ດາວທຽມລາວໄດ້ຮັບຄວາມສົນໃຈຈາກພາຍໃນ-ຕ່າງປະເທດ

- advert banner 728 90 728x90 - ດາວທຽມລາວໄດ້ຮັບຄວາມສົນໃຈຈາກພາຍໃນ-ຕ່າງປະເທດ

ໂດຍ: ຣັດສະໝີ ດວງສັດຈະ

ປັດຈຸບັນດາວທຽມລາວ LAOSAT-1 ສາມາດໃຫ້ບໍລິ ການທັງໝົດ 22 ຊ່ອງ TSD ແລະ ໃຫ້ບໍລິການ ໄປແລ້ວ 53% ເຊິ່ງລູກຄ້າສ່ວນໃຫຍ່ແມ່ນຕ່າງ ປະເທດ ແລະ ໃນຜ່ານມາ ລັດ ຖະບານໄດ້ໃຫ້ຄວາມສໍາຄັນຕໍ່ ໂຄງການດັ່ງກ່າວ ໃນການຊຸກຍູ້ ແລະ ນໍາໃຊ້ໃຫ້ມີປະສິດທິຜົນ ຍ້ອນບັນຫາດັ່ງກ່າວເມື່ອທ້າຍ ອາທິດຜ່ານມາ ກົມຄື້ນຄວາມຖີ່ ກະຊວງໄປສະນີໂທລະຄົມມະ ນາຄົມ ແລະ ການສື່ສານ ໄດ້ຈັດ ການສຳມະນາພາຍໃຕ້ຫົວຂໍ້: ຊຸກ ຍູ້ໃຫ້ພາກລັດ ແລະ ເອກະຊົນຫັນ ມານຳໃຊ້ດາວທຽມລາວ ເຂົ້າໃນ ວຽກງານຂອງຕົນໃຫ້ຫຼາຍຂຶ້ນ ເປັນການສ້າງເງື່ອນໄຂສະດວກວ່ອງໄວ, ປະຢັດເງິນຕາຂອງ ຊາດ, ທັງເປັນການສົມທົບທຶນ ຊ່ວຍຊາດພັດທະນາ.

 

ຈີນສົ່ງດາວທຽມວາງລະບົບສື່ສານ ລະຫວ່າງໂລກກັບດວງຈັນ

ລັດ​ສັ່ງ​ຢຸດຕິ​​ນຳ​​ເຂົ້າ​​ອຸປະກ​ອນ ​ແລະ ຈານ​ດາວທຽມ​ທຸກ​ຊະນິ​ດຊົ່ວຄາວ

 

- 1 1 - ດາວທຽມລາວໄດ້ຮັບຄວາມສົນໃຈຈາກພາຍໃນ-ຕ່າງປະເທດ
- Tiger Head 728x90 - ດາວທຽມລາວໄດ້ຮັບຄວາມສົນໃຈຈາກພາຍໃນ-ຕ່າງປະເທດ

ໂຄງການ ດາວທຽມລາວເປັນໂຄງການ ຍຸດທະສາດລະຫວ່າງ ສປປ ລາວ ແລະ ສປ ຈີນ ແລະ ເປັນໂຄງ ການຂອງລັດຖະບານລາວລົງ ທຶນ 100% ໂດຍການກູ້ຢືມເງິນ ຈາກ ສປ ຈີນ ເປັນດາວທຽມສື່ ສານ ດວງທໍາອິດຂອງ ສປປ ລາວ, ທີ່ໃຫ້ບໍລິການດ້ານຄົມມະ ນາຄົມ, ດາວທຽມລາວຖືກສົ່ງ ຂຶ້ນສູ່ຕໍາແໜ່ງວົງໂຄຈອນໃນວັນທີ 21/11/ 2015 ມາຮອດມື້ນີ້ ກໍເກືອບ 3 ປີແລ້ວ ແລະ ມີຊື່ວ່າ: LAOSAT-1 ມີອາຍຸ 15 ປີ ສາ ມາດໃຫ້ບໍລິການທັງໝົດ 22 ຊ່ອງ TSD ແລະ ໃຫ້ບໍລິການໄປ ແລ້ວ 53% ເຊິ່ງລູກຄ້າສ່ວນໃຫຍ່ ກໍ່ແມ່ນຕ່າງປະເທດ ແລະ ພ້ອມ ນັ້ນ, ລັດຖະບານໄດ້ໃຫ້ຄວາມສໍາ ຄັນຕໍ່ໂຄງການດັ່ງກ່າວ ໂດຍໄດ້ ແຈ້ງການຫຼາຍສະບັບເພື່ອໃຫ້ ຫຼາຍພາກສ່ວນຊຸກຍູ້ ແລະ ນໍາ ໃຊ້ຂອງພວກເຮົາ.

ທ່ານ ແກ້ວວຽງໄຊ ສຸຣິຍະ ຮັກສາການຜູ້ອໍານວຍການ ລັດວິສາຫະກິດດາວທຽມລາວ (ລດລ) ໃຫ້ຮູ້ວ່າ: ລດລ ຮັບ ການສ້າງຕັ້ງຂຶ້ນໃນວັນທີ 1 ມັງ ກອນ 2016 ມີທຶນຈົດທະບຽນ ທັງໝົດ 265,89 ລ້ານໂດລາສະ ຫະລັດໃນນີ້ ເປັນວັດຖຸ 258,89 ລ້ານໂດລາ, ເປັນເງິນ 7 ລ້ານ ໂດລາ ແລະ ລດລ ເປັນຜູ້ຕາງໜ້າ ໃຫ້ ລັດຖະບານໃນການຄຸ້ມຄອງ ດາວທຽມ LAOSAT-1, ປະຕິ ບັດສັນຍາຮ່ວມລະຫວ່າງ ລດລ ກັບ 3 ບໍລິສັດຂອງ ສປ ຈີນ, ປະ ຕິບັດໜ້າທີ່ຕາມສັນຍາເຊົ່າສໍາ ປະທານດາວທຽມລາວ, ເປັນຂົວ ຕໍ່ລະຫວ່າງພາກສ່ວນມະຫາ ພາກຕ່າງໆທີ່ກ່ຽວຂ້ອງກັບການດໍາເນີນທຸລະກິດຂອງ ບໍລິສັດ LAOSAT ແລະ ອື່ນໆ ມາ ຮອດວັນທີ 22 ສິງຫາ 2008 ລັດຖະບານ ສປປ ລາວ ແລະ ລັດ ຖະບານ ສປ ຈີນ ສໍາເລັດການ ເຊັນສັນຍາຂອບການຮ່ວມມື ດ້ານວິທະຍາສາດເຕັກໂນໂລຊີ ທາງອາວະກາດ, ໃນວັນທີ 2 ກັນ ຍາ 2015 ໄດ້ຕັດແຖບຜ້າເຄື່ອນ ຍ້າຍດາວທຽມຈາກບ່ອນຜະ ລິດມາຖານສົ່ງ ແລະ ໃນເວລາ 00:07 ໂມງຂອງວັນທີ 21 ພະ ຈິກ 2015 ໄດ້ສົ່ງຍານດາວທຽມ ຂຶ້ນສູ່ວົງໂຄຈອນສໍາເລັດ.

ສຳລັບການສື່ສານຜ່ານ ດາວທຽມລາວ ມີຈຸດດີຫຼາຍດ້ານ ເປັນຕົ້ນສື່ສານໄດ້ໃນໄລຍະທາງ ໄກ, ກວມພື້ນທີ່ກ້ວາງ, ຄວາມ ບັນຈຸຊ່ອງມີຂະໜາດໃຫຍ່, ມີ ຄວາມປອດໄພສູງ, ການສື່ສານ ມີຄວາມຍືດຫຍຸ່ນ ແລະ ບໍ່ມີການ ໃຊ້ຈ່າຍໃນໄລຍະຫ່າງ; ພ້ອມນັ້ນ ໃນດ້ານປະສິດທິພາບທາງດ້ານ ເຕັກນິກ C Band ກວມພື້ນທີ່ 31 ປະເທດ, Ku Band ກວມພື້ນທີ່ 13 ປະເທດ, ຂະນະດຽວກັນທິດ ທາງການໃຊ້ງານໃນດ້ານການ ປ້ອງກັນຊາດ-ປ້ອງກັນຄວາມສະ ຫງົບ; ລະບົບການສຶກສາທາງ ໄກ; ສື່ສານມວນຊົນ-ຂ່າວສານ; ສາທາລະນະສຸກ, ເຄືອຂ່າຍອິນ ເຕິເນັດສະເພາະລັດຖະບານ; ກະສິກໍາ ແລະ ການກວດສອບ ດ້ານສິ່ງແວດລ້ອມໂທລະຄົມ; ການທະນາຄານ; ການກູ້ໄພ ສຸກເສີນ ເຊິ່ງໃນເວລານີ້ LAO SAT-1 ໄດ້ປະກອບສ່ວນຊ່ວຍ ເຫຼືອໄພນໍ້າຖ້ວມຢູ່ແຂວງອັດ ຕະປື; ໂຄງການສື່ສານຊົ່ວຄາວ ທາງລົດໄຟ; ໂຄງການກອງ ຈາລະຈອນທາງອາກາດ; ໂຄງການຫັນໃຊ້ດາວທຽມ ຂອງບັນດາບໍລິສັດໂທລະ ຄົມລາວ; ໂຄງການກະຈາຍ ລາຍການສົດຂອງ CCTV; ໂຄງການກະຈາຍລາຍການສົດ ນອກສະຖານທີ່ຂອງ LNTV; ນອກນີ້ ຍັງມີໂຄງການກະຊວງ ການເງິນ; ໂຄງການທະນາ ຄານ; ໂຄງການຕໍາຫຼວດ; ໂຄງ ການເຂື່ອນໄຟຟ້າ ແລະ ໂຄງ ການອື່ນໆຈໍານວນໜຶ່ງ.

- 555144 - ດາວທຽມລາວໄດ້ຮັບຄວາມສົນໃຈຈາກພາຍໃນ-ຕ່າງປະເທດ

error: Content is protected !!