ຍາມຂັດສົນຫຍຸ້ງຍາກຕ້ອງພ້ອມກັນຜ່ານພົ້ນບຸກທະລຸ

- 258411 - ຍາມຂັດສົນຫຍຸ້ງຍາກຕ້ອງພ້ອມກັນຜ່ານພົ້ນບຸກທະລຸ
- Untitled design - ຍາມຂັດສົນຫຍຸ້ງຍາກຕ້ອງພ້ອມກັນຜ່ານພົ້ນບຸກທະລຸ

ໂດຍ: ທິດກ່ຳ 

ພໍຕົກເຂົ້າມາໃນຊ່ວງ ກາງເກົ້າກາງສິບຂອງປີນີ້, ເຫັນວ່າໄພພິບັດທາງທຳມະ ຊາດ ໂດຍສະເພາະແມ່ນ ມີພາ ຍຸຫລາຍລູກ ອັນມີຜົນກະທົບ ຕໍ່ຊີວິດການເປັນຢູ່ຂອງປະຊາຊົນບັນດາເຜົ່າເຮົາຢ່າງໜັກ ໜ່ວງ ແລະ ເປັນບໍລິເວນ ກວ້າງ, ບັນຫາທີ່ພາໃຫ້ເກີດ ມີຝົນຕົກໜັກ, ນ້ຳຖ້ວມອັ່ງ, ນໍ້າໄຫລຊຸທັ່ງມາແຕ່ກາງ ເດືອນ ກໍລະກົດ ກໍແມ່ນພາຍຸ ເຊີນຕິນ, ຕໍ່ມາບໍ່ພໍເທົ່າໃດ ວັນກໍມີພາຍຸເບີບິນກາເຂົ້າ ມາຊ້ຳເຕີມ ຈາກສອງພາຍຸ ດັ່ງກ່າວ ຈຶ່ງພາໃຫ້ 14 ແຂວງ ກັບນະຄອນ ຫລວງວຽງຈັນ, ມີ 80 ເມືອງ ແລະ 1.438 ບ້ານປະສົບເຫດອຸທົກກະໄພ ເປັນບໍລິເວນກວ້າງ, ສ່ວນ ເຫດການທີ່ກາຍເປັນມະຫັນ ຕະໄພ ໂດຍທີ່ບໍ່ຄາດຄິດ, ບໍ່ ເຄີຍ ປະສົບພົບພໍ້ ແລະ ບໍ່ ເຄີຍມີມາ ໃນປະຫວັດສາດ ຂອງຊາດ ເຮົາ ກໍຄືກໍລະນີສັນ ເຂື່ອນ ເຊປຽນ-ເຊນ້ຳນ້ອຍ ແຕກຢູ່ ເມືອງສະໜາມໄຊ ແຂວງອັດຕະປືໃນວັນທີ 23 ກໍລະກົດ ຜ່ານມາ.

 

- 96333 - ຍາມຂັດສົນຫຍຸ້ງຍາກຕ້ອງພ້ອມກັນຜ່ານພົ້ນບຸກທະລຸ
(ພາບປະກອບ)

ເຂື່ອນແຕກພັງ ກັບລາງຝັນຮ້າຍທີ່ຕ້ອງໄດ້ກຳຈັດ

ເຂື່ອນແຕກພັງ ກັບລາງຝັນຮ້າຍທີ່ຕ້ອງໄດ້ກຳຈັດ

ຊາທິດກ່ຳຄິດ, ເພື່ອໝົດ ລະດູຝົນນີ້ ຫລື ວ່າ ໃນຕໍ່ໜ້າ, ພວກເຮົາກໍຍັງບໍ່ທັນຮູ້ວ່າໄພພິ ບັດທີ່ມັນຈະມາທຳລາຍຊ້ຳ ເຕີມອີກນັ້ນ ມັນຈະມີອັນໃດ ແດ່ ແລະ ເມື່ອໃດມັນຈະເກີດ, ເພາະສະນັ້ນ, ທຸກສິ່ງທຸກຢ່າງ ເຮົາກໍຕ້ອງພ້ອມກັນເຂົ້າໃຈ ເຖິງຕົ້ນປາຍສາຍເຫດ ແລະ ທັງມີສະຕິກຽມພ້ອມເພື່ອຮັບມືກັບສິ່ງທີ່ຈະເກີດຂຶ້ນນັ້ນ ລະຈຶ່ງເປັນການດີ.

- Wave100S AD to Website 2020 0 - ຍາມຂັດສົນຫຍຸ້ງຍາກຕ້ອງພ້ອມກັນຜ່ານພົ້ນບຸກທະລຸ

ແຕ່ອັນສຳຄັນທີ່ສຸດ ຍາມບ້ານເມືອງຂັດສົນກໍ ຕ້ອງພ້ອມກັນລຳບາກ, ຍາມ ຫຍຸ້ງຍາກ ກໍຕ້ອງພ້ອມກັນ ຜ່ານຜ່າບຸກທະລຸຫາວິທີທາງອອກ ແລະ ແກ້ໄຂຊ່ວຍກັນໃຫ້ ທັນເວລາ ນີ້ລະຄືສັດຈະທຳ ແຫ່ງຄວາມຈິງຈັງຈິງໃຈ ຂອງຄົນລາວທີ່ຮ່ວມດຳລົງ ຊີວິດໃນເຊື້ອຊາດ ແລະ ຊາ ຕາກຳອັນດຽວກັນ.

ດັ່ງເຫດການເຂື່ອນແຕກ ຢູ່ເມືອງສະໜາມໄຊ, ເກີດໄພ ນ້ຳຖ້ວມໃນປີນີ້ ມັນກໍເປັນບົດ ຮຽນອັນໃຫຍ່ຫລວງທີ່ເຕືອນໃຫ້ພວກເຮົາພາກັນຮັບຮູ້ທັງ ມີບົດຮຽນໃນການຕ້ານ ແລະ ສະກັດກັ້ນໃນຕໍ່ໜ້າ ແລະ ຍາວນານ, ເຊິ່ງມັນກໍບໍ່ຕ່າງ ຫຍັງກັບສະໄໝສົງຄາມ ທີ່ ສອນໃຫ້ພວກເຮົາຮູ້ຫລົບ ຫລີກໄພສົງຄາມ, ຮູ້ຍຸດທະ ວິທີ, ຮູ້ສີລະປະຍຸດ ໃນການ ຕີເສີກ ເພື່ອຍາດເອົາໄຊຊະ ນະມາຢູ່ໃນກຳມື.
ເທົ່າທີ່ທິດກ່ຳໄດ້ຕິດ ຕາມນັບແຕ່ມື້ມີເຫດການ ສັນເຂື່ອນເຊປຽນ-ເຊນ້ຳ ນ້ອຍແຕກພັງ ຕໍ່ມາໃສ່ເຫດ ການນ້ຳຖ້ວມໃນແຕ່ລະເຂດແຂວງ ທາງການນຳພັກ- ລັດກໍບໍ່ໄດ້ນິ້ງນອນດາຍ, ນັບ ແຕ່ການນຳຂັ້ນສູງສຸດຂອງປະເທດເຊັ່ນ: ທ່ານປະທານ ປະເທດ ບຸນຍັງ ວໍລະຈິດ, ທ່ານນາຍົກລັດຖະມົນຕີ ທອງລຸນ ສີສຸລິດ, ບັນດາ ທ່ານຮອງນາຍົກ, ເຈົ້າຄອງ ນະຄອນຫລວງວຽງຈັນ, ບັນດາທ່ານລັດຖະມົນຕີ ຈາກກະຊວງກ່ຽວຂ້ອງ ຕະຫລອດຮອດທ່ານເຈົ້າ ແຂວງ, ເຈົ້າເມືອງ ໃນບັນ ດາແຂວງ ແລະ ເມືອງທີ່ຖືກ ຜົນກະທົບກໍໄດ້ລົງພື້ນທີ່ ເພື່ອ ໄປໃກ້ຊິດຕິດຕາມຊ່ວຍ ເຫລືອຕໍ່ຄອບຄົວຜູ້ທີ່ຖືກ ຜົນກະທົບດ້ວຍຄວາມ ເຫລື້ອມໃສໃຈຈິງ ແລະ ມີ ການອານຸເຄາະຕາມປັດໄຈ ແລະ ເງື່ອນໄຂສຸດຄວາມ ສາມາດ. ພິເສດ ກໍຕ້ອງຂໍຊົມ ເຊີຍ ຍົກຍ້ອງກອງທັບປະຊາ ຊົນລາວທີ່ເປັນກອງທັບຂອງປະຊາຊົນ, ມາຈາກປະຊາຊົນ ໃດ້ພ້ອມກັນໃກ້ຊິດຕິດແທດ ຜ່ານນ້ຳລຸຍຕົມໃຫ້ການຊ່ວຍເຫລືອປະຊາຊົນຜູ້ທີ່ຖືກ ເຄາະຮ້າຍບົນຈິດໃຈ ແລະ ເຫື່ອແຮງເພື່ອຮັບໃຊ້ປະຊາ ຊົນດ້ວຍຄວາມທໍລະຫົດ ອົດທົນ.

ນອກນັ້ນ, ຄົນລາວທີ່ຢູ່ ພາຍໃນປະເທດດ້ວຍກັນ ກໍໄດ້ພ້ອມກັນນຳເອົາເງິນ ແລະ ວັດຖຸປັດໄຈມາຊ່ວຍ ເຫລືອດ້ວຍຄວາມເປັນ ຫວ່ງເປັນໄຍຢ່າງເປັນ ຂະບວນ.

ໄປຄຽງຄູ່ກັນນັ້ນ, ພວກ ເຮົາກໍຍັງບໍ່ລືມບຸນຄຸນເພື່ອນມິດທີ່ຢູ່ໃກ້ ແລະ ຢູ່ໄກໄດ້ ໃຫ້ການຊ່ວຍເຫລືອຢ່າງ ໃກ້ຊິດ ແລະ ມີມະນຸດສະທຳ ທີ່ສຸດເຊັ່ນ: ພີ່ນ້ອງເພື່ອນ ບ້ານ ຊາວໄທນັບທັງພາກລັດ ແລະ ເອກະຊົນ, ຕະຫລອດ ເຖິງປະຊາຊົນ, ບໍລິສັດ ຫ້າງ ຮ້ານ, ມູນນິທິຕ່າງໆ, ບັນດາ ເພື່ອນມິດອ້ອມຂ້າງຈີນ, ສິງ ກະໂປ, ຫວຽດນາມ, ເກົາຫລີ ໃຕ້, ລັດເຊຍ ແລະ ເພື່ອນ ມິດອື່ນໆ ທີ່ຢູ່ໃນພາກພື້ນ ດຽວກັນ. ສິ່ງດັ່ງກ່າວ, ໄດ້ ສະແດງໃຫ້ເຫັນວ່າປະເທດລາວ, ປະຊາຊົນລາວ ບໍ່ໄດ້ ຢູ່ໂດດດ່ຽວດຽວດາຍ ຍັງມີ ເພື່ອນມິດປຸ້ມລຸມສາມັກຄີ ໃຫ້ການຊ່ວຍເຫລືອ ພ້ອມ ກັນບຸກທະລຸໃນຍາມຫຍຸ້ງ ຍາກຂັດສົນໃຫ້ພົ້ນມະຫັນ ຕະໄພທີ່ເກີດຂຶ້ນ.

ເຖິງຢ່າງໃດກໍດີ, ປີນີ້ ຄັ້ງນີ້ເຮົາມີບົດຮຽນມາແລ້ວ, ປີໜ້າຕ້ອງພະຍາມຍາມ ຫລີກເວັ້ນ, ອັນສຳຄັນທີ່ສຸດ ບ້ານເມືອງໃດຢູ່ໃຕ້ເຂື່ອນ ຕ້ອງມີອຸປະກອນໜີນ້ຳ, ມີ ເຄື່ອງຊູຊີບ, ມີເຮືອ, ມີສັນ ຍານເຕືອນໄພ ເມື່ອພາຍຸມາ ນໍ້າເຂື່ອນລົ້ນ, ເຂື່ອນແຕກ ຈຶ່ງບໍ່ພາກັນຕາຍ.

- 258411 - ຍາມຂັດສົນຫຍຸ້ງຍາກຕ້ອງພ້ອມກັນຜ່ານພົ້ນບຸກທະລຸ
(ພາບປະກອບ)
- WhatsApp Image 2020 05 27 at 5 - ຍາມຂັດສົນຫຍຸ້ງຍາກຕ້ອງພ້ອມກັນຜ່ານພົ້ນບຸກທະລຸ
- WhatsApp Image 2020 05 27 at 5 - ຍາມຂັດສົນຫຍຸ້ງຍາກຕ້ອງພ້ອມກັນຜ່ານພົ້ນບຸກທະລຸ
error: Alert: ເນື້ອຫາຂ່າວມີລິຂະສິດ !!