ຈີນເລີ່ມແຜນສະກັດ ຂ່າວປອມທາງອອນລາຍ

- 1535616330477 800x0 - ຈີນເລີ່ມແຜນສະກັດ ຂ່າວປອມທາງອອນລາຍ
- Untitled design - ຈີນເລີ່ມແຜນສະກັດ ຂ່າວປອມທາງອອນລາຍ

ທາງ​ການ​ຈີນ​ເລີ່​ມ​ເດີນ​ໜ້າ​ມາດ​ຕະການ​ສະກັດ​ຂ່າວປອມ​ເຊັ່ນ: ​ແອບ​ມື​ຖື​ທີ່​ໃຫ້​ປະຊາຊົນ​ຊ່ວຍ​ກັນ​ລາຍ​ງານ​ຂ່າວ​ລື​ທາງ​ອອນ​ລາຍ ​ແລະ ​ໃຊ້ປັນຍາ​ປະດິດ (AI) ​ເພື່ອ​ລະບຸ​ທີ່​ມາ​ຂອງ​ລາຍ​ງານ ​ແລະ ຊ່ວຍ​ຄັດ​ເລືອກ​ຂ່າວ​ຈິງ. ຂະນະ​ທີ່​ລັດຖະບານ​ຈີນ​ປາບ​ປາມ​ການ​ເຜີຍ​ແຜ່​ເນື້ອ​ໃນ​ທີ່​ທຳລາຍ​ຄວາມ​ສະຫງົບ​ສຸກ​ໃນ​ສັງຄົມ.

ມາດ​ຕະການ​ດັ່ງກ່າວ ​ເຊິ່ງ​ເລີ່​ມມາ​ແຕ່​ວັນ​ທີ 29 ສິງຫາ​ນີ້ ມີ​ຂຶ້ນ​ໃນ​ຂະນະ​ທີ່​ຈີນ​ເລີ່​ມການກວດ​ສອບ​ທາງ​ອິນ​ເຕີ​ເນັດ ​ໂດຍ​ສະ​ເພາະ​ສັງຄົມ​ອອນ​ລາຍ​ທີ່​ມີ​ຜູ້​ສະ​ແດງ​ຄວາມ​ຄິດ​ເຫັນ​ທາງ​ການ​ເມືອງ ​ແລະ ບັນຫາ​ລະອຽດ​ອ່ອນ​ອື່ນໆ ທັງ​ທີ່​ມີ​ການ​ຄວບ​ຄຸ​ມຢ່າງ​ເຂັ້ມງວດ. ​ແຜນ​ສະກັດ​ຂ່າວ​ປອມ​ປະກອບ​ມີ​ທາງ​ເວັບ​ໄຊ ​ແລະ ​ແອບ​ມື​ຖື ລວມທັງ​ເວັບ​ເວ່ຍ​ໂປ໋ ​ແລະ ວີ​ແຊັດ ສັງຄົມ​ອອນ​ລາຍ​ຍັກ​ໃຫຍ່​ຂອງ​ຈີນ. ​ໂຄງການ​ເວັບພີ​ເຢົາ​ຂອງ​ລັດຖະບານ​ຈີນ​ຈະ​ອອກ​ອາກາດ​ຂ່າວ​ຈິງ, ລາຍ​ງານ​ຂ່າວ​ອ້າງ​ອີງ​ຈາກ​ສື່​ທາງ​ການ, ໜັງສືພິມ​ທ້ອງ​ຖິ່ນ ​ແລະ ໜ່ວຍ​ງານ​ຂອງ​ລັດ​ເທົ່າ​ນັ້ນ. ຂໍ້​ມູນ​ທາງ​ການ​ຈີນ​ລະບຸ​ວ່າ: ຜູ້​ກວດ​ສອບ​ອິນ​ເຕີ​ເນັດ​ໄດ້​ຮັບ​ແຈ້ງ​ຂໍ້​ມູນ​ປອມ ​ແລະ ບໍ່​ຖືກຕ້ອງ​ເຖິງ 6,7 ລ້ານ​ເລື່ອງ​ໃນ​ເດືອນ​ກໍລະກົດ, ສ່ວນ​ຫລາຍ​ມາ​ຈາກ​ຊິ​ນາ​ທີ່​ໃຫ້​ບິ​ການ​ເວ່ຍ​ໂປ໋ ​ແລະ ​ເທ​ນ​ເຊ​ນທີ່​ໃຫ້​ບໍລິການ​ວີ​ແຊັດ, ​ໄປ່​ຕູ່ ​ແລະ ອາລີ​ບາ​ບາ.

- Wave100S AD to Website 2020 0 - ຈີນເລີ່ມແຜນສະກັດ ຂ່າວປອມທາງອອນລາຍ
- WhatsApp Image 2020 05 27 at 5 - ຈີນເລີ່ມແຜນສະກັດ ຂ່າວປອມທາງອອນລາຍ
- WhatsApp Image 2020 05 27 at 5 - ຈີນເລີ່ມແຜນສະກັດ ຂ່າວປອມທາງອອນລາຍ
error: Alert: ເນື້ອຫາຂ່າວມີລິຂະສິດ !!