8 ສິ່ງທີ່ຄົນປະສົບຄວາມສໍາເລັດມັກເຮັດໃນຕອນເຊົ້າ

- advert banner 728 90 728x90 - 8 ສິ່ງທີ່ຄົນປະສົບຄວາມສໍາເລັດມັກເຮັດໃນຕອນເຊົ້າ

ກິດຈະວັດທົ່ວໆໄປ ທີ່ບຸກຄົນປະສົບຄວາມສໍາເລັດມັກຈະເລົ່າໃຫ້ຄົນອື່ນຟັງນັ້ນ ກໍບໍ່ໄດ້ມີພຽງແຕ່ກິດຈະວັດປະຈໍາວັນ ຫຼືເລື່ອງລາວຄວາມລົ້ມເຫຼວ ແລະ ຄວາມສໍາເລັດພຽງເທົ່ານັ້ນ ເພາະຍັງມີພຶດຕິກໍາອີກ 8 ຢ່າງທີ່ພວກເຂົາເຫຼົ່ານີ້ມັກຈະເຮັດເປັນປະຈໍາທຸກເຊົ້າກ່ອນກິນເຂົ້າເຊົ້າດ້ວຍ.

  1. ພວກເຂົາຕື່ນນອນກ່ອນຄົນອື່ນສະເໝີ: ພວກເຂົາຮູ້ດີວ່າຈະຕ້ອງເລີ່ມຕົ້ນກ່ອນຄົນອື່ນໃນແຕ່ລະມື້ ເພາະເຂົາຈະເສຍເວລາໄປບໍ່ໄດ້ແຕ່ວິນາທີດຽວ.
  2. ພວກເຂົາອອກກໍາລັງກາຍ: ການອອກກໍາລັງກາຍໃນຕອນເຊົ້າເປັນອີກໜຶ່ງກິດຈະວັດຍອດນິຍົມຂອງເຫຼົ່າຄົນທີ່ປະສົບຄວາມສໍາເລັດ ເຊັ່ນBransonCookGary Vaynerchuk ແລະ CEO ຂອງ Disney ເຊັ່ນ Bob Iger ລ້ວນແຕ່ຕື່ນເຊົ້າສຸດໆ ຈຶ່ງມີເວລາເຫຼືອທີ່ຈະອອກກໍາກາຍ   Travis Bradberry ກ່າວວ່າ ການອອກກໍາລັງກາຍພຽງ 10 ນາທີ ກໍຈະຊ່ວຍໃຫ້ຮ່າງກາຍໄດ້ປ່ອຍສານ GABA ແລະ ສານສື່ປະສາດທີ່ຈະຊ່ວຍໃຫ້ສະໝອງຂອງຄົນເຮົາສະງົບຜ່ອນຄາຍ ແລະ ຊ່ວຍໃຫ້ສາມາດຄວບຄຸມລະບົບປະສາດ ເມື່ອຖືກກະຕຸ້ນໄດ້ ຊຶ່ງໝາຍຄວາມວ່າການອອກກໍາລັງກາຍຊ່ວຍພັດທະນາພຶດຕິກໍາຂອງເຮົາໄດ້.
  3. ພວກເຂົາຊໍາລະລ້າງຮ່າງກາຍ: ວິທະຍາສາດໄດ້ພິສູດແລ້ວວ່າຄົນເຮົານັ້ນມັກຈະຄິດໄອເດຍດີໆໄດ້ໃນຂະນະທີ່ເຮົາກໍາລັງອາບນໍ້າ ນັ້ນກໍເປັນເພາະວ່າການໄດ້ອາບນໍ້າອຸ່ນໆ ແລະ ໄດ້ຜ່ອນຄາຍຈາກຄວາມວຸ່ນວາຍ ຮ່າງກາຍຈະປ່ອຍສານໂດພາມີນອອກມາ ຊຶ່ງຊ່ວຍເສີມຄວາມສາມາດທາງດ້ານຄວາມຄິດສ້າງສັນໄດ້ເວລາໃຈເຮົາຢູ່ໃນສະພາວະທີສະງົບ.
  4. ພວກເຂົາໃຫ້ເວລາກັບຄອບຄົວ: ແຕ່ສໍາລັບບຸກຄົນທີ່ປະສົບຄວາມສໍາເລັດແລ້ວ ພວກເຂົາເຊື່ອວ່າການເລີ່ມຕົ້ນມື້ໃໝ່ໃນທຸກໆເຊົ້າກັນຄົນທີ່ຮັກນັ້ນສໍາຄັນບໍ່ໜ້ອຍໄປກວ່າກັນເລີຍ ບໍ່ວ່າຈະເປັນການອ່ານໜັງສືນໍາກັນ, ລົມກັນ ຫຼືກິນເຂົ້າຮ່ວມກັນໃນຕອນເຊົ້າກໍຕາມ.
  5. ມຸ່ງໝັ້ນກັບສິ່ງທີ່ຫຼົງໄຫຼ: ນອກຈາກວຽກປະຈໍາແລ້ວ ທຸກຄົນມັກຈະມີສິ່ງອື່ນໆ ທີ່ມັກເຮັດຢູ່ແລ້ວ ສໍາລັບຄົນທີ່ປະສົບຄວາມສໍາເລັດກໍເຊັ່ນກັນ ສິ່ງທີ່ເຂົາຫຼົງໄຫຼນັ້ນ ສາມາດຊ່ວຍໃຫ້ເຂົາຜ່ອນຄາຍຄວາມຄຽດໄດ້ ແຖມຍັງເສີມສ້າງຄວາມຄິດສ້າງສັນ ແລະ ຊ່ວຍຂັດເກົາທັກສະຄວາມຮູ້ເກົ່າທີ່ມີຢູ່ແລ້ວໃຫ້ດີຍິ່ງຂຶ້ນໄປອີກ.
  6. ຕິດຕາມຂ່າສານສະເໝີ: ການຕິດຕາມຂ່າວສານຊ່ວຍໃຫ້ຄົນທີ່ປະສົບຄວາມສໍາເລັດມີໂອກາດທີ່ຈະເຝົ້າຕິດຕາມເຫດການຄວາມເປັນໄປເທິງໂລກໃບນີ້ ເພື່ອທີ່ເຂົາຈະໄດ້ຮູ້ວ່າເຫດການໃດທີ່ອາດສົ່ງຜົນຕໍ່ທຸລະກິດຂອງເຂົາ ແລະ ຈະມີວິທີໃດທີ່ຈະຊ່ວຍພັດທະນາແນວທາງການແກ້ໄຂບັນຫາຕ່າງໆ ເພື່ອທີ່ຈະເຮັດໃຫ້ໂລກຂອງເຮົາໜ້າຢູ່ຫຼາຍຂຶ້ນ.
  7. ບັນທຶກສິ່ງຕ່າງໆ ທີ່ເຮັດໃຫ້ເຂົາມາເຖິງຈຸດໆນີ້: ການທີ່ຈົດບັນທຶກສິ່ງຕ່າງໆທີ່ເຮັດໃຫ້ມີໄດ້ທຸກຢ່າງໃນມື້ນີ້ລົງໄປ ມັນຈະຊ່ວຍໃຫ້ຮູ້ວ່າຄວນມຸ່ງໄປທີ່ຈຸດໃດຕໍ່ໄປ ແລະ ຍັງຊ່ວຍໃຫ້ມີແງ່ມຸມທີ່ດີໃນຊີວິດດ້ວຍ.
  8. ກວດ ແລະ ຕອບອີເມວ: ຜົນສໍາຫຼວດຈາກ Robert Half Management Resources  ເຜີຍວ່າຜູ້ບໍລິຫານເຖິງ 50% ເລີ່ມມື້ໃໝ່ຂອງເຂົາດ້ວຍການກວດເຊັກອີເມວ ໃນທໍານອງດຽວກັນ 39% ຫຼືໜຶ່ງໃນສາມຂອງຄົນທີ່ເປັນພະນັກງານ ຈະເລີ່ມມື້ໃໝ່ດ້ວຍການໃຊ້ອີເມວເຊັ່ນກັນ. ຄົນທີ່ປະສົບຄວາມສໍາເລັດມັກຈະຈັດການຕາຕາລາງໃນແຕ່ລະມື້ເປັນຢ່າງທໍາອິດໃນຕອນເຊົ້າ ຈະຊ່ວຍໃຫ້ມີສະມາທິຢູ່ກັບວຽກທີ່ສໍາຄັນຕ່າງໆໄດ້ຕະຫຼວດທັງວັນດ້ວຍ.

 

- 1 1 - 8 ສິ່ງທີ່ຄົນປະສົບຄວາມສໍາເລັດມັກເຮັດໃນຕອນເຊົ້າ
- lattana 1 - 8 ສິ່ງທີ່ຄົນປະສົບຄວາມສໍາເລັດມັກເຮັດໃນຕອນເຊົ້າ

 

error: Content is protected !!