ນັກວິໄຈຄາດ 5 ອາຊີບທີ່ຈະມາແຮງໃນປີ 2030

- 012908 2018 - ນັກວິໄຈຄາດ 5 ອາຊີບທີ່ຈະມາແຮງໃນປີ 2030
- Untitled design - ນັກວິໄຈຄາດ 5 ອາຊີບທີ່ຈະມາແຮງໃນປີ 2030

ໃຜໆກໍສົງໄສ ຢາກຮູ້ວ່າອະ ນາຄົດຈະເກີດຫຍັງຂຶ້ນແດ່? ຄຳຖາມຕ່າງໆທີ່ເກີດຂຶ້ນມາໃນຫົວ ເຊັ່ນ :  ໃຜຈະເປັນນາຍົກໃນອີກ 1 ປີຂ້າງໜ້າ ? ເມື່ອໃດເຮົາຈະໄດ້ ນັ່ງລົດທີ່ບໍ່ມີຄົນຂັບ ? ແລະ ອື່ນໆ ແຕ່ເບິ່ງຄືວ່າຈະມີຄຳຕອບໜຶ່ງທີ່ນັກວິໄຈໄດ້ຄາດການໄວ້ຢູ່ແລ້ວນັ້ນກໍແມ່ນໃນອີກ 1 – 2 ທົດສະວັດຂ້າງໜ້າ ທ່າອ່ຽງຄວາມຕ້ອງການຂອງຕະຫລາດແຮງງານຈະເປັນໄປໃນທິດທາງໃດ ?

     – ອາຊີບຄູ : ວຽກງານວິໄຈຈາກອົງກອນ The McKinsey Global Institute ຄາດເດົາວ່າ : ພາຍໃນປີ 2030 ນັ້ນ ການເຮັດວຽກທີ່ຕ້ອງອາໄສຄວາມສຳພັນຂອງມະນຸດ (ຄູ) ຈະເປັນທີ່ຕ້ອງການຫລາຍຂຶ້ນ. ກົງກັນຂ້າມກັບວຽກງານທີ່ຕ້ອງປະມວນຜົນຂໍ້ມູນ (ນັກບັນຊີ) ເພາະວ່າລະບົບອັດຕະໂນມັດ (AI & Bot) ຈະເຂົ້າມາແທນບ່ອນວຽກຂອງພວກນັກວິເຄາະຂໍ້ມູນ ແລະ ການເງິນຫລາຍຂຶ້ນເລື້ອຍໆ.

     – ອາຊີບຜູ້ຈັດການ : “Soft skills” ຫລື ທັກສະດ້ານອາລົມ ເຊັ່ນ : ການຈັດການບຸກຄະລາກອນຢ່າງມີປະສິດທິພາບຈະເປັນທີ່ຕ້ອງການຫລາຍຂຶ້ນ ຍິ່ງບວກໃສ່ການມີວຸດທິການສຶກສາລະດັບສູງໆກໍຍິ່ງດີຫລາຍ ສະນັ້ນ ການສະໝັກວຽກເທື່ອຕໍ່ໄປ ຢ່າລືມນຳສະເໜີຄວາມສາມາດໃນການເປັນຜູ້ນຳຂອງໂຕເອງ ຫລື ສະແດງວຸດທິປະລິນຍາໂທດ້ານການບໍລິຫານທຸລະກິດ (MBA).

     – ອາຊີບດູແລຜູ້ເຖົ້າ : ທົ່ວໂລກກຳລັງເຂົ້າສູ່ສັງຄົມຂອງຜູ້ເຖົ້າ ທຸລະກິດການດູແລສຸຂະພາບຢູ່ບ້ານ (Home Healthcare) ຈຶ່ງເຕີບໃຫຍ່ຂຶ້ນຢ່າງໄວວາ. ພາຍໃນປີ 2030 ປະຊາກອນທີ່ມີອາຍຸເກີນ 65 ປີ ຈະເພີ່ມຫລາຍຂຶ້ນເປັນຢ່າງ ໜ້ອຍ 300 ລ້ານຄົນທົ່ວໂລກ ແລະ ຫາກບໍ່ມີຄົນເຂົ້າມາເຮັດວຽກດ້ານນີ້ເພີ່ມຂຶ້ນ ແຕ່ໃນສະຫະລັດອາເມລິກາຈະຂາດແຄນຄົນດູແລຜູ້ເຖົ້າເຖິງ 350.000 ຄົນ.

- Wave100S AD to Website 2020 0 - ນັກວິໄຈຄາດ 5 ອາຊີບທີ່ຈະມາແຮງໃນປີ 2030

     – ທີ່ປຶກສາດ້ານໄອທີ : ເປັນທີ່ຮູ້ຈັກກັນດີວ່າໃນອະນາຄົດເຕັກໂນໂລຊີປະເພດປັນຍາປະດິດ ຫຸ່ນຈັກ ແລະ Big Data ຈະເຂົ້າມາມີບົດບາດຫລາຍຂຶ້ນເລື້ອຍໆໃນອະນາຄົດ ເຊິ່ງຈະເຮັດໃຫ້ຕຳແໜ່ງທີ່ປຶກສາດ້ານໄອທີມີຄວາມຕ້ອງການຫລາຍຍິ່ງຂຶ້ນ ທັງພາຍໃນ ແລະ ພາຍນອກອົງກອນຫລາຍກ່ວາ 20 – 50 ລ້ານຕຳແໜ່ງທົ່ວໂລກ.

     – ນັກສິ່ງແວດລ້ອມ : ເມື່ອບໍ່ດົນມານີ້ ນັກວິທະຍາສາດທີ່ເຮັດໂຄງການພັດທະນາພັນພືດທີ່ຊ່ວຍຕໍ່ຕ້ານປະກົດການໂລກຮ້ອນ ໂດຍການດູດແກ໊ສອາຍກາກໂບນິກລົງສູ່ດິນໄດ້ຮັບລາງວັນອອສກ້າ “Oscars of Science” ມູນຄ່າ 3 ລ້ານໂດລາສະຫະລັດ ເຊິ່ງໂຄງການນີ້ໄດ້ຮັບການສະໜັບສະໜູນຈາກ Mark Zuckerberg ຜູ້ກໍ່ຕັ້ງ Facebook  ແລະ Sergey Brin ຜູ້ຮ່ວມກໍ່ຕັ້ງ Google ການລົງທຶນໃນພະລັງງານທົດແທນເພື່ອຕໍ່ຕ້ານວິກິດການໂລກຮ້ອນຈະນຳໄປສູ່ການສ້າງຕຳແໜ່ງໃໝ່ 20 ລ້ານວຽກ.

- WhatsApp Image 2020 05 27 at 5 - ນັກວິໄຈຄາດ 5 ອາຊີບທີ່ຈະມາແຮງໃນປີ 2030
- WhatsApp Image 2020 05 27 at 5 - ນັກວິໄຈຄາດ 5 ອາຊີບທີ່ຈະມາແຮງໃນປີ 2030
error: Alert: ເນື້ອຫາຂ່າວມີລິຂະສິດ !!