ທ່ານ ທຣຳ ຂູ່ຈະໃຫ້ອາເມລິກາ ຖອນຕົວຈາກອົງການການຄ້າໂລກ

- 1535676226444 800x0 - ທ່ານ ທຣຳ ຂູ່ຈະໃຫ້ອາເມລິກາ ຖອນຕົວຈາກອົງການການຄ້າໂລກ
- Untitled design - ທ່ານ ທຣຳ ຂູ່ຈະໃຫ້ອາເມລິກາ ຖອນຕົວຈາກອົງການການຄ້າໂລກ

ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ​ໃຫ້​ສຳພາດ​ສຳນັກ​ຂ່າວ​ບລູມ​ເບິ​ກນິວ ​ໃນ​ວັນ​ທີ 30 ສິງຫາແລ້ວນີ້ ຂູ່ຈະນຳອາເມລິກາຖອນຕົວອອກຈາກສະມາຊິກອົງການການຄ້າໂລກ ຫລື WTO ຖ້າ​ຍັງ​ບໍ່​ມີ​ການ​ປັບປຸງ​ອົງການ​ໃໝ່.

ທ່ານ ທຣຳ ກ່າວ​ວ່າ: ຖ້າ​ຍັງ​ບໍ່​ມີ​ການ​ປ່ຽນ​ແປງ​ຂອງ WTO, ອາ​ເມ​ລິ​ກາ​ຈະ​ຖອນ​ຕົວ​ຈາກ​ອົງການ​ແຫ່ງ​ນີ້ ​ເຊິ່ງຖ້າ​ອາ​ເມ​ລິ​ກາ​ຖອນ​ຕົວ​ແທ້ ຈະ​ເປັນ​ການ​ທຳລາຍ​ຮາກ​ຖານ​ສຳຄັນ​ອັນ​ໜຶ່ງ​ຂອງ​ລະບົບ​ການ​ຄ້າ​ຂອງ​ໂລກ ​ເຊິ່ງອາ​ເມ​ລິ​ກາມີ​ສ່ວນ​ຮ່ວມ​ໃນ​ການ​ສ້າງຕັ້ງຂຶ້ນ. ກ່ອນ​ໜ້າ​ນີ້ ທ່ານ ທຣຳ ກ່າວ​ວ່າ: ອາ​ເມ​ລິ​ກາ​ໄດ້​ຮັບ​ການ​ປະຕິບັດ​ຢ່າງ​ບໍ່​ເປັນ​ທຳ​ໃນ​ເວທີ​ການ​ຄ້າ​ຂອງ​ໂລກ ​ແລະ ທ່ານ​ກ່າວ​ຫາ​ວ່າ: WTO ​ເປັນ​ຕົວ​ການ​ທີ່​ເຮັດ​ໃຫ້​ເກີດ​ການ​ປະຕິບັດ​ທີ່​ບໍ່​ເປັນ​ທຳ​ກັບ​ອາ​ເມ​ລິ​ກາ. ທ່ານ ທຣຳ ຍັງ​ກ່າວ​ເຕືອນ​ອີກ​ວ່າ: ທ່ານ​ຈະ​ດຳ​ເນີນການ​ກັບ WTO, ​ແຕ່​ທ່ານ​ບໍ່​ໄດ້​ເປີດ​ເຜີຍ​ວ່າ: ທ່ານ​ຈະ​ດຳ​ເນີນ​ການ​ແນວ​ໃດ​ກັບ​ອົງການ​ນີ້. ສຳລັບ WTO ສ້າງຕັ້ງຂຶ້ນ​ເພື່ອ​ກຳນົດ​ກົດ​ເກນ​ສຳລັບ​ການ​ຄ້າ​ໃນ​ໂລກ ​ແລະ ​ແກ້​ໄຂ​ບັນຫາ​ຂໍ້​ຂັດ​ແຍ່ງ​ທາງ​ການ​ຄ້າ​ລະຫວ່າງ​ປະ​ເທດ.

- Wave100S AD to Website 2020 0 - ທ່ານ ທຣຳ ຂູ່ຈະໃຫ້ອາເມລິກາ ຖອນຕົວຈາກອົງການການຄ້າໂລກ
- WhatsApp Image 2020 05 27 at 5 - ທ່ານ ທຣຳ ຂູ່ຈະໃຫ້ອາເມລິກາ ຖອນຕົວຈາກອົງການການຄ້າໂລກ
- WhatsApp Image 2020 05 27 at 5 - ທ່ານ ທຣຳ ຂູ່ຈະໃຫ້ອາເມລິກາ ຖອນຕົວຈາກອົງການການຄ້າໂລກ
error: Alert: ເນື້ອຫາຂ່າວມີລິຂະສິດ !!