ທົ່ວປະເທດມີເນື້ອທີ່ການຜະລິດກະສິກຖືກຜົນກທົບຈາກນ້ຳຖ້ວມ 108 ພັນເຮັກຕາ

- Float66 - ທົ່ວປະເທດມີເນື້ອທີ່ການຜະລິດກະສິກຖືກຜົນກທົບຈາກນ້ຳຖ້ວມ 108 ພັນເຮັກຕາ
- Untitled design - ທົ່ວປະເທດມີເນື້ອທີ່ການຜະລິດກະສິກຖືກຜົນກທົບຈາກນ້ຳຖ້ວມ 108 ພັນເຮັກຕາ

ທ່ານ ພວງປາຣິສັກ ປຣະວົງວຽງຄໍາ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ໄດ້ໃຫ້ຮູ້ວ່າ: ນັບແຕ່ກາງເດືອນກໍລະກົດ 2018 ເປັນຕົ້ນມາ, ປະເທດ ເຮົາໄດ້ຮັບຜົນກະທົບຈາກ​ພາຍຸເຊີນຕິນ ແລະ ກໍພາຍຸ ເບີນີກາອັນໄດ້ເຮັດໃຫ້ຫຼາຍແຂວງໃນທົ່ວປະເທດໄດ້ຮັບຜົນກະທົບ ແລະ ເສຍຫາຍທາງດ້າຍຊີວິດ ແລະ ຊັບສິນເປັນຈໍານວນຫຼາຍ, ໃນນີ້ມີຊາວກະສິກອນໄດ້ຮັບຜົນກະທົບທັງຫມົດ 11 ແຂວງ, 87 ເມືອງ, 1.508 ບ້ານ ແລະ 85.415 ຄອບຄົວມີເນື້ອທີ່ການຜະລິດກະສິກໍາຖືກນໍ້າຖ້ວມທັງຫມົດ108.000 ເຮັກຕາ, ສ່ວນພືດແມ່ນເສຍຫາຍກວ່າ 3.000 ເຮັກຕາ. ນອກນີ້, ຍັງມີລະບົບຊົນລະປະທານຖືກຜົນກະທົບ 586 ໂຄງການ, ໃນນັ້ນ, ຫົວງານ 188 ແຫ່ງ, ຄອງ 236 ແຫ່ງ, ເນື້ອທີ່ລວມທີ່ກະທົບ10.057 ເຮັກຕາ ຖືກຖ້ວມ3.600 ເຮັກຕາ, ສ່ວນການເສຍຫາຍຈາກນໍ້າຖ້ວມ, ດິນເຈື່ອນ, ເປ່ເພ ມີ 4.100 ເຮັກຕາ. ນອກນີ້, ຍັງມີ ສັດລ້ຽງທີ່ຖືກຜົນກະທົບປະເພດ ຄວາຍ 5.870 ກວ່າໂຕແລະ ງົວ 13.500 ກວ່າໂຕ ແລະ ແຂວງ ທີ່ຖືກຜົນກະທົບຫຼາຍກວ່າຫມູ່ແມ່ນແຂວງອັດຕະປື, ຄໍາມ່ວນ, ສະຫວັນນະເຂດ, ຈໍາປາສັກ ແລະ ບໍລິຄໍາໄຊ, ໂດຍມີມູນຄ່າເສຍຫາຍເບື້ອງຕົ້ນ ປະມານ 504 ຕື້ກີບ, ຕໍ່ບັນຫາດັ່ງກ່າວ, ກະຊວງກະສິກໍາ ແລະ ປ່າໄມ້ ໄດ້ມີມາດຕະການສະເພາະຫນ້າ ໂດຍຈະສືບຕໍ່ລົງສໍາຫຼວດຜົນເສຍຫາຍຕົວຈິງ ເພື່ອຂຶ້ນແຜນຟື້ນຟູສ້ອມແປງພື້ນຖານໂຄງລ່າງຮັບໃຊ້ການຜະລິດກະສິກໍາ ໂດຍສະເພາະລະບົບຊົນລະປະທານ, ເນື້ອທີ່ການຜະລິດ, ພ້ອມທັງສະຫນອງແນວພັນ, ພືດ, ສັດ ແລະ ປາ ໃນເຂດທີ່ສາມາດເຮັດການຜະລິດໄດ້ ໂດຍສະເພາະແນວພັນເຂົ້າໃຫ້ກັບຊາວນາທີ່ໄດ້ຮັບຜົນກະທົບໃນທົ່ວປະເທດ, ຊຸກຍູ້ສົ່ງເສີມຊາວກະສິກອນເຮັດການຜະລິດໃນເນື້ອທີ່ນາເຂດໃດທີ່ສາມາດປັກດໍາຄືນໃຫມ່ໄດ້ໃຫ້ທ່ວງທັນລະດູການຫຼືຈະປູກພືດຊະນິດອື່ນທົດແທນ ແລະ ອື່ນໆ.

ສ່ວນການຜະລິດກະສິກໍາລະດູແລ້ງ 2018-2019 ຕ້ອງໄດ້ຫັນເອົາພະນັກງານລົງຊີ້ນໍາ-ນໍາພາເຮັດຕົວຈິງ, ຖືເອົາຊົນນະບົດ, ເອົາທົ່ງນາເປັນບ່ອນທີ່ຕັ້ງພາກສະຫນາມ, ເປີດກວ້າງຂະບວນການນາແຊງ ນັບທັງເນື້ອທີ່ ແລະ ເຮັດກະເສດສຸມ ຍົກລະດັບສະມັດຕະພາບ ເພື່ອທົດແທນຜົນເສຍຫາຍຈາກໄພນໍ້າຖ້ວມ, ກະກຽມຮອບດ້ານແຕ່ຫົວທີ, ໂດຍເລີ່ມຈາກບູລະນະ, ສ້ອມແປງໂຄງລ່າງດ້ານຊົນລະປະທານເປັນຈຸເລີ່ມ, ການຈັດຫາປັດໃຈການຜະລິດທີ່ຈໍາເປັນເຊັ່ນ: ແນວພັນ(ພືດ-ສັດ), ພາຫະນະ ແລະ ອຸປະກອນຮັບໃຊ້ການຜະລິດລວມທັງຢາປາບສັດຕູພືດ, ຢາປ້ອງກັນ ແລະ ປິ່ນປົວສັດ ແລະ ອື່ນໆ. ປັດຈຸບັນກະຊວງກະສິກໍາ ແລະ ປ່າໄມ້ ໄດ້ຈັດສັນງົບປະມານເພື່ອຊ່ວຍເຫຼືອແກ້ໄຂໄພພິບັດເບື້ອງຕົ້ນຈໍານວນ 510 ລ້ານກີບ, ໃນນັ້ນ, ແຂວງອັດຕະປື 250 ລ້ານກີບ, ນອກນັ້ນ, ກໍຍັງມີແຂວງອື່ນໆຈໍານວນຫນຶ່ງເຊັ່ນ: ສະຫວັນນະເຂດ100 ລ້ານກີບ, ຄໍາມ່ວນ 100 ລ້ານກີບ ແລະ ບັນດາແຂວງພາກເຫນືອ 60 ລ້ານກີບ ເພື່ອນໍາໃຊ້ເຂົ້າໃນການລົງຊ່ວຍເຫຼືອບ່ອນທີ່ຖືກຜົນກະທົບ.

- Wave100S AD to Website 2020 0 - ທົ່ວປະເທດມີເນື້ອທີ່ການຜະລິດກະສິກຖືກຜົນກທົບຈາກນ້ຳຖ້ວມ 108 ພັນເຮັກຕາ
- WhatsApp Image 2020 05 27 at 5 - ທົ່ວປະເທດມີເນື້ອທີ່ການຜະລິດກະສິກຖືກຜົນກທົບຈາກນ້ຳຖ້ວມ 108 ພັນເຮັກຕາ
- WhatsApp Image 2020 05 27 at 5 - ທົ່ວປະເທດມີເນື້ອທີ່ການຜະລິດກະສິກຖືກຜົນກທົບຈາກນ້ຳຖ້ວມ 108 ພັນເຮັກຕາ
error: Alert: ເນື້ອຫາຂ່າວມີລິຂະສິດ !!