ໃຈ ​ແລະ ການ​ທໍາ​ມາ​ຫາ​ກິນ​ຂອງ​ປະຊາຊົນ​ທີ່​ໄດ້​ຮັບ​ຜົນ​ກະທົບ​ຈາກ​ໄພພິບັດ​ໃຫ້​ເຂົ້າ​ສູ່​ສະພາບ​ປົກກະຕິ​ໂດຍ​ໄວ, ​ໃນ​ນັ້ນ ​ກໍ​ໃຫ້​ສືບ​ຕໍ່​ເຊີດ​ຊູ​ຄວາມ​ຮັບຜິດຊອບ ​ແລະ ​ເປັນ​ເຈົ້າ​ການ​ຮ່ວມ​ກັບ​ຄະນະ​ຮັບຜິດຊອບ​ແກ້​ໄຂ​​ໄພພິບັດ​ຂອງ​ສູນ​ກາງ, ທັງ​ປະສານ​ງານ​ກັບ​ທຸກ​ພາກສ່ວນ​ທີ່​ກ່ຽວຂ້ອງ ​ເພື່ອ​ຮັບປະກັນ​ການຈັດ​ຫາ​ທີ່ຢູ່​ອາ​​ໄສ, ​ແຈກ​ຢາຍ​ສະບຽງອາຫານ, ປ້ອງ​ກັນ​-ຮັກສາ​ສຸຂະພາບ​ໃຫ້ຜູ້​ປະສົບ​ໄພ ​ໂດຍ​ສະ​ເພາະ​ແມ່ນ​ຈັດ​ພື້ນ​ທີ່​ຕັ້ງ​ບ້ານ (ສໍາລັບ​ບ້ານ​ທີ່​ຕ້ອງ​ຍົກ​ຍ້າຍ) ຟື້ນ​ຟູ ຫລື ບຸກ​ເບີກ​ໃໝ່ສໍາລັບ​ບ່ອນ​ທໍາ​ການ​ຜະລິດ, ສົມທົບ​ລະຫວ່າງ​ການຈັດ​ຕັ້ງ​ແຜນ​ຟື້ນ​ຟູ​ໄລຍະ​ສັ້ນ ​ແລະ ​ໄລ​ຍະ​ຍາວ.

ສ່ວນ​ຢູ່​ທ້ອງ​ຖິ່ນ​ອື່ນໆທີ່​ໄດ້​ຮັບ​ຜົນ​ກະທົບ​ຈາກ​ນໍ້າ​ຖວ້ມກໍ​ໃຫ້​ຄະນະ​ພັກ, ອໍານາດ​ການ​ປົກຄອງແຕ່​ລະ​ບ່ອນ​ເປັນ​ເຈົ້າ​ການ​ຊີ້​ນໍາ-ນຳພາທຸກ​ການຈັດ​ຕັ້ງ​ພາຍ​ໃນ​ທ້ອງ​ຖິ່ນ ກໍ​ຄືປະສານ​ກັບ​ພາກ​ຕ່າງໆ​ຢູ່​ສູນ​ກາງ ​ເພື່ອ​ດໍາ​ເນີນ​ການ​ແກ້​ໄຂ​ຜົນ​ກະທົບ​ໃຫ້​ເຂົ້າ​ສູ່​ສະພາບ​ປົກກະຕິ​ໂດຍ​ໄວ ​ແລະ ​ໃນ​ຕໍ່ໜ້າ​ ພັກ​-ລັດຖະບານຈະ​ເອົາ​ໃຈ​ໃສ່​ສຸດ​ຂີດ​ປັບປຸງ​ຄຸນນະພາບ ​ແລະ ປະສິດທິພາບການ​ຄຸ້ມ​ຄອງ​ບັນດາ​ໂຄງການ​ກໍ່ສ້າງ​ເຂື່ອນ​ຕ່າງໆ, ຖື​ການ​ຮັບປະກັນ​ຄວາມ​ປອດ​ໄພ​ດ້ານ​ຊີ​ວິດ, ຊັບ​ສິນຂອງ​ປະຊາຊົນ​ເປັນ​ເງື່ອນ​ໄຂ​ສູ​ງສຸດ, ຄະນະ​ພັກ​​ແຕ່ລະຂັ້ນຕ້ອງ​ເອົາ​ໃຈ​ໃສ່​ຊີ້​ນໍາ​ທຸກ​ພາກສ່ວນ​ ເພື່ອ​ເຊີດ​ຊູ​ສະຕິ​ລະວັງ​ຕົວ, ຕອບ​ຕ້ານ​ຕໍ່​ອິດ​ທິກໍາລັງ​ປໍ​ລະ​ປັກທີ່​ສວຍໃຊ້​ເຫດການ​ເຂື່ອນ​ແຕກຄັ້ງ​ນີ້​ໂຄ​ສະ​ນາ​ບິດ​ເບືອນ, ທັບ​ຖົມ​ໂຈມ​ຕີຕໍ່​ແນວທາງ, ​ແຜນ​ນະ​ໂຍບາຍ​ຂອງ​ພັກ, ປຸກ​ປັ່ນ​ຄວາມ​ບໍ່ພໍ​ໃຈ ​ແລະ ສ້າງ​ຄວາມ​ສັບສົນ​ໃນ​ສັງຄົມ ຫວັງ​ຮັບ​ໃຊ້​ກົນອຸບາຍ​ມ້າງ​ເພ​​ປະ​ເທດ​ເຮົາ.

- Wave100S AD to Website 2020 0 - ກອງ​ປະຊຸມ ຄັ້ງທີ 4 ຂອງຄະນະ​ກໍາມະການ​ສະ​ເພາະ​ກິດ​ແກ້​ໄຂ​ໄພພິບັດ​ລະດັບ​ຊາດ
- WhatsApp Image 2020 05 27 at 5 - ກອງ​ປະຊຸມ ຄັ້ງທີ 4 ຂອງຄະນະ​ກໍາມະການ​ສະ​ເພາະ​ກິດ​ແກ້​ໄຂ​ໄພພິບັດ​ລະດັບ​ຊາດ
- WhatsApp Image 2020 05 27 at 5 - ກອງ​ປະຊຸມ ຄັ້ງທີ 4 ຂອງຄະນະ​ກໍາມະການ​ສະ​ເພາະ​ກິດ​ແກ້​ໄຂ​ໄພພິບັດ​ລະດັບ​ຊາດ
error: Alert: ເນື້ອຫາຂ່າວມີລິຂະສິດ !!