ປະທ້ວງຢູ່ເວເນຊູເອລາຍັງເກີດຂຶ້ນ ເສຍຊີວິດແລ້ວ 32 ຄົນ

- 1493883026300 960x0 - ປະທ້ວງຢູ່ເວເນຊູເອລາຍັງເກີດຂຶ້ນ ເສຍຊີວິດແລ້ວ 32 ຄົນ
- Untitled design - ປະທ້ວງຢູ່ເວເນຊູເອລາຍັງເກີດຂຶ້ນ ເສຍຊີວິດແລ້ວ 32 ຄົນ

- 1493883026300 960x0 300x169 - ປະທ້ວງຢູ່ເວເນຊູເອລາຍັງເກີດຂຶ້ນ ເສຍຊີວິດແລ້ວ 32 ຄົນ      ກາຣາກັດ 4 ພຶດສະພາ: ບັນດາ​ນັກ​ສຶກສາ​ຢູ່​ເວ​ເນ​ຊູ​ເອລາ​ນັດ​ຊຸມ​ນຸມປະ​ທ້ວງ​ຕໍ່ຕ້ານ​ປະທານາທິບໍດີ ​ນິ​ໂກ​ລາສ ມາ​ດູ​ໂຣ ຮອບ​ໃໝ່, ຂະນະ​ທີ່​ຈຳນວນ​ຜູ້​ເສຍ​ຊີວິດ​ຈາກ​ເຫດ​ປະ​ທະ​ລະຫວ່າງ​ຕຳຫລວດ ​ແລະ ຜູ້​ປະ​ທ້ວງ​ເພີ່ມ​ສູງ​ເຖິງ 32 ຄົນ​ແລ້ວ.

​ເຫດການ​ຄວາມ​ຮຸນ​ແຮງ​ເທື່ອ​ຫລັງ​ສຸດ​ເກີດ​ຂຶ້ນ​ໃນ​ວັນ​ທີ 3 ພຶດສະພາ, ພາຍຫລັງ​ເຈົ້າໜ້າ​ທີ່​ຍິງ​ແກັສນ້ຳຕາ ​ແລະ ​ໃຊ້​ປືນ​ສີດ​ນ້ຳ​ແຮງ​ດັນ​ສູງ​ເຂົ້າສະຫລາຍ​ຝູງ​ຊົນ​ທີ່​ພວມ​ຊຸມນຸມ​ປະ​ທ້ວງ​ຢູ່​ພື້ນທີ່​ເບື້ອງຕາ​ເວັນ​ອອກ​ຂອງ​ນະຄອນຫລວງ​ກາຣາກັດ ​ເຮັດ​ໃຫ້​ກຸ່ມ​ຜູ້​ປະ​ທ້ວງ​ຕອບ​ໂຕ້​ດ້ວຍ​ການ​ດຶກ​ກ້ອນ​ຫີນ ​ແລະ ລະ​ເບີດ​ເຂົ້າ​ໃສ່​ເຈົ້າໜ້າ​ທີ່. ​ເຈົ້າໜ້າ​ທີ່​ເປີດ​ເຜີຍ​ວ່າ: ​ເຫດ​ຄວາມ​ບໍ່​ສະຫງົບ​ດັ່ງກ່າວ​ສົ່ງ​ຜົນ​ໃຫ້​ມີ​ຜູ້​ໄດ້​ຮັບ​ບາດ​ເຈັບ 300 ກວ່າ​ຄົນ, ຂະນະ​ທີ່ຜູ້​ເສຍ​ຊີວິດ​ຄົນ​ຫລັງ​ສຸດ​ເປັນ​ຜູ້​ຊາຍ​ອາຍຸ 18 ປີ ​ເພີ່ມ​ຈຳນວນ​ຜູ້​ເສຍ​ຊີວິດ​ເປັນ 32 ຄົນ​ໃນ​ປັດຈຸບັນ​ນີ້.

​ເຫດ​ປະ​ທະ​ລະຫວ່າງ​ຕຳຫລວດ ​ແລະ ກຸ່ມ​ຜູ້​ປະ​ທ້ວງ​ເກີດ​ຂຶ້ນຫລາຍ​ເທື່ອ, ພາຍຫລັງ​ຜູ້​ປະ​ທ້ວງ​ພະຍາຍາມ​ຝ່າ​ແນວ​ປ້ອງ​ກັນ​ຂອງ​ເຈົ້າໜ້າ​ທີ່​ເຂົ້າ​ໄປ​ອາຄານ​ຂອງ​ລັດຖະບານ ​ເຊິ່ງ​ເປັນ​ສະຖານ​ທີ່​ທີ່​ປະທານາທິບໍດີ ມາ​ດູ​ໂຣ ພວມ​ກ່າວ​ປາ​ໄສ​ຕໍ່ໜ້າ​ກຸ່ມ​ຜູ້​ໃຫ້ການ​ສະໜັບສະໜູນຫລາຍ​ພັນ​ຄົນ, ຝ່າຍ​ຕໍ່ຕ້ານ​ກ່າວ​ຫາ​ປະທານາທິບໍດີ ມາ​ດູ​ໂຣ ວ່າ​ພະຍາຍາມ​ເພີ່ມ​ອຳນາດ​ໃຫ້​ຕົນ​ເອງ ​ແລະ ຫລີກ​ເວັ້ນ​ໃຫ້​ມີ​ການ​ລົງ​ຄະ​ແນນ​ສຽງ​ຖອດ​ຖອນ​ຕົນ​​ເອງ​ອອກ​ຈາກ​ຕຳ​ແໜ່​ງຕໍ່​ກໍລະນີ​ບໍລິຫານ​ປະ​ເທດ​ຫລົ້ມ​ເຫ​ລວ ​ເຮັດ​ໃຫ້​ຕ້ອງ​ຜະ​ເຊີນ​ສະພາບ​ຂາດ​ເຂີນ​ອາຫານ, ​ເສດຖະກິດ​ຕົກ​ຕໍ່າ ​ແລະ ​ເງິນ​ເຟີ້​ສູງ​ຂຶ້ນ.

- Wave100S AD to Website 2020 0 - ປະທ້ວງຢູ່ເວເນຊູເອລາຍັງເກີດຂຶ້ນ ເສຍຊີວິດແລ້ວ 32 ຄົນ

ສ່ວນ​ບັນດາ​ນັກ​ສຶກສາ​ທົ່ວ​ປະ​ເທດ​ປະກາດ​ຈະ​ເລີ່​ມອອກ​ມາ​​ແຫ່​ຂະ​ບວນຮຽກຮ້ອງ​ປະຊາທິປະ​ໄຕ ​ແລະ ​ເສລີພາບ​ຈາກ​ປະທານາທິບໍດີ ມາ​ດູ​ໂຣ ​ໃນ​ວັນ​ທີ 4 ພຶດສະພາ​ອີກ.

- WhatsApp Image 2020 05 27 at 5 - ປະທ້ວງຢູ່ເວເນຊູເອລາຍັງເກີດຂຶ້ນ ເສຍຊີວິດແລ້ວ 32 ຄົນ
- WhatsApp Image 2020 05 27 at 5 - ປະທ້ວງຢູ່ເວເນຊູເອລາຍັງເກີດຂຶ້ນ ເສຍຊີວິດແລ້ວ 32 ຄົນ
error: Alert: ເນື້ອຫາຂ່າວມີລິຂະສິດ !!