ເລຂາ ສປຊ ປະນາມເຫດຮຸນແຮງ ເກີດຂຶ້ນເລື້ອຍໆຢູ່ລີບີ

- advert banner 728 90 728x90 - ເລຂາ ສປຊ ປະນາມເຫດຮຸນແຮງ ເກີດຂຶ້ນເລື້ອຍໆຢູ່ລີບີ

ທ່ານ ອັນ​ໂຕ​ນິ​ໂອ ກູ​ເຕີ​ເຣັສ ​ເລຂາທິການ​ສະຫະ​ປະຊາ​ຊາດ ກ່າວ​ຮຽກຮ້ອງ​ໃຫ້​ຢຸດ​ຄວາມ​ຮຸນ​ແຮງ​ໃນ​ລີ​ບີ​ຕາມ​ຂໍ້​ຕົກລົງ​ຢຸດ​ຍິງ​ທີ່ສະຫະ​ປະຊາ​ຊາດ​ເປັນ​ຜູ້​ໄກ່​ເກ​່ຍ.

ກະຊວງ​ສາທາລະນະ​ສຸກ​ລີ​ບີ ລາຍ​ງານ​ວ່າ: ມີ​ຜູ້​ເສຍ​ຊີວິດ 39 ກວ່າ​ຄົນ ​ແລະ ບາດ​ເຈັບ​ຫລາຍ​ກວ່າ 100 ຄົນ​ຈາກ​ເຫດ​ປະ​ທະ​ກັນ​ລະຫວ່າງ​ກຸ່ມ​ຕິດ​ອາວຸດ​ຕ່າງ​ຝ່າຍ​ໃນ​ໄລຍະ 5 ວັນ​ຜ່ານ​ມາ ບໍລິ​ເວນ​​ເມືອງ​ທາງ​ໃຕ້​ຂອງ​ນະຄອນຫລວງ​ຕຣິ​ໂປ​ລີ​ນັບ​ແຕ່​ວັນ​ທີ 27 ສິງຫາ​ຜ່ານ​ມາ. ສຳນັກ​​ເລຂາທິການ​ສະຫະ​ປະຊາ​ຊາດ ອອກ​ຖະ​ແຫລ​ງການ​ວ່າ: ​ເລຂາ ສປຊ ປະນາມ​ຄວາມ​ຮຸນ​ແຮງ​ທີ່​ເກີດ​ຂຶ້ນທັງ​ໃນ​ພື້ນທີ່​ເຂດ​ໃນ ​ແລະ ຮອບ​ນອກ​ເມືອງ​ຫລວງ​ລີ​ບີ ​ໂດຍ​ສະ​ເພາະ​ການ​ທີ່​ກຸ່ມ​ຕິດ​ອາວຸດ​ໃຊ້​ປືນ​ຄົກ​ຍິງ​ໂຈມ​ຕີ​ແບບ​ບໍ່​ເລືອກ​ໜ້າ ​ເຮັດ​ໃຫ້​ພົນລະ​ເຮືອນ​ເສຍ​ຊີວິດ ​ແລະ ບາດ​ເຈັບ​ຈຳນວນ​ຫລາຍ ​ເຊິ່ງລວມທັງ​ເດັກ​ຫລາຍ​ຄົນ. ຖະ​ແຫລ​ງການ​ຮ່ວມ ອັງກິດ, ຝຣັ່ງ, ອີ​ຕາ​ລີ ​ແລະ ອາ​ເມ​ລິ​ກາ ລະບຸ​ວ່າ: ກຸ່ມ​ທີ່​ຫວັງ​ທຳລາຍ​ຄວາມ​ໝັ້ນຄົງ​ໃນ​ນະຄອນຫລວງ​ຕຣິ​ໂປ​ລີ ​ແລະ ພື້ນທີ່​ອື່ນໆ​ຂອງ​ລີ​ບີ ຈະ​ຕ້ອງ​ຮັບຜິດຊອບ​ຕໍ່​ການ​ກະທຳ​ດັ່ງກ່າວ, ຜ່ານ​ມາລີ​ບີ​ຕົກ​ຢູ່​ທ່າມກາງ​ການ​ສູ້​ຮົບ​ກັນ​ລະຫວ່າງ​ກຸ່ມ​ຕິດ​ອາວຸດ​ນັບ​ແຕ່​ອາ​ເມ​ລິ​ກາ​ນຳ​ກຳລັງ​ໂຄ່ນ​ລົ້ມ ພົນ​ເອກ ມູອຳມາ ກັດ​ດາ​ຟີ ຜູ້ນຳ​ລີ​ບີ ​ໃນ​ປີ 2011.

- lattana 1 - ເລຂາ ສປຊ ປະນາມເຫດຮຸນແຮງ ເກີດຂຶ້ນເລື້ອຍໆຢູ່ລີບີ
- 1 1 - ເລຂາ ສປຊ ປະນາມເຫດຮຸນແຮງ ເກີດຂຶ້ນເລື້ອຍໆຢູ່ລີບີ
error: Content is protected !!