ວິທະຍຸ​ແຫ່ງ​ຊາດ ວາງ​ເປົ້າໝາຍຈະ​ກະຈາຍສຽງ​ໃຫ້​ກວມ​ພຶ້ນທີ່​ຂອບ​ເຂດ​ທົ່ວ​ປະ​ເທດໃນອີກ 5 ປີຕໍ່ໜ້າ

- Radio - ວິທະຍຸ​ແຫ່ງ​ຊາດ ວາງ​ເປົ້າໝາຍຈະ​ກະຈາຍສຽງ​ໃຫ້​ກວມ​ພຶ້ນທີ່​ຂອບ​ເຂດ​ທົ່ວ​ປະ​ເທດໃນອີກ 5 ປີຕໍ່ໜ້າ
- Untitled design - ວິທະຍຸ​ແຫ່ງ​ຊາດ ວາງ​ເປົ້າໝາຍຈະ​ກະຈາຍສຽງ​ໃຫ້​ກວມ​ພຶ້ນທີ່​ຂອບ​ເຂດ​ທົ່ວ​ປະ​ເທດໃນອີກ 5 ປີຕໍ່ໜ້າ

​ເນື່ອງ​ໃນ​ໂອກາດ​ວັນ​ສື່​ມວນ​ຊົນ ຄົບຮອບ 68 ປີ ​ແລະ ວັນ​ສ້າງ​ຕັ້ງ ວິທະຍຸ​ແຫ່ງ​ຊາດ ຄົບຮອບ 65 ປີ ( 13 ສິງຫາ 1960-13 ສິງຫາ 2018) ​ໃນ​ວັນທີ 27 ສິງຫາ ນີ້, ທ່ານ ສັງຂານ ຈູ​ລຳ​ພັນ ຮອງ​ຜູ້ອຳນວຍການ ​ໃຫຍ່ ວິທະຍຸ​ກະຈາຍສຽງ​ແຫ່ງ​ຊາດ​ລາວ, ​ໄດ້​ໃຫ້​ສຳພາດ​ນັກ​ຂ່າວໜັງສືພິມ​ລາວ​ພັດທະນາ​ວ່າ: ອີງ​ໃສ່​ຄວາມ​ຮຽກຮ້ອງ​ຕ້ອງການ​ຂອງ​ຜູ້​ຟັງ​ທີ່​ນັບ​ມື້ຫລາຍ​ຂຶ້ນ ກໍຄື ​ຕອບ​ສະໜອງດ້ານ​ຂໍ້​ມູນ​ຂ່າວສານ​ໃນ​ການພັດທະນາ​ເສດຖະກິດ-ສັງຄົມ ​ໃຫ້​ໄດ້​ດີ​ກ່ວາ​ເກົ່າ, ດັ່ງນັ້ນ, ​ໃນ​ອີກ 5 ປີຕໍ່ໜ້ານີ້, ພວກ​ເຮົາ​ໄດ້​ວາງ​ແຜນພັດທະນາ ວິທະຍຸ​ກະຈາຍສຽງ​ແຫ່ງ​ຊາດ​ ກ້າວ​ຂຶ້ນສູ່​ຍຸກ​ດິຈິ​ຕອນ​ໃຫ້​ຫລາຍ​ຂຶ້ນ, ​ໂດຍເລັ່ງປັບປຸງ ແລະ ຂະຫຍາຍ​ການ​ສົ່ງ​ສັນຍານ​ກະຈາຍສຽງໃຫ້​ຄວບ​ຄຸມພຶ້ນທີ່​ໃນ​ທົ່ວ​ປະ​ເທດ, ​ເພື່ອ​ເຮັດ​ໃຫ້​ຜູ້​ຟັງ​ສາມາດ​ຮັບ​ຟັງ​ຂໍ້​ມູນ​ຂ່າວສານ​ໄດ້​ຊັດ​ເຈນກວ້າງຂວາງຫຼາຍຂຶ້ນ. ປັດຈຸບັນ ພວກ​ເຮົາ​ໄດ້​ສຳ​ເລັດ​ການ​ສ້າງ​ຕັ້ງ​ວິທະຍຸ​ກະຈາຍສຽງ ລະບົບ FM ຄວາມ​ແຮງ 20 ກິ​ໂລ​ວັດ ​ໃນ​ຄວາມ​ຖີ່ 103,7 MHZ ​ແລະ ​ໄດ້​ສົ່ງ​ສັນຍານ​ຜ່ານ​ດາວ​ທຽມທັງ​ສອງ​ລະບົບ​ຄື: AM ​ແລະ FM ອັນ​ໄດ້​ເຮັດ​ໃຫ້​ສັນຍານ​ວິທະຍຸສາມາດ​ກວມ​ໄດ້​ເນື້ອທີ່ ​ແລະ ກວມ​ຈຳນວນ​ພົນລະ​ເມືອງ​ເຖິງ 80-90% ​ແລະ ​ໄດ້​ພັດທະນາ​ເວ​ບ​ໄຊ www. Lnr.org.la ​ແລະ ລະບົບ​ວິທະຍຸ​ອອນ​ໄລ, ນອກ​ນັ້ນ ຍັງ​ພັດທະນາດ້ານ​ລະບົບ​ເຕັກນິກ​ສຽງ​ໃຫ້​ມີ​ຄຸນ​ນະພາ​ບດີຂຶ້ນ​ເທື່ອ​ລະ​ກ້າວ, ​ໂດຍ​ຫັນ​ຈາກ​ລະບົບ​ອາ​ນາລົກ​ໄປ​ສູ່​ລະບົບ​ດິຈີ​ຕອນ ຊຶ່ງ​ເຮັດ​ໃຫ້​ຄຸນ​ນະພາ​ບສຽງຂອງ​ວິທະຍຸ​ໂດຍ​ສະ​ເພາະ​ແມ່ນ​ລະບົບ FM ​ເສາະ​ໃສ​ຊັດ​ເຈນ ​ແລະ ນີ້ມນວນ​ຊວນ​ຟັງ​ກ່ວາ​ເກົ່າ.

ຮອງ​ຜູ້ອຳນວຍການ​ໃຫຍ່ ວິທະຍຸ​ດັ່ງກ່າວ ​ໃຫ້​ຮູ້​ວ່າ: ວິທະຍຸ​ກະຈາຍສຽງ​ແຫ່ງ​ຊາດ ​ແມ່ນ​ມີ​ບົດບາດ​ສຳຄັນ​ຕໍ່ການ​ພັດທະນາ​ຄຸນ​ນະພາ​ບຊີວິດ, ສະໜອງຂໍ້​ມູນຂ່າວສານ, ສາລະໜ້າຮູ້ ​ແລະ ຄວາມ​ບັນ​ເທິງ​ຕ່າງໆ, ສົ່ງ​ໄປ​ເຖິງ​ຄອບຄົວ​ຂອງ​ປະຊາຊົນ​ບັນດາ​ເຜົ່າ ​ແລະ ຍັງ​ເປັນ​ສື່​ນຳໜ້າໃນ​ປະ​ເທດ​, ພິ​ເສດ ວິທະຍຸ ຍັງ​ແມ່ນ​ເພື່ອນ​ຄູ່​ໃຈ​ໃນ​ການ​ພັດທະນາ​ຊຸມ​ຊົນ, ​ກຸ່ມ​ຊາວ​ກະສິກອນ, ຊາວ​ຜູ້​ອອກ​ແຮງ​ງານ​ທຳ​ການ​ຜະລິດ, ນອກ​ນັ້ນ ຍັງ​ປັບປຸງ​ຮູບ​ແບບ ​ແລະ ​ເນື້ອ​ໃນ​ລາຍການ​ວິທະຍຸ​ໃຫ້​ເຂົ້າ​ສູ່​ມາດຕະຖານ​ທີ່​ຖືກຕ້ອງ ​ແລະ ສາມາດ​ຕອບ​ສະໜອງ​ໄດ້​ຕາມ​ທິດ​ທາງ​ໂຄສະນາຂອງພັກ ແລະ ລັດ ໃນ​​ແຕ່ລະ​ໄລຍະ ​ແລະ ສະໜອງ​ໄດ້​ຄວາມ​ຕ້ອງການ​ທາງ​ດ້ານ​ຂ່າວ, ​ເນື້ອຫາ​ສາລະ ​ແລະ ການບັນ​ເທີ​ງ​ແກ່​ຜູ້​ຟັງ, ປັດ​ຈຸ​ບັນ ພວກ​ເຮົາ​ກະຈາຍສຽງທັງໝົດ 6 ສະຖານີ, ມີ 90 ກ່ວາ ລາຍການ​ຕໍ່ວັນ ​ໂດຍ​ການກະ​ຈາ​ຍສຽງ​ເປັນ​ພາສາ​ລາວ, ພາສາ​ມົ້ງ, ພາສາ​ກຶມ​ມຸ, ພາສາ ຝຣັ່ງ, ອັງກິດ, ຫວຽດນາມ, ​ໄທ ​ແລະ ຈີນ.

- Wave100S AD to Website 2020 0 - ວິທະຍຸ​ແຫ່ງ​ຊາດ ວາງ​ເປົ້າໝາຍຈະ​ກະຈາຍສຽງ​ໃຫ້​ກວມ​ພຶ້ນທີ່​ຂອບ​ເຂດ​ທົ່ວ​ປະ​ເທດໃນອີກ 5 ປີຕໍ່ໜ້າ
- WhatsApp Image 2020 05 27 at 5 - ວິທະຍຸ​ແຫ່ງ​ຊາດ ວາງ​ເປົ້າໝາຍຈະ​ກະຈາຍສຽງ​ໃຫ້​ກວມ​ພຶ້ນທີ່​ຂອບ​ເຂດ​ທົ່ວ​ປະ​ເທດໃນອີກ 5 ປີຕໍ່ໜ້າ
- WhatsApp Image 2020 05 27 at 5 - ວິທະຍຸ​ແຫ່ງ​ຊາດ ວາງ​ເປົ້າໝາຍຈະ​ກະຈາຍສຽງ​ໃຫ້​ກວມ​ພຶ້ນທີ່​ຂອບ​ເຂດ​ທົ່ວ​ປະ​ເທດໃນອີກ 5 ປີຕໍ່ໜ້າ
error: Alert: ເນື້ອຫາຂ່າວມີລິຂະສິດ !!