ຕໍາຫລວດອຸດົມໄຊຈັບຜູ້ຄ້າຢາເສບຕິດລາຍໃຫຍ່​, ພ້ອມຂອງກາງຢາບ້າ 120 ພັນ​ເມັດ

- yaba - ຕໍາຫລວດອຸດົມໄຊຈັບຜູ້ຄ້າຢາເສບຕິດລາຍໃຫຍ່​, ພ້ອມຂອງກາງຢາບ້າ 120 ພັນ​ເມັດ
- Untitled design - ຕໍາຫລວດອຸດົມໄຊຈັບຜູ້ຄ້າຢາເສບຕິດລາຍໃຫຍ່​, ພ້ອມຂອງກາງຢາບ້າ 120 ພັນ​ເມັດ

​ເຈົ້າໜ້າ​ທີ່ ປກສ ​ແຂວງ​ອຸດົມ​ໄຊ ໃຫ້ຮູ້ວ່າ: ເມື່ອທ້າຍອາທິດຜ່ານມານີ້, ກໍາລັງເຈົ້າໜ້າທີ່ຂອງຕົນໄດ້​ໄລ່​ສະກັດ​ລົດຕ້ອງ​ສົງ​ໄສ​ຂົນ​ສົ່ງຢາເສບຕິດທີ່​ຜ່ານ​ດ່ານ​​ກວດກາ​ຢູ່​​ເສັ້ນທາງ​ເມືອງ​ນາ​ໝໍ້-​ເມືອງ​ໄຊ. ຈາກນັ້ນພົບເຫັນ​ລົດ​ດັ່ງກ່າວ​ຈອດ​ຖິ້ມ​ໄວ້​ແຄມ​ທາງ, ຈຶ່ງໄດ້​ກວດຄົ້ນພົບ​ຢາ​ບ້າ 120.000 ​ເມັດ, ສ່ວນ​ຜູ້​ຂັບ​ຂີ່ເອົາ​ຕົວ​ຫລົບໜີ​ເຂົ້າປ່າ ກ່ອນ​ເຈົ້າໜ້າ​ທີ່ຈະຕິດຕາມຈັບໄດ້​ໃນ​ວັນ​ດຽວ​ກັນ.

ເຈົ້າໜ້າທີ່ ໃຫ້ຮູ້ວ່າ: ໃນຄະນະຕັ້ງດ່ານກວດກາຢູ່ເສັ້ນທາງດັ່ງກ່າວ, ໄດ້ມີ​ລົດ​ກະບະ​ວີ​ໂກ້ສີ​ປອນ​ເງິນໝາຍ​ເລກທະບຽນ ກກ 6818 ຊຽງ​ຂວາງ ​ແລ່ນ​ມາ​ຕາມ​ເສັ້ນທາງ​ເມືອງ​ນາ​ໝໍ້ມຸ່ງ​ໜ້າ​ໄປ​ເມືອງ​ໄຊ, ຈຶ່ງ​ໄດ້​ສັນຍານ​​ໃຫ້​ຈອດ​ເພື່ອ​ກວດກາ​​ ​ແຕ່​ບໍ່ໄດ້ຮັບການ​ຮ່ວມ​ມື ພ້ອມ​ຂັບ​ຂີ່​ຜ່ານ​ຈຸດ​ກວດກາ. ​ເຈົ້າໜ້າ​ທີ່​ຈຶ່ງ​ໄດ້​ຂັບ​ລົດ​ຕິດຕາມ​ໄປ​ໄດ້​ໄລຍະ​ໜຶ່ງ​ເຫັນ​ລົດ​ຄັນ​ດັ່ງກ່າວ​ຈອດ​ຢູ່​ແຄມ​ທາງ ​ແລະ ​ເຫັນ​ຊາຍ​ສອງ​ຄົນ​ແລ່ນ​ອອກ​ຈາກ​ລົດ​ເຂົ້າ​ໄປ​ປ່າ​ແຄມ​ທາງ ຈຶ່ງ​ເຂົ້າກວດຄົ້ນລົດ​ວີ​ໂກ້​ພົບ​ຂອງ​ກາງ​ຢາ​ເສບ​ຕິດ​ດັ່ງກ່າວ​ຊຸກ​ເຊື່ອງ​​ໄວ້​ຢູ່​ກ້ອງ​ເບາະນັ່ງ ຈຶ່ງ​ໄດ້ຢຶດລົດ ​ແລະ ຂອງ​ກາງໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ. ຈາກນັ້ນໄດ້ຈັດທີມຕິດຕາມຄົ້ນຮ້າຍທີ່ເອົາຕົວຫລົບໜີ, ຈົນສາມາດຈັບຕົວໄດ້ໃນວັນດຽວກັນຄື: ​ທ້າວ ​ເກັງ​ທໍ່ ອາຍຸ 17 ປີຢູ່​ບ້ານ​ຜາ​ເມືອງ, ​ເມືອງ​ບໍລິ​ຄັນ​ແຂວງ​ບໍລິ​ຄຳ​ໄຊ ແລະ ຜ່ານການສືບສວນ-​ສອບ​ສວນຜູ້ກ່ຽວ​ໄດ້ຮັບ​ສາລະພາບ​ວ່າ: ​ໄດ້​ຂົນ​ສົ່ງ​ຢາ​ເສບ​ຕິດ​ດັ່ງກ່າວ​ແທ້. ສ່ວນ​ຜູ້ຮ່ວມຂະບວນການ​ອີກ 1 ຄົນທີ່​ຫລົບໜີ​ໄປ​​ເຈົ້າໜ້າ​ທີ່​ຍັງເລັ່ງຂະຫຍາຍ​ຜົນ​ເພື່ອ​ຈັບ​ຕົວມາດໍາເນີນຄະດີຕາມລະບຽບກົດໝາຍໂດຍໄວ.

- Wave100S AD to Website 2020 0 - ຕໍາຫລວດອຸດົມໄຊຈັບຜູ້ຄ້າຢາເສບຕິດລາຍໃຫຍ່​, ພ້ອມຂອງກາງຢາບ້າ 120 ພັນ​ເມັດ
- WhatsApp Image 2020 05 27 at 5 - ຕໍາຫລວດອຸດົມໄຊຈັບຜູ້ຄ້າຢາເສບຕິດລາຍໃຫຍ່​, ພ້ອມຂອງກາງຢາບ້າ 120 ພັນ​ເມັດ
- WhatsApp Image 2020 05 27 at 5 - ຕໍາຫລວດອຸດົມໄຊຈັບຜູ້ຄ້າຢາເສບຕິດລາຍໃຫຍ່​, ພ້ອມຂອງກາງຢາບ້າ 120 ພັນ​ເມັດ
error: Alert: ເນື້ອຫາຂ່າວມີລິຂະສິດ !!