9 ເຄັດລັບຝຶກສະໝອງເພີ່ມຄວາມສາມາດໃນການຈື່ຈຳ

- 022808 2018 - 9 ເຄັດລັບຝຶກສະໝອງເພີ່ມຄວາມສາມາດໃນການຈື່ຈຳ
- Untitled design - 9 ເຄັດລັບຝຶກສະໝອງເພີ່ມຄວາມສາມາດໃນການຈື່ຈຳ
  1. ເຮັດສະມາທິ : ການຝຶກສະມາທິນອກຈາກຈະເຮັດໃຫ້ທ່ານມີສະມາທິຫລາຍຂຶ້ນ, ເພີ່ມຄວາມຄິດສ້າງສັນ ຍັງຊ່ວຍພັດທະນາຄວາມສາມາດໃນການຈື່ຈຳ ແລະ ການຮຽນຮູ້ໄດ້ນຳ. ຄົນທີ່ນັ່ງສະມາທິເປັນປະຈຳມັກຈະມີເປືອກສະໝອງ (cerebral cortex) ທີ່ໜາຂຶ້ນ ແລະ ມີປະສາດສຳຜັດທີ່ດີຂຶ້ນ ເຊິ່ງສອງພາກສ່ວນນີ້ຊ່ວຍໃຫ້ເຮົາສາມາດຈື່ຈຳສິ່ງຕ່າງໆໄດ້ ມີປະສິດທິພາບ ແລະ ມີສຸຂະພາບຈິດທີ່ດີ.
  2. ຝຶກຈື່ຈຳຂໍ້ມູນໃໝ່ໆ : ການຄິດແມ່ນການອອກກຳລັງກາຍສະໝອງ ແລະ ຈິດໃຈ ລອງຈື່ຈຳສິ່ງໃໝ່ໃນທຸກໆມື້ ບໍ່ວ່າຈະເປັນຄຳເວົ້າໃຫ້ແຮງບັນດານໃຈ, ເບີໂທລະສັບ, ຄວາມຈິງທາງປະຫວັດສາດ ຫລື ແມ່ນແຕ່ເນື້ອເພງ ແລະ ພະຍາຍາມຈື່ຈຳສິ່ງເຫລົ່ານັ້ນເອົາໄວ້ ການຝຶກຝົນແບບນີ້ອາດຈະເບິ່ງເສຍເວລາ, ແຕ່ທ່ານຈະພົບວ່າມັນເຮັດໃຫ້ຄວາມຈື່ຈຳດີຂຶ້ນແທ້ໆ.
  3. ເຮັດກິດຈະກຳໃໝ່ຊຳ້ໄປຊຳ້ມາ : ເມື່ອທ່ານໄດ້ລອງເຮັດຫຍັງໃໝ່ໆຊຳ້ໄປຊຳ້ມາເປັນປະຈຳ ສະໝອງຈະເລີ່ມຄິດຄົ້ນຫາທາງທີ່ຈະໃຫ້ທ່ານເຮັດສິ່ງເຫລົ່ານັ້ນໄດ້ໄວຂຶ້ນ ຢ່າເຂົ້າໃຈຜິດວ່າກິດຈະກຳໃໝ່ໆຈະຕ້ອງເປັນສິ່ງທີ່ເຮັດໃຫ້ຊີວິດທ່ານປ່ຽນແປງສະເໝີໄປ ບາງເທື່ອທ່ານອາດຈະເລີ່ມຕົ້ນດ້ວຍສິ່ງນ້ອຍໆກໍໍໄດ້ ເຊັ່ນ : ການຮຽນພາສາທີ່ບໍ່ເຄີຍຮຽນມາກ່ອນ ຫລື ຫລິ້ນເກມຄອມພິວເຕີ ເປັນຕົ້ນ.
  4. ຮຽນຮູ້ທັກສະໃໝ່ໆ : ການເຮັດກິດຈະກຳທີ່ມີຄວາມໝາຍ ຫລື ມີເປົ້າໝາຍນັ້ນໄດ້ຮັບການພິສູດແລ້ວວ່າຊ່ວຍພັດທະນາລະບົບປະ ສາດ ເພີ່ມຄວາມສາມາດໃນການ ຈື່ຈຳ ແລະ ຫລຸດຄວາມເຄັ່ງຄຽດ ໄດ້ ທ່ານຄວນເລືອກກິດຈະກຳ ແລະ ທັກສະທີ່ມີປະໂຫຍດຕໍ່ທ່ານ.
  5. ຟັງ ແລະ ຫລິ້ນດົນຕີ : ມີ ການຫລິ້ນ ຫລື ການຟັງດົນຕີນັ້ນ ຊ່ວຍເພີ່ມຄວາມສາມາດໃນການຈື່ ຈຳໃຫ້ດີຍິ່ງຂຶ້ນ. ການຫລິ້ນດົນຕີຈະເຮັດໃຫ້ສະໝອງຂອງທ່ານມີການຈັດລະບຽບໃໝ່. ສ່ວນການ ຟັງດົນຕີອາດຈະເບິ່ງບໍເຫັນຜົນປານໃດ ແຕ່ຂະບວນການດັ່ງກ່າວກໍຍັງເກີດຂໍ້ດີຂຶ້ນຢູ່ເບື້ອງຫລັງ.
  6. ເຊື່ອມໂຍງກັບປະສາດສຳຜັດໃຫ້ໄດ້ຫລາຍທີ່ສຸດ : ບໍ່ວ່າຈະແມ່ນການໄດ້ຍິນ, ກິ່ນ, ລົດຊາດ, ການເບິ່ງເຫັນ ລວມທັງການສຳຜັດ ເຖິງວ່າທ່ານຈະເປັນຄົນທີ່ລຶ້ງການຮຽນຮູ້ດ້ວຍການເບິ່ງເຫັນ, ແຕ່ການລອງເວົ້າສິ່ງທີ່ທ່ານຢາກຈື່ຈຳອອກມາດັງໆກໍຈະຊ່ວຍໃຫ້ທ່ານຈື່ສິ່ງນັ້ນໄດ້ເຊັ່ນກັນ.
  7. ພະຍາຍາມເຂົ້າສັງຄົມໃຫ້ຫລາຍຂຶ້ນ : ການມີປະຕິສຳພັນກັບຜູ້ອື່ນນັ້ນຊ່ວຍໃຫ້ສະໝອງຕື່ນໂຕ ແລະ ຝຶກຝົນຄວາມຈື່ຈຳໄດ້ ການເຂົ້າສັງຄົມໃນໂລກຄວາມຈິງ ແລະ ໂລກອິນເຕີເນັດກໍໄດ້ຜົນດີເຊັ່ນກັນ ຈະຊ່ວຍໃຫ້ທ່ານຝຶກຝົນ ແລະ ຄວບຄຸມສະໝອງ ໂດຍສະເພາະພາກສ່ວນຄວາມຈື່ຈຳ.
  8. ໃຊ້ເຕັກນິກໃນການຊ່ວຍຈື່ : ເຕັກນິກຊ່ວຍຈື່ເປັນເຄື່ອງມືທີ່ເຮັດໃຫ້ທ່ານສາມາດຈື່ຂໍ້ມູນຕ່າງໆໄດ້ດີຂຶ້ນ ດ້ວຍການຈັດລະບຽບຂໍ້ມູ ເຫລົ່ານັ້ນໃຫ້ເຫັນພາບ, ການໃຊ້ສຽງ ຫລື ການຂຽນແຜນຜັງຄວາມຈື່ຈຳ ເປັນຕົ້ນ.
  9. ອອກກຳລັງກາຍເປັນປະຈຳ : ຊ່ວຍຊຸກຍູ້ໃຫ້ສະໝອງເຮັດວຽກໄດ້ຢ່າງເຕັມຄວາມສາມາດ.
- Wave100S AD to Website 2020 0 - 9 ເຄັດລັບຝຶກສະໝອງເພີ່ມຄວາມສາມາດໃນການຈື່ຈຳ
- WhatsApp Image 2020 05 27 at 5 - 9 ເຄັດລັບຝຶກສະໝອງເພີ່ມຄວາມສາມາດໃນການຈື່ຈຳ
- WhatsApp Image 2020 05 27 at 5 - 9 ເຄັດລັບຝຶກສະໝອງເພີ່ມຄວາມສາມາດໃນການຈື່ຈຳ
error: Alert: ເນື້ອຫາຂ່າວມີລິຂະສິດ !!