ຜູ້ນຳກອງທັບ-ຮອງປະທານາທິບໍດີ ມຽນມາສຳຫລວດສະປິນເວເຂື່ອນແຕກ

- 663385 - ຜູ້ນຳກອງທັບ-ຮອງປະທານາທິບໍດີ ມຽນມາສຳຫລວດສະປິນເວເຂື່ອນແຕກ
- Untitled design - ຜູ້ນຳກອງທັບ-ຮອງປະທານາທິບໍດີ ມຽນມາສຳຫລວດສະປິນເວເຂື່ອນແຕກ

ພົນ​ເອກ ມິນ ອ໋ອງ ລ່າຍ ຜູ້​ບັນຊາ​ການ​ທະຫານ​ສູງ​ສຸດ​ຂອງ​ມຽນມາ ​ແລະ ຮອງ​ປະທານາທິບໍດີ ​ເຮ​ນຣີ ​ແວນ ທຽວ ລົງພື້ນທີ່​ເຂດ​ພະ​ໂຄ ​ເພື່ອ​ກວດ​ສອບ​ສະຖານະ​ການ​ສະ​ປິນ​ເວ​ເຂື່ອນ​ໃນ​ພື້ນທີ່​ແຕກ ສ້າງ​ຄວາມ​ເດືອດຮ້ອນ​ໃຫ້​ແກ່​ປະຊາຊົນ​ຫລາຍ​ກວ່າ 60.000 ຄົນ.

ໜັງສືພິມ ​ເດິ ​ໂກລບອລ ນິວ ​ໄລ ອອຟ ມຽນມາ ສະບັບ​ວັນ​ທີ 30 ສິງຫາ ລາຍ​ງານ​ຄວາມ​ຄືບ​ໜ້າ​ຫລັງ​ເກີດ​ເຫດ​ທາງນ້ຳລົ້ນ ຫລື ສະ​ປິນ​ເວ​ຂອງ​ເຂື່ອນ​ສະ​ວາ​ຊວງ ​ເຊິ່ງ​ໃຊ້ງານ​ມາ​ແຕ່​ປີ 2004 ຕັ້ງຢູ່​ໃນ​ພາກພື້ນພະ​ໂຄ ທາງ​ຕອນ​ກາງຂອງ​ມຽນມາ ​ເກີດ​ພັງ​ລົງ​ມາ ​ໃນ​ວັນ​ທີ 29 ສິງຫາ ສົ່ງ​ຜົນ​ໃຫ້​ມວນ​ນ້ຳມະຫາສານ​ໄຫລ​ເຂົ້າຖ້ວມ​ເຮືອນ​ຂອງ​ປະຊາຊົນ ທັງ​​ໃນ​ເມືອງ​ສະ​ວາ ​ແລະ ບໍລິ​ເວນ​ໃກ້​ຄຽງ ມີ​ຢ່າງ​ໜ້ອຍ 85 ບ້ານ, 14.000 ຄອບຄົວ​ໄດ້​ຮັບ​ຜົນ​ກະທົບ ​ແລະ ປະຊາຊົນ​ຫລາຍ​ກວ່າ 63.000 ຄົນ​ບໍ່​ມີ​ບ່ອນຢູ່​ອາ​ໄສ.

ນອກຈາກ​ນີ້ ລະດັບ​ນ້ຳ​ທີ່​ເພີ່ມ​ສູງ​ຂຶ້ນຢ່າງ​ວ່ອງ​ໄວ​ຍັງ​ສ້າງ​ຄວາມ​ເສຍ​ຫາຍ​ໃຫ້​ລະບົບ​ໂຄງ​ລ່າງ​ພື້ນຖານ, ​ແຫ​ລ່ງຂ່າວ​ໃນ​ລັດຖະບານ​ມຽນມາ​ເປີດ​ເຜີຍ​ວ່າ: ​ເຈົ້າໜ້າ​ທີ່​ສາມາດ​ຢຸດ​ຮອຍ​​ແຕກ​ແຫງ​ຂອງ​ເຂື່ອນ​ໄວ້​ໄດ້​ແລ້ວ.

ລາຍ​ງານ​ຂອງ​ກະຊວງ​ສະຫວັດດີ​ການສັງຄົມ​ຂອງ​ມຽນມາ ລະບຸ​ວ່າ: ຜູ້​ປະສົບ​ໄພ​ຫລາຍ​ກວ່າ 12.600 ຄົນ ກະຈາຍ​ກັນ​ອາ​ໄສ​ຢູ່​ຕາມ​ສູນ​ພັກ​ຊົ່ວ​ຄາວ​ປະມານ 30 ​ແຫ່ງ. ຂະນະ​ທີ່ ພົນ​ເອກ ມິນ ອ໋ອງ ລ່າຍ ຜູ້​ບັນຊາ​ການ​ທະຫານ​ສູງ​ສຸດ​ຂອງ​ມຽນມາ ​ແລະ ທ່ານ ​ເຮ​ນຣີ ​ແວນ ທຽວ ຮອງ​ປະທານາທິບໍດີ​ມຽນມາ ລົງພື້ນທີ່​ກວດ​ສອບ​ສະຖານະ​ການ​ດ້ວຍ​ຕົນ​ເອງ ​ແລະ ​ເນັ້ນ​ໃຫ້​ໜ່ວຍ​ງານ​ທີ່​ກ່ຽວຂ້ອງ​ຊ່ວຍ​ເຫລືອ​ປະຊາຊົນ​ຢ່າງ​ສຸດ​ຄວາມ​ສາມາດ.

- WhatsApp Image 2020 05 27 at 5 - ຜູ້ນຳກອງທັບ-ຮອງປະທານາທິບໍດີ ມຽນມາສຳຫລວດສະປິນເວເຂື່ອນແຕກ
- WhatsApp Image 2020 05 27 at 5 - ຜູ້ນຳກອງທັບ-ຮອງປະທານາທິບໍດີ ມຽນມາສຳຫລວດສະປິນເວເຂື່ອນແຕກ
error: Alert: ເນື້ອຫາຂ່າວມີລິຂະສິດ !!