5 ສິ່ງທີ່ຄົນມັກເຂົ້າໃຈຜິດກ່ຽວກັບຄວາມເຫງົາ

- 052908 2018 - 5 ສິ່ງທີ່ຄົນມັກເຂົ້າໃຈຜິດກ່ຽວກັບຄວາມເຫງົາ
- Untitled design - 5 ສິ່ງທີ່ຄົນມັກເຂົ້າໃຈຜິດກ່ຽວກັບຄວາມເຫງົາ
  1. ຄວາມເຫງົາແມ່ນຄວາມໂດດດ່ຽວ : ຄວາມເຫງົາບໍ່ໄດ້ໝາຍຄວາມວ່າທ່ານໂດດດ່ຽວສະເໝີໄປ, ແຕ່ເປັນຄວາມຮູ້ສຶກຂອງການບໍ່ໄດ້ເຊື່ອມຕໍ່ກັບໃຜ, ບໍ່ມີຄົນອ້ອມຂ້າງຄົນໃດເລີຍທີ່ເຂົ້າໃຈທ່ານ ຫລື ມີບົດສົນທະນາທີ່ມີຄວາມໝາຍຕໍ່ທ່ານແທ້ໆ. ຄວາມໂດດດ່ຽວຈຶ່ງເປັນພຽງໜຶ່ງໃນປັດໄຈທີ່ເຮັດໃຫ້ເກີດຄວາມເຫງົາເທົ່ານັ້ນ ທ່ານອາດຮູ້ສຶກເຫງົາໄດ້ເຖິງວ່າຈະຢູ່ທ່າມກາງຜູ້ຄົນຫລວງຫລາຍ ຄືກັບທີ່ທ່ານອາດຮູ້ສຶກຜ່ອນຄາຍ ແລະ ມີຄວາມສຸກເມື່ອໄດ້ຢູ່ລຳພັງ ຈາກຜົນປະເມີນຂອງ BBC ໃນປີ 2016 ພົບວ່າ : 5 ກິດຈະກຳພັກຜ່ອນຍອດນິຍົມລ້ວນເປັນກິດຈະກຳທີ່ຕ້ອງເຮັດຄົນດຽວບາງເທື່ອທີ່ເຮົາບໍ່ອາດໃຊ້ເວລາກັບຜູ້ຄົນທີ່ເຂົ້າໃຈເຮົາໄດ້ນັ້ນກໍຄື ຊ່ວງເວລາທີ່ຄວາມເຫງົາຈະໂຈມຕີທ່ານ.
  2. ຄວາມເຫງົາກຳລັງແຜ່ລະບາດຫລາຍໃນປະຈຸບັນ : ຄວາມຈິງແລ້ວຈຳນວນຜູ້ຄົນທຸກທໍລະມານຈາກຄວາມເຫງົາໃນປະຈຸບັນເກືອບບໍ່ແຕກຕ່າງກັບເມື່ອຫລາຍປີຜ່ານມາ (Christina Victor) ນັກວິໄຈຈາກມະຫາວິທະຍາໄລຣັສເຊລ ພົບວ່າ : ຈຳນວນຜູ້ເຖົ້າທີ່ມີຄວາມເຫງົາຊຳ້ເຮື້ອ ຫລື ຜູ້ທີ່ບອກວ່າຕົນເອງຮູ້ສຶກເຫງົາຢູ່ຕະຫລອດເວລານັ້ນ ຈຳນວນຈະຢູ່ໃນອັດຕາຄົງທີ່ 6 – 13% ມາເປັນເວລາດົນກ່ວາ 70 ປີແລ້ວ. ແນວໃດກໍຕາມ ຈຳນວນຄົນເຫງົາຍ່ອມເພີ່ມຂຶ້ນຕາມຈຳນວນປະຊາກອນໂລກໃນປະຈຸບັນ ຈຶ່ງບໍ່ຕ້ອງສົງໄສເລີຍວ່າມັນນຳມາເຊິ່ງອາການເສົ້າຢ່າງມະຫາສານແນ່ນອນ.
  3. ຄວາມເຫງົາເປັນສິ່ງບໍ່ດີ : ຄວາມເຫງົາເຮັດໃຫ້ເຮົາເຈັບປວດ ແຕ່ມັນກໍບໍ່ໄດ້ຢູ່ຖາວອນ ຢ່າເບິ່ງຄວາມເຫງົາໃນແງ່ລົບໄປໝົດ ເພາະບາງເທື່ອມັນກໍເປັນສັນຍານບົ່ງບອກວ່າ ເຖິງເວລາແລ້ວທີ່ທ່ານຈະຕ້ອງຫາໝູ່ໃໝ່ ຫລື ພັດທະນາຄວາມສຳພັນທີ່ມີໃຫ້ດີຂຶ້ນ ໂດຍ (John Cacioppo) ນັກປະສາດວິທະຍາສັງຄົມ ລະບຸວ່າ : ຄວາມຮູ້ສຶກເຫງົາເປັນກົນໄກການເອົາໂຕລອດຂອງມະນຸດເພື່ອກະຕຸ້ນໃຫ້ເຮົາຮັກສາຄວາມສຳພັນກັບມະນຸດຄົນອື່ນໆເອົາໄວ້ ຄືກັນກັບທີ່ເຮົາຖືກກະຕຸ້ນໃຫ້ດື່ມນຳ້ໂດຍຄວາມກະຫາຍ. ແນວໃດກໍຕາມ ຄວາມເຫງົາຊຳ້ເຮື້ອກໍເປັນອັນຕະລາຍຕໍ່ສຸຂະພາບກາຍ ແລະ ຈິດໄດ້ ມັນອາດເຮັດໃຫ້ທ່ານຫລີກ ເວັ້ນຈາກການເຂົ້າສັງຄົມ ເຊິ່ງຍິ່ງເພີ່ມພູນຄວາມເຫງົາທັບຖົມເຂົ້າໄປຕື່ມ ແລະ ຍັງມີວຽກງານວິໄຈ ພົບວ່າ : ຄວາມເຫງົາເຮັດໃຫ້ເກີດຄວາມສ່ຽງຕໍ່ອາການຊຶມເສົ້ານຳ.
  4. ຄວາມເຫງົາເຮັດໃຫ້ສຸຂະພາບບໍ່ດີ : ມີວຽກງານວິໄຈພົບວ່າ ຄວາມເຫງົາອາດເພີ່ມຄວາມສ່ຽງຂອງພະຍາດຫົວໃຈ ແລະ ຫລອດເລືອດສະໝອງໄດ້ເຖິງ 3 ເທົ່າ. ນອກຈາກນັ້ນ ຄົນເຫງົາຍັງມີຄວາມດັນເລືອດສູງ ແລະ ອາຍຸໄຂສະເລ່ຍຕໍ່າກ່ວາຄົນທົ່ວໄປ. ສະນັ້ນ ອາການເຫລົ່ານີ້ກໍສາມາດເກີດໄດ້ຈາກຫລາຍສາເຫດປັດໄຈ ເຮົາຈຶ່ງບໍ່ອາດລະບຸໄດ້ຈະແຈ້ງວ່າຄວາມເຫງົາເປັນສາເຫດຕົ້ນຕໍແທ້ຫລືບໍ່, ຄວາມເຫງົາ ຫລື ຄວາມເສົ້າອາດເຮັດໃຫ້ສຸຂະພາບຊຸດໂຊມ ຫລື ຂາດແຮງຊຸກຍູ້ໃນການດູແລໂຕເອງ, ແຕ່ໃນທາງກົງກັນຂ້າມກັນ ບັນຫາທາງສຸຂະພາບກໍອາດເຮັດໃຫ້ເຮົາບໍ່ຢາກເຂົ້າສັງຄົມໄດ້ຄືກັນ.
  5. ຜູ້ເຖົ້າສ່ວນຫລາຍມັກຈະເຫງົາ : ຄວາມເຫງົາພົບໄດ້ໃນຜູ້ເຖົ້າຫລາຍກ່ວາຜູ້ໃຫຍ່, ແຕ່ຈາກການວິໄຈຂອງພາເມລ່າ ຄວາເຕີ (Pamela Qualter) ຈາກມະຫາວິທະຍາໄລແມນເຊສເຕີ ຊຳ້ພັດພົບວ່າ : ໄວໜຸ່ມຕ່າງຫາກທີ່ຕ້ອງພະເຊີນກັບຄວາມເຫງົາຢ່າງຮຸນແຮງ ໃນຂະນະທີ່ 50 – 60% ຂອງຜູ້ເຖົ້ານັ້ນບໍ່ຄ່ອຍຮູ້ສຶກເຫງົາພໍປານໃດ.
- Wave100S AD to Website 2020 0 - 5 ສິ່ງທີ່ຄົນມັກເຂົ້າໃຈຜິດກ່ຽວກັບຄວາມເຫງົາ
- WhatsApp Image 2020 05 27 at 5 - 5 ສິ່ງທີ່ຄົນມັກເຂົ້າໃຈຜິດກ່ຽວກັບຄວາມເຫງົາ
- WhatsApp Image 2020 05 27 at 5 - 5 ສິ່ງທີ່ຄົນມັກເຂົ້າໃຈຜິດກ່ຽວກັບຄວາມເຫງົາ
error: Alert: ເນື້ອຫາຂ່າວມີລິຂະສິດ !!