ຫລວງພະບາງມີຜູ້ເສຍຊີວິດ 6 ຄົນຈາກໄພພິບັດນໍ້າຖ້ວມ

- 37561290 2106134442985632 3605422855111573504 n 678x381 - ຫລວງພະບາງມີຜູ້ເສຍຊີວິດ 6 ຄົນຈາກໄພພິບັດນໍ້າຖ້ວມ
- Untitled design - ຫລວງພະບາງມີຜູ້ເສຍຊີວິດ 6 ຄົນຈາກໄພພິບັດນໍ້າຖ້ວມ

ກອງປະຊຸມລາຍງານສະພາບໄພພິບັດນໍ້າຖ້ວມຢູ່ແຂວງຫລວງພະບາງໄດ້ຈັດຂຶ້ນໃນວັນທີ 29 ສິງຫານີ້, ໂດຍການເປັນປະທານຂອງທ່ານ ຄໍາແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທັງເປັນປະທານຄະນະກໍາມະການປ້ອງກັນ ແລະ ຄວບຄຸມໄພພິບັດແຫ່ງຊາດ, ທ່ານ ຄໍາຂັນ ຈັນທະວີສຸກ ເຈົ້າແຂວງຫລວງພະບາງ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານເຈົ້າແຂວງຫລວງພະບາງ ລາຍງານວ່າ: ນັບແຕ່ວັນທີ 18 ກໍລະກົດ ມາຮອດປັດຈຸບັນ, ໄດ້ມີຝົນຕົກໜັກຕິດຕໍ່ຫລາຍວັນ ອັນໄດ້ເຮັດໃຫ້ເກີດນໍ້າຖ້ວມ, ດິນເຊາະເຈື່ອນທັບຖົມເຮືອນຊານປະຊາຊົນເສຍຫາຍ, ເຊິ່ງໄດ້ຮັບຜົນກະທົບໃນ 9 ເມືອງ, ໃນນັ້ນນະຄອນຫລວງພະບາງມີ 2 ບ້ານ 35 ຄອບຄົວໄດ້ຮັບຜົນກະທົບ, ເນື້ອທີ່ຜົນຜະລິດກວ່າ 14 ເຮັກຕາເສຍຫາຍ ແລະ ມີ ຜູ້ເສຍຊີວິດ 1 ຄົນ, ເມືອງຊຽງເງີນມີ 13 ບ້ານໄດ້ຮັບຜົນກະທົບ, ມີຜູ້ເສຍຊີວິດ 1 ຄົນ ແລະ ເນື້ອທີ່ຜົນຜະລິດ 9 ພັນກວ່າເຮັກຕາເສຍຫາຍ, ເມືອງ ພູຄູນມີ 8 ບ້ານໄດ້ຮັບຜົນກະທົບ, ເນື້ອທີ່ການຜະລິດເສຍຫາຍລວມມູນຄ່າ 1 ຕື້ກວ່າກີບ, ເມືອງປາກແຊງມີ 10 ບ້ານໄດ້ຮັບຜົນກະທົບມີມູນຄ່າເສຍຫາຍກວ່າ 300 ລ້ານກີບ, ເມືອງນໍ້າບາກມີ 3 ບ້ານໄດ້ຮັບຜົນກະທົບ, ມີຜູ້ເສຍຊີວິດ 2 ຄົນ, ເມືອງຈອມເພັດມີ 4 ບ້ານໄດ້ຮັບຜົນກະທົບລວມມີມູນຄ່າເສຍຫາຍ 157 ລ້ານກວ່າກີບ, ເມືອງງອຍມີ 18 ຄອບຄົວໄດ້ຮັບຜົນກະທົບ ແລະ ມີຜູ້ເສຍຊີວິດ 1 ຄົນ, ເມືອງນານໄດ້ມີຜົນຜະລິດ ແລະ ວັດຖຸສິ່ງຂອງປະຊາຊົນເສຍຫາຍລວມມູນຄ່າກວ່າ 100 ລ້ານກີບ ແລະ ເມືອງໂພນໄຊມີ 18 ບ້ານໄດ້ຮັບຜົນກະທົບ, ມີຜູ້ເສຍຊີວິດ 1 ຄົນ ແລະ ລວມມູນຄ່າເສຍຫາຍກວ່າ 6 ຕື້ກີບ. ມາຮອດປັດຈຸບັນນີ້, ອໍານາດການປົກຄອງແຂວງໄດ້ໃຫ້ການຊ່ວຍເຫລືອໃນເບື້ອງຕົ້ນແກ່ປະຊາຊົນຜູ້ໄດ້ຮັບຜົນກະທົບແລ້ວຈໍານວນໜຶ່ງ ເປັນຕົ້ນ: ເຄື່ອງນຸ່ງຫົ່ມ, ອາຫານ-ນໍ້າດື່ມ ແລະ ໄດ້ລະດົມກໍາລັງທະຫານ, ຕໍາຫລວດ ລົງກວດກາ ແລະ ໃຫ້ການຊ່ວຍເຫລືອປະຊາຊົນໃນການສ້ອມແປງ ແລະ ທໍາຄວາມສະອາດເຮືອນຊານບ້ານຊອງ ເພື່ອໃຫ້ການຊ່ວຍເຫລືອຟື້ນຟູຊີວິດການເປັນຢູ່ຂອງປະຊາຊົນຜູ້ໄດ້ຮັບຜົນກະທົບກັບຄືນສູ່ສະພາບປົກກະຕິໂດຍໄວ.

ໃນໂອກາດນີ້, ທ່ານ ຄໍາແພງ ໄຊສົມແພງ ໄດ້ລົງຕິດຕາມເບິ່ງສະພາບຜົນເສຍຫາຍຈາກໄພພິບັດນໍ້າຖວ້ມໃນຄັ້ງນີ້, ພ້ອມທັງໄດ້ໃຫ້ທິດຊີ້ນໍາຕໍ່ຄະນະກໍາມະການປ້ອງກັນ ແລະ ຄວບຄຸມໄພພິບັດຂັ້ນແຂວງ, ໂດຍເນັ້ນໃຫ້ເອົາໃຈໃສ່ການຕິດຕາມເບິ່ງແຍງສຸຂະພາບຂອງປະຊາຊົນທີ່ໄດ້ຮັບກະທົບ, ກວດກາຜົນເສຍຫາຍຂອງເນື້ອທີ່ທຳການຜະລິດ, ໂຮງຮຽນ, ເຮືອນຊານປະຊາຊົນ, ພ້ອມທັງກະກຽມແນວພັນພືດເພື່ອສະໜອງໃຫ້ແກ່ປະຊາຊົນໃນການຜະລິດລະດູແລ້ງ, ປັບປຸງລະບົບຊົນລະປະທານ ແລະ ເນື້ອທີ່ການຜະລິດທີ່ຖືກເສຍຫາຍເພື່ອໃຫ້ສາມາດກັບຄືນມາເຮັດການຜະລິດທົດແທນໂດຍໄວ.

- Wave100S AD to Website 2020 0 - ຫລວງພະບາງມີຜູ້ເສຍຊີວິດ 6 ຄົນຈາກໄພພິບັດນໍ້າຖ້ວມ
- WhatsApp Image 2020 05 27 at 5 - ຫລວງພະບາງມີຜູ້ເສຍຊີວິດ 6 ຄົນຈາກໄພພິບັດນໍ້າຖ້ວມ
- WhatsApp Image 2020 05 27 at 5 - ຫລວງພະບາງມີຜູ້ເສຍຊີວິດ 6 ຄົນຈາກໄພພິບັດນໍ້າຖ້ວມ
error: Alert: ເນື້ອຫາຂ່າວມີລິຂະສິດ !!