ເດັກຈະສຸຂະພາບດີ ແລະ ຮຽນເກັ່ງຂຶ້ນ ຖ້າເຂົ້າຮຽນຕອນ 10 ໂມງເຊົ້າ

- 062908 2018 -  ເດັກຈະສຸຂະພາບດີ ແລະ ຮຽນເກັ່ງຂຶ້ນ ຖ້າເຂົ້າຮຽນຕອນ 10 ໂມງເຊົ້າ
- Untitled design -  ເດັກຈະສຸຂະພາບດີ ແລະ ຮຽນເກັ່ງຂຶ້ນ ຖ້າເຂົ້າຮຽນຕອນ 10 ໂມງເຊົ້າ

ວຽກງານວິໄຈຫລ້າສຸດຄົ້ນພົບວ່າ :  ການປັບເວລາເຂົ້າຮຽນໃຫ້ຊ້າລົງຈາກ 8.00 ໂມງເຊົ້າມາເປັນ 10.00 ໂມງເຊົ້າ ສົ່ງຜົນດີເປັນຢ່າງຍິ່ງໃນກຸ່ມນັກຮຽນໄວໜຸ່ມ ທັງດ້ານການຮຽນ, ສຸຂະພາບຈິດ ແລະ ສຸຂະພາບກາຍ.

ຈາກການສຶກສາທົດລອງໃນໂຮງຮຽນລັດແຫ່ງໜຶ່ງໃນປະເທດອັງກິດ ພົບວ່າ ພາຍໃນໄລຍະເວລາພຽງ 2 ປີ ອັດຕາການເຈັບ ປ່ວຍຂອງນັກຮຽນຫລຸດລົງກ່ວາເຄິ່ງໜຶ່ງ ລວມໄປເຖິງຜົນການຮຽນທີ່ສູງຂຶ້ນຢ່າງໜ້າພໍໃຈ ແລະ ກໍເປັນຍ້ອນວ່ານັກຮຽນມີເວລາ ນອນຫລັບຫລາຍຂຶ້ນນັ້ນເອງ.

     “ເວລາຮຽນສົ່ງຜົນຕໍ່ເລື່ອງສຸຂະພາບຫລາຍທີ່ສຸດ (Dr. Paul Kelly) ນັກຂຽນຈາກ Open University  ກ່າວ “ເລີ່ມ ດ້ວຍການເຈັບປ່ວຍທາງກາຍ ຖັດມາແມ່ນສຸຂະພາບຈິດໃຈ ແລະ ສຸດທ້າຍກໍສົ່ງຜົນໄປຍັງການຮຽນຂອງພວກເຂົາ” ດຣ. ເຄນລີ ຍັງກ່າວຕື່ມວ່າ : ນັບແຕ່ຄວາມຕຸ້ຍ ໄປເຖິງອາການຊຶມເສົ້າລ້ວນແຕ່ກ່ຽວຂ້ອງກັບເວລາຮຽນທີ່ເຊົ້າ ຈົນຍາດເອົາເວລາພັກຜ່ອນໄປ.

ດຣ. ກາຍ ມີໂດ (Dr. Guy Meadows) ຜູ້ຮ່ວມກໍ່ຕັ້ງ The Sleep School ລະບຸວ່າ : ປະຈຸບັນມີວຽກງານວິໄຈໃນທຳນອງດຽວກັນນີ້ເພີ່ມຂຶ້ນເລື້ອຍໆທົ່ວໂລກ ໂດຍທີ່ນັກຮຽນໃນອັງກິດກໍຕິດອັນດັບ 6 ຂອງນັກຮຽນທີ່ນອນຫລັບບໍ່ພຽງພໍທີ່ສຸດໃນໂລກ. ສ່ວນອັນດັບ 1 ນັ້ນຕົກເປັນຂອງສະຫະລັດອາເມລິກາ.

ໃນໄລຍະຕົ້ນປີຜ່ານມາ ອົງກອນທີ່ບໍ່ສະແຫວງຜົນກຳໄລ  American Academy of Sleep Medicine ໄດ້ຢັ້ງຢືນຈະ ແຈ້ງວ່າ : ການປັບເວລາເຂົ້າຮຽນສົ່ງຜົນດີຕໍ່ຄວາມສຳເລັດຂອງຜູ້ຮຽນ, ສຸຂະພາບ ແລະ ຄວາມປອດໄພ ໂດຍໄດ້ຮ່ວມມືກັບອົງກອນສຳຄັນອື່ນໆໃນສະຫະລັດອາເມລິກາ ເຊັ່ນ : American Medical Association ຮຽກຮ້ອງໃຫ້ທຸກໂຮງຮຽນກຳນົດເວ ລາເຂົ້າຮຽນໄວ້ຢູ່ 8.30 ໂມງ ເພາະຫລາຍໆໂຮງຮຽນນັ້ນເລີ່ມຮຽນກັນນັບແຕ່ 7.00 ໂມງເຊົ້າກໍມີ ແລະ ຫລ້າສຸດວຽກງານວິໄຈ ຂອງ ດຣ. ເຄນລີ ທີ່ມີນັກຮຽນມະຫາວິທະຍາໄລເປັນກໍລະນີສຶກສາສະໜັບສະໜູນວ່າ ສຳລັບໄວໜຸ່ມອາຍຸ 18 – 19 ປີ ເຊິ່ງເປັນໄວທີ່ກຳລັງຈະເລີນພັນ ເວລາຮຽນ ຫລື ເວລາເລີ່ມເຮັດວຽກ (ສຳລັບຄົນທີ່ບໍ່ໄດ້ຮຽນຕໍ່) ຄວນຈະເປັນໄລຍະ 11.00 ໂມງ ຫລື ຫລັງທ່ຽງໄປແລ້ວ ຕ່າງຈາກຜູ້ໃຫຍ່ທີ່ນອນ 7 ຊົ່ວໂມງກໍອາດພຽງພໍແລ້ວ ໄວໜຸ່ມຄວນໄດ້ຮັບການພັກຜ່ອນປະມານ 9 ຊົ່ວໂມງ ຈຶ່ງຈະສະແດງສັກກະຍະພາບອອກມາໄດ້ເຕັມທີ່ທີ່ສຸດ.

- Wave100S AD to Website 2020 0 -  ເດັກຈະສຸຂະພາບດີ ແລະ ຮຽນເກັ່ງຂຶ້ນ ຖ້າເຂົ້າຮຽນຕອນ 10 ໂມງເຊົ້າ

ແຕ່ໃນຄວາມເປັນຈິງ ເຮົາກໍຮູ້ກັນດີວ່າ ໄວໜຸ່ມສ່ວນຫລາຍນອນໜ້ອຍກັນຈົນເປັນເລື່ອງລຶ້ງເຄີຍ ເຫດຜົນໜຶ່ງກໍເປັນຍ້ອນຮ່າງກາຍຂອງໄວນີ້ຈະຫລັ່ງສານເມລາໂທນິນ ເຊິ່ງເປັນສານທີ່ຄວບຄຸມໂມງຊີວະພາບຂອງຮ່າງກາຍຊ້າກ່ວາຜູ້ໃຫຍ່ ປະມານ 2 – 3 ຊົ່ວໂມງ ພວກເຂົາຈຶ່ງມີທ່າອ່ຽງຈະຫລັບດີກ່ວາໂດຍທຳມະຊາດ.

ບໍ່ແມ່ນແຕ່ຄວາມແຕກຕ່າງຂອງອາຍຸ ແຕ່ຍັງມີເລື່ອງຄວາມແຕກຕ່າງທາງຮ່າງກາຍຂອງແຕ່ລະຄົນນຳອີກ.

- WhatsApp Image 2020 05 27 at 5 -  ເດັກຈະສຸຂະພາບດີ ແລະ ຮຽນເກັ່ງຂຶ້ນ ຖ້າເຂົ້າຮຽນຕອນ 10 ໂມງເຊົ້າ
- WhatsApp Image 2020 05 27 at 5 -  ເດັກຈະສຸຂະພາບດີ ແລະ ຮຽນເກັ່ງຂຶ້ນ ຖ້າເຂົ້າຮຽນຕອນ 10 ໂມງເຊົ້າ
error: Alert: ເນື້ອຫາຂ່າວມີລິຂະສິດ !!