ທ່ານເປັນຄົນທີ່ທຸ້ມເທກັບວຽກ ຫລື ບ້າວຽກກັນແທ້ ?

- 033008 2018 - ທ່ານເປັນຄົນທີ່ທຸ້ມເທກັບວຽກ ຫລື ບ້າວຽກກັນແທ້ ?
- 174233 - ທ່ານເປັນຄົນທີ່ທຸ້ມເທກັບວຽກ ຫລື ບ້າວຽກກັນແທ້ ?

ການປ່ຽນຈາກ ເຮັດວຽກເພື່ອມີຊີວິດຢູ່ ເປັນ ມີຊີວິດຢູ່ເພື່ອເຮັດວຽກ ກໍບໍ່ໄດ້ເກີດຂຶ້ນສະເພາະກັບຄົນທີ່ມີທຸລະກິດເປັນຂອງຕົນເອງເທົ່ານັ້ນ ເພາະແມ່ນແຕ່ລູກຈ້າງເອງກໍມີການເອົາວຽກກັບໄປເຮັດຢູ່ເຮືອນໄດ້ຄືກັນ. ຫລາຍໆຄົນມັກຊີວິດທີ່ດຸ່ນດ່ຽງລະຫວ່າງການເຮັດວຽກກັບຊີວິດສ່ວນໂຕ ເພາະພວກເຂົາຮັກໃນວຽກທີ່ເຮັດ ແລະ ເຕັມໃຈສະລະເວລາເພື່ອຄວາມກ້າວໜ້າໃນອາຊີບ ແລະ ເພື່ອສ້າງຄຸນນະພາບຊີວິດທີ່ດີຂຶ້ນ, ແຕ່ສຳລັບບາງຄົນແລ້ວ ພວກເຂົາຢາກເຮັດວຽກກໍຍ້ອນເສບຕິດການເຮັດວຽກໄປແລ້ວ ເຊິ່ງພຶດຕິກຳແບບນີ້ຍິ່ງສົ່ງຜົນເສຍຕໍ່ທັງຊີວິດສ່ວນໂຕ ແລະ ອາຊີບຂອງພວກເຂົາໂດຍບໍ່ຮູ້ໂຕ.

     ການເຮັດວຽກໜັກກັບການບ້າວຽກຕ່າງກັນແນວໃດ ?

ສິ່ງທີ່ຕ່າງກັນຢ່າງຈະແຈ້ງລະຫ່ວາງການເຮັດວຽກໜັກ ແລະ ການບ້າວຽກ ບໍ່ແມ່ນໄລຍະເວລາໃນການເຮັດວຽກ ແຕ່ເປັນຜົນກະທົບຂອງວຽກຕໍ່ຊີວິດສ່ວນໂຕຕ່າງຫາກ   ດັ່ງວຽກງານວິໄຈຈາກວາລະສານ Journal of Psychosocial Nursing and Mental Health Services ໃນປີ 2015 ລະບຸວ່າ : ຄົນບ້າວຽກມັກມີບັນຫາໃນການເຂົ້າສັງຄົມ ລວມໄປເຖິງບັນຫາທາງສຸຂະພາບຈິດ ແລະ ຮ່າງກາຍ ເພາະເສບຕິດການເຮັດວຽກໜັກຈົນເກີນໄປ ທັງຍັງພົບຕື່ມວ່າພວກເຂົາມີຄວາມສ່ຽງສູງທີ່ຈະປ່ວຍດ້ວຍພະຍາດ Burnout syndrome  ທີ່ມີຄວາມເຄັ່ງຄຽດ, ສຸຂະພາບຊຸດໂຊມ, ບໍ່ມີຄວາມສຸກໃນຊີວິດ ທັງມີບັນຫາດ້ານຄວາມສຳພັນ ແລະ ຄອບຄົວນຳອີກ.

ເຖິງວ່າບາງຄົນອາດສາມາດເຮັດວຽກໄດ້ 50 ຊົ່ວໂມງຕໍ່ອາທິດ ຫລື ຫລາຍກ່ວານັ້ນໄດ້ສະບາຍໆ ແຕ່ກໍອາດສົ່ງຜົນຮ້າຍ ແຮງສຳລັບໃຜຫລາຍໆຄົນໄດ້ຄືກັນ ເພາະການຝືນເຮັດວຽກໜັກຕິດຕໍ່ກັນເປັນໄລຍະເວລາດົນນັ້ນ ນຳໄປສູ່ອາການຊຶມເສົ້າຊຳ້ເຮື້ອໄປຕະຫລອດຊີວິດໄດ້ນຳ ເຊິ່ງກໍເປັນເລື່ອງທີ່ຕ້ອງລະມັດລະວັງໃຫ້ຫລາຍ. ຍິ່ງເສບຕິດການເຮັດວຽກໜັກຫລາຍເທົ່າໃດ ກໍຍິ່ງໄດ້ຮັບຜົນກະທົບຫລາຍຂຶ້ນເທົ່ານັ້ນ ທັງເຄັ່ງຄຽດຈົນເຮັດວຽກໄດ້ບໍ່ດີ ທັງຍັງຕ້ອງໃຊ້ເວລາກັບການເຮັດວຽກດົນຂຶ້ນ ຄົນທີ່ບ້າວຽກເຮັດວຽກໜັກມັກຈະຮູ້ສຶກທໍ້ຖອຍ, ກັງວົນ ແລະ ເຄັ່ງຄຽດຢູ່ຕະຫລອດເວລາ ນອກຈາກຈະບໍ່ມີຄວາມສຸກກັບການເຮັດວຽກແລ້ວ ພວກເຂົາຍັງຕ້ອງຮູ້ສຶກທໍລະມານໃຈ ເພາະຮູ້ສຶກຜິດເວລາທີ່ບໍ່ໄດ້ເຮັດວຽກນຳອີກ.

- Wave100S AD to Website 2020 0 - ທ່ານເປັນຄົນທີ່ທຸ້ມເທກັບວຽກ ຫລື ບ້າວຽກກັນແທ້ ?

     ວິທີບຳບັດອາການບ້າວຽກ :     ລອງຖາມໂຕເອງວ່າການເຮັດວຽກຂອງທ່ານສົ່ງຜົນເສຍໄປຫາຄວາມສຳພັນຕ່າງໆຫລືບໍ່ ? ເຮັດໃຫ້ຮ່າງກາຍຂອງທ່ານຊຸດໂຊມຫລືບໍ່ ? ຫລືວ່າເຮັດໃຫ້ສຸຂະພາບຈິດຂອງທ່ານບໍ່ດີກ່ວາເກົ່າຫລາຍຫລືບໍ່ ? ເຊິ່ງສັນຍານເຫລົ່ານີ້ສາມາດບອກໄດ້ວ່າທ່ານແມ່ນຄົນທີ່ບ້າວຽກຢ່າງໜັກຫລືບໍ່.

ໂດຍວິທີປິ່ນປົວອາການບ້າວຽກນັ້ນມີຫລາກຫລາຍ ນັບແຕ່ການໂອ້ລົມ 12 ລະດັບ ໄປຈົນເຖິງການປິ່ນປົວຢູ່ໂຮງໝໍ, ການ ບຳບັດແບບຜູ້ປ່ວຍນອກກໍມີປະສິດທິພາບຫລາຍຄືກັນ ເພາະການບຳບັດມັກຈະຊ່ວຍໃຫ້ຄົນທີ່ບ້າວຽກຢາກຫາວິທີການຫລຸດພົ້ນ ຈາກການເຮັດວຽກໄດ້ ເພື່ອກັບມາມີສ່ວນຮ່ວມກັບຄົນທີ່ຮັກ ແລະ ສ້າງຄວາມເຂັ້ມແຂງທາງຈິດໃຈຕໍ່ໄປໄດ້.

ດັ່ງນັ້ນ ຢ່າລືມປະເມີນຕົນເອງເປັນປະຈຳວ່າທ່ານພຽງແຕ່ກຳລັງເຮັດວຽກໜັກ ຫລື ກຳລັງເຂົ້າສູ່ການບ້າວຽກແລ້ວ ເພື່ອທີ່ຈະໄດ້ຄ່ອຍໆປັບຄວາມດຸ່ນດ່ຽງຂອງວຽກບໍ່ໃຫ້ມາທຳລາຍຄວາມດຸ່ນດ່ຽງຂອງຊີວິດທ່ານຈົນເກີນໄປ.

- WhatsApp Image 2020 05 27 at 5 - ທ່ານເປັນຄົນທີ່ທຸ້ມເທກັບວຽກ ຫລື ບ້າວຽກກັນແທ້ ?
- WhatsApp Image 2020 05 27 at 5 - ທ່ານເປັນຄົນທີ່ທຸ້ມເທກັບວຽກ ຫລື ບ້າວຽກກັນແທ້ ?
- WhatsApp Image 2020 05 27 at 5 - ທ່ານເປັນຄົນທີ່ທຸ້ມເທກັບວຽກ ຫລື ບ້າວຽກກັນແທ້ ?
- WhatsApp Image 2020 05 27 at 5 - ທ່ານເປັນຄົນທີ່ທຸ້ມເທກັບວຽກ ຫລື ບ້າວຽກກັນແທ້ ?
error: Alert: Content is protected !!