ກອງປະຊຸມປຶກສາຫາລືລະດັບພາກພື້ນ ວ່າດ້ວຍວິທີການວິທະຍາຂອງການສໍາຫຼວດປະຊາກອນ

- Untitled design - ກອງປະຊຸມປຶກສາຫາລືລະດັບພາກພື້ນ ວ່າດ້ວຍວິທີການວິທະຍາຂອງການສໍາຫຼວດປະຊາກອນ

ໃນວັນທີ 29-30 ສິງຫາ ນີ້, ສູນສະຖິຕິແຫ່ງຊາດ (LSB) ຮ່ວມກັບ ສະຫະປະຊາຊາດກອງທຶນສໍາລັບປະຊາກອນ (UNFPA) ແລະ ສູນສະຖິຕິ ສ. ເກົາຫຼີ ໄດ້ຈັດກອງປະຊຸມປຶກສາຫາລືລະດັບພາກພື້ນ ວ່າດ້ວຍວິທີການວິທະຍາຂອງການສໍາຫຼວດປະຊາກອນ, ຂຶ້ນຢູ່ນະຄອນຫຼວງວຽງຈັນ, ໂດຍການເປັນປະທານຮ່ວມຂອງທ່ານ ສະໄໝຈັນ ບຸບຜາ ຮອງລັດຖະມົນຕີ ກະຊວງແຜນການ ແລະ ການລົງທຶນ, ຫົວໜ້າສູນສະຖິຕິແຫ່ງຊາດ ແລະ ທ່ານ ນາງ Fredrika Meijer ຜູ້ຕາງໜ້າອົງການສະຫະປະຊາຊາດກອງທຶນສໍາລັບປະຊາກອນ ປະຈໍາລາວ, ມີຜູ້ບໍລິຫານ ແລະ ວິຊາການຫ້ອງການສະຖິຕິແຫ່ງຊາດຂອງ ກໍາປູເຈຍ, ລາວ, ບູຖານ, ປາກິດສະຖານ, ຫວຽດນາມ, ສາທາລະນະລັດເກົາຫຼີ ແລະ ສາທາລະນະລັດ ປະຊາທິປະໄຕປະຊາຊົນເກົາຫຼີ ເຂົ້າຮ່ວມ. ເພື່ອແນະນໍາວິທີ ວິທະຍາໃນການວິເຄາະການສໍາຫຼວດປະຊາກອນແບບໃໝ່, ສະເໜີກົນໄກການປະສານໃນລະດັບພາກພື້ນ ແລະ ສາກົນ ແລະ ການສະໜັບສະໜູນແຜນງານການສໍາຫຼວດປະຊາກອນປີ 2020 ຊຶ່ງໄດ້ສະເໜີໃຫ້ເຫັນໂອກາດຕ່າງໆສໍາລັບພາກພື້ນ ຊຶ່ງລວມທັງການຮ່ວມມືເຂດອາຊີໃຕ້ ແລະ ຈະສະໜອງແນວທາງ ແລະ ທິດຊີ້ນໍາໃຫ້ບັນດາປະເທດ ໂດຍຜ່ານການປຶກສາຫາລືໃນຫົວຂໍ້ສະເພາະ ເພື່ອໃຫ້ສອດຄ່ອງກັບຈຸດພິເສດຂອງແຕ່ລະປະເທດ.

ໃນກອງປະຊຸມ, ຜູ້ຕາງໜ້າອົງການສະຫະປະຊາຊາດກອງທຶນສໍາລັບປະຊາກອນ ປະຈໍາລາວ ໄດ້ກ່າວວ່າ: ວິທີການໃໝ່ ແລະ ເຕັກນິກວິທະຍາສາດ ເພື່ອນໍາໃຊ້ໃນການດໍາເນີນການສໍາຫຼວດພົນລະເມືອງທີ່ກໍາລັງໃຊ້ ຈະເປັນທັງກາລະໂອກາດ ແລະ ສິ່ງທ້າທາຍຕໍ່ຄວາມສໍາເລັດຂອງການສໍາຫຼວດ ແລະ ການປະເມີນຄຸນນະພາບຂອງຕົວເລກການສໍາຫຼວດປະຊາກອນ ແລະ ຄົວເຮືອນ ເພາະເປັນພາກສໍາຄັນຂອງການດໍາເນີນບໍລິຫານການສໍາຫຼວດ, ເນື່ອງຈາກເປັນແຫຼ່ງຂໍ້ມູນດ້ານສະຖິຕິທີ່ໃຫຍ່ທີ່ສຸດເຊິ່ງດໍາເນີນໃນຮອບ 10 ປີ, ການສໍາຫຼວດປະຊາກອນ ແລະ ຄົວເຮືອນ ຄັ້ງທີ 4 ໃນປີ 2015 ໄດ້ສະໜອງຂໍ້ມູນຕົວເລກທີ່ຄົບຖ້ວນກ່ຽວກັບຕົວເລກແມ່ຍິງໄວຈະເລີນພັນ ແລະ ເດັກຍິງໝຸ່ມ ຕົວເລກເຫຼົ່ານີ້ຊ່ວຍໃຫ້ UNFPA ແລະ ຄູ່ຮ່ວມງານສາມາດວາງແຜນທີ່ເໝາະສົມ ເພື່ອແກ້ໄຂບັນຫາ ແລະ ດໍາເນີນການຕອບໂຕ້ ໂດຍສຸມໃສ່ບັນດາກິດຈະກໍາໃສ່ກຸ່ມເປົ້າໝາຍ ແລະ ຜົນສໍາຫຼວດໃນປີ 2020 ຈະຊ່ວຍໃຫ້ສາມາດຕິດຕາມ ແລະ ກວດກາຄວາມຄືບໜ້າວຽກງານການພັດທະນາທີ່ປະກອບສ່ວນ ເພື່ອບັນລຸເປົ້າໝາຍການພັດທະນາແບບຢືນຍົງຂອງຊາດ.

- Wave100S AD to Website 2020 0 - ກອງປະຊຸມປຶກສາຫາລືລະດັບພາກພື້ນ ວ່າດ້ວຍວິທີການວິທະຍາຂອງການສໍາຫຼວດປະຊາກອນ

ໃນໂອກາດດັ່ງກ່າວ, ທ່ານຮອງລັດຖະມົນຕີ ກະຊວງແຜນການ ແລະ ການລົງທຶນ, ຫົວໜ້າສູນສະຖິຕິແຫ່ງຊາດ ໃຫ້ຮູ້ວ່າ: ການສໍາຫຼວດພົນລະເມືອງ ໃນປີ 2020 ມີ 214 ປະເທດ ຫຼືເຂດແຄວ້ນ ຈາກຈໍານວນທັງໝົດ 235 ປະເທດ ໄດ້ດໍາເນີນການສໍາຫຼວດປະຊາກອນ, ໄດ້ຈົດນັບປະຊາກອນ 6,4 ຕື້ຄົນ ຊຶ່ງເປັນຕົວແທນໃຫ້ປະຊາກອນໂລກທັງໝົດ 93%. ການມີຂໍ້ມູນຕົວເລກດ້ານປະຊາກອນທີ່ມີຄຸນນະພາບສູງ ແລະ ເຊື່ອຖືໄດ້ແມ່ນສິ່ງສໍາຄັນສໍາລັບຜູ້ວາງແຜນ, ຜູ້ກໍານົດນະໂຍບາຍ ແລະ ຜູ້ນໍາໃຊ້ຂໍ້ມູນຕົວເລກ, ຜົນຂອງການສໍາຫຼວດປະຊາກອນໃນປີ 2020 ຈະໄດ້ໃຫ້ເຫັນບັນດາໂຕຊີ້ວັດຂອງຜົນໄດ້ຮັບ ແລະ ເປົ້າໝາຍ ລວມທັງຈະເປັນການປະກອບສ່ວນເຂົ້າໃນການພັດທະນາແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ 9 ຂອງລາວ.

- WhatsApp Image 2020 05 27 at 5 - ກອງປະຊຸມປຶກສາຫາລືລະດັບພາກພື້ນ ວ່າດ້ວຍວິທີການວິທະຍາຂອງການສໍາຫຼວດປະຊາກອນ
- WhatsApp Image 2020 05 27 at 5 - ກອງປະຊຸມປຶກສາຫາລືລະດັບພາກພື້ນ ວ່າດ້ວຍວິທີການວິທະຍາຂອງການສໍາຫຼວດປະຊາກອນ
error: Alert: ເນື້ອຫາຂ່າວມີລິຂະສິດ !!