ມາເລເຊຍເລີ່ມເກັບພາສີ SST 1 ກັນຍານີ້

- news jRIHqMWMjH120532 533 - ມາເລເຊຍເລີ່ມເກັບພາສີ SST 1 ກັນຍານີ້
- Untitled design - ມາເລເຊຍເລີ່ມເກັບພາສີ SST 1 ກັນຍານີ້

ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ລິ້ມ ກວນ ​ເອັງ ລັດຖະມົນຕີ​ກະຊວງ​ການ​ເງິນ​ຂອງ​ມາ​ເລ​ເຊຍ ກ່າວ​ໃນ​ວັນ​ທີ 30 ສິງຫາ​ວ່າ: ລັດຖະບານ​ກົວ​ລາ​ລຳ​ເປີ​ຈະ​ກັບ​ມາ​ເລີ່​ມ​ເກັບ​ພາສີ​ການ​ຂາຍ ​ແລະ ບໍລິການ (SST) ນັບ​ແຕ່​ວັນ​ທີ 1 ກັນຍາ​ນີ້​ເປັນຕົ້ນ​ໄປ ​ໂດຍ​ຈະ​ເປັນ​ການ​ຂຶ້ນພາສີ​ສິນຄ້າ​ປະ​ເພດ​ອາຫານ ​ແລະ ​ເຄື່ອງ​ດື່ມ “​ເກືອບ​ທັງ​ໝົດ” ​ໃນ​ອັດຕາ​ລະຫວ່າງ 5-10%, ສ່ວນ​ອັດຕາ​ພາສີ​ສຳລັບ​ຄ່າ​ບໍລິການ​ຢູ່​ທີ່ 6%. ​ເບື້ອງຕົ້ນລັດຖະບານ​ຕີ​ລາຄາ​ວ່າ: SST ຈະ​ເພີ່ມ​ລາຍ​ໄດ້​ເຂົ້າປະ​ເທດ​ອີກ​ບໍ່​ໜ້ອຍ​ກວ່າ​ປີ​ລະ 1,5 ລ້ານຣິງກິດ.

ການ​ເຄື່ອນ​ໄຫວ​ດັ່ງກ່າວ​ເປັນ​ໄປ​ຕາມ​ນະ​ໂຍບາຍ​ຂອງ​ທ່ານ ມະຫາ​ເທ ​ໂມ​ຮຳ​ໝັດ ນາຍົກລັດຖະມົນຕີຄົນ​ປັດຈຸບັນ ​ເຊິ່ງກ່າວ​ນັບ​ແຕ່​​ໄລຍະ​ຫາ​ສຽງ​ເລືອກ​ຕັ້ງ​ໃນຕົ້ນປີ​ນີ້ ຕ້ອງການ​ຍົກ​ເລີກ​ກົດໝາຍ​ພາສີ​ສິນຄ້າ ​ແລະ ບໍລິການ (GST) ​ໃນ​ອັດຕາ 6% ທີ່​ລັດຖະບານ​ຂອງ​ອະດີດ​ນາຍົກລັດຖະມົນຕີ ນາ​ຈິບ ຣາຊັກ ນຳ​ມາ​ບັງຄັບ​ໃຊ້​ແທນ SST ​ໃນ​ປີ 2015. ທັງ​ນີ້ ລັດຖະບານ​ຂອງ​ທ່ານ ມະຫາ​ເທ ຫລຸດ GST ລົງ​ເຫລືອ 0% ​ໃນ​ເດືອນ​ມິຖຸນາ​ຜ່ານ​ມາ. ​ເຖິງ​ຢ່າງ​ໃດ​ກໍ​ຕາມ, ຜູ້​ຊ່ຽວຊານ​ຈຳນວນ​ບໍ່​ໜ້ອຍ​ກັງວົນ​ວ່າ: SST ອາດ​ຈະ​ບໍ່​ສາມາດ​ສ້າງ​ລາຍ​ໄດ້​ໃຫ້​ສູນ​ກາງ​ໄດ້​ໃນ​ມູນ​ຄ່າ​ທຽບ​ເທົ່າ​ກັບ GST.

- Wave100S AD to Website 2020 0 - ມາເລເຊຍເລີ່ມເກັບພາສີ SST 1 ກັນຍານີ້
- WhatsApp Image 2020 05 27 at 5 - ມາເລເຊຍເລີ່ມເກັບພາສີ SST 1 ກັນຍານີ້
- WhatsApp Image 2020 05 27 at 5 - ມາເລເຊຍເລີ່ມເກັບພາສີ SST 1 ກັນຍານີ້
error: Alert: ເນື້ອຫາຂ່າວມີລິຂະສິດ !!