ເສດຖະກິດອິນເດຍຂະຫຍາຍຕົວ 8,2%

- 750x422 811860 1535758769 - ເສດຖະກິດອິນເດຍຂະຫຍາຍຕົວ 8,2%
- Untitled design - ເສດຖະກິດອິນເດຍຂະຫຍາຍຕົວ 8,2%

​      ​ເສດຖະກິດ​ອິນ​ເດຍ​ເຕີບ​ໃຫຍ່ 8,2% ​ໃນ​ໄຕ​ມາດ​ທຳ​ອິດ​ຂອງ​ປີ​ງົບປະມານ 2018-2019 ​ແລະ ກຳລັງ​ຈະ​ແຊງ​ອັງກິດ ຂຶ້ນ​ເປັນ​ປະ​ເທດ​ເສດຖະກິດ​ຂະໜາດ​ໃຫຍ່​ສຸດ​ອັນ​ດັບ 5 ຂອງ​ໂລກ​ໃນ​ປີໜ້າ.

ຂໍ້​ມູນ​ຢ່າງ​ເປັນ​ທາງ​ການ​ຂອງ​ສຳນັກງານ​ສະຖິຕິ​ກາງ (CSO) ອິນ​ເດຍ ​ເຜີຍ​ແຜ່​ໃນ​ວັນ​ທີ 31 ສິງຫາ​ຜ່ານ​ມາ ສະ​ແດງ​ໃຫ້​ເຫັນ​ວ່າ: ລວມຍອດ​ຜະລິດ​ຕະພັນ​ພາຍ​ໃນ (GDP) ຂອງ​ປະ​ເທດ​ ​ເສດຖະກິດ​ຂະໜາດ​ໃຫຍ່​ສຸດ​ອັນ​ດັບ 3 ຂອງ​ອາຊີ ຂະຫຍາຍຕົວ 8,2% ລະຫວ່າງ​ເດືອນ​ເມສາ-ມິຖຸນາ​ຜ່ານ​ມາ ດີ​ຂຶ້ນຈາກ 7,7% ​ໃນ​ໄຕ​ມາດ​ກ່ອນ​ໜ້າ.

ຕົວ​ເລກ​ຫລ້າ​ສຸດ ​ເຊິ່ງ​ເປັນ​ອັດຕາ​ເຕີບ​ໃຫຍ່​ສູງ​ສຸດ​ຂອງ​ອິນ​ເດຍ​ໃນ​ຮອບ 8 ​ໄຕ​ມາດ ​ເພີ່ມ​ຂຶ້ນຈາກ 5,6% ​ໃນ​ໄລຍະ​ເວລາ​ດຽວ​ກັນ​ຂອງ​ປີຜ່ານມາ ​ເຮັດ​ໃຫ້​ອິນ​ເດຍ​ເພີ່ມ​ສະຖານະ​ຄວາມ​ເປັນ​ໜຶ່ງ​ໃນ​ປະ​ເທດ​ເສດຖະກິດ​ເຕີບ​ໃຫຍ່​ໄວ​ທີ່​ສຸດ​ໃນ​ໂລກ.

ອິນ​ເດຍກາຍ​ເປັນ​ປະ​ເທດ​ເສດຖະກິດ​ຂະໜາດ​ໃຫຍ່​ສຸດ​ອັນ​ດັບ 6 ຂອງ​ໂລກ​ໃນ​ປີ 2017, ຊຸກ​ຝຣັ່ງ​ລົງ​ໄປ​ຢູ່​ອັນ​ດັບ 7 ຈາກ​ຂໍ້​ມູນ​ຂອງ​ທະນາຄານ​ໂລກ ​ເປີດ​ເຜີຍ​ໃນ​ເດືອ​ນຜ່ານ​ມາ ​ໂດຍ GDP ຂອງ​ອິນ​ເດຍບັນລຸ 2.597 ຕື້​ໂດ​ລາ​ສະຫະລັດ, ສ່ວນ​ຝຣັ່ງບັນລຸ 2.582 ຕື້​ໂດ​ລາ​ສະຫະລັດ.

- Wave100S AD to Website 2020 0 - ເສດຖະກິດອິນເດຍຂະຫຍາຍຕົວ 8,2%

ອາ​ເມ​ລິ​ກາ​ເປັນ​ປະ​ເທດ​ເສດຖະກິດ​ອັນ​ດັບ 1 ຂອງ​ໂລກ​ໃນ​ປັດຈຸບັນ, ຖັດມາ​ແມ່ນ​ຈີນ, ຍີ່ປຸ່ນ ​ແລະ ​ເຢຍລະ​ມັນ, ສ່ວນ​ອັງກິດ​ຢູ່​ອັນ​ດັບ 5 ຈາກ​ຕົວ​ເລກ GDP 2.622 ຕື້​ໂດ​ລາ​ສະຫະລັດ ​ໃນ​ປີຜ່ານມາ.

ທ່ານ ອາ​ລຸນ ​​ແຈ​ລີ ລັດຖະມົນຕີ​ກະຊວງ​ການ​ເງິນ​ອິນ​ເດຍ ກ່າວ​ວ່າ: ປີໜ້າ​ອິນ​ເດຍຈະ​ແຊງ​ອັງກິດ​ຂຶ້ນສູ່​ອັນ​ດັບ 5 ​ແລະ ຂຶ້ນສູ່​ອັນ​ດັບ 3 ປະມານ​ປີ 2030.

- WhatsApp Image 2020 05 27 at 5 - ເສດຖະກິດອິນເດຍຂະຫຍາຍຕົວ 8,2%
- WhatsApp Image 2020 05 27 at 5 - ເສດຖະກິດອິນເດຍຂະຫຍາຍຕົວ 8,2%
error: Alert: ເນື້ອຫາຂ່າວມີລິຂະສິດ !!