ການ​ສັນຈອນ​ເສັ້ນທາງ ບໍ່​ໂອ-ຫາດຊາຍ​ຟອງ ພົບ​ຄວາມ​ຫຍຸ້ງຍາກຫລາຍ

- Ban hom - ການ​ສັນຈອນ​ເສັ້ນທາງ ບໍ່​ໂອ-ຫາດຊາຍ​ຟອງ ພົບ​ຄວາມ​ຫຍຸ້ງຍາກຫລາຍ
- Untitled design - ການ​ສັນຈອນ​ເສັ້ນທາງ ບໍ່​ໂອ-ຫາດຊາຍ​ຟອງ ພົບ​ຄວາມ​ຫຍຸ້ງຍາກຫລາຍ

​ພາຍຫລັງ​ທີ່​ມີ​ປະຊາຊົນ ​ໄດ້​ແຈ້ງ​ມາ​ຍັງໜັງສື​ພິມ​ລາວ​ພັດທະນາ​ພວກ​ເຮົາ ກ່ຽວກັບ​ສະພາບ​ການ​ສັນຈອນ​ຢູ່​ເຂດ ບ້ານ​ຫ້ອມ-ຊາຍ​ຟອງ ນະຄອນຫລວງ​ວຽງຈັນ, ປັດຈຸບັນ​ປ​ແມ່ນ​ມີ​ຄວາມ​ຫຍຸ້ງຍາກ​ຫລາຍ, ພາຍຫລັງ​ທີ່​ມີ​ການກໍ່ສ້າງ​ທາງ​ເຂດ ບໍ່​ໂອ-ຊາຍ​ຟອງ ​ຍັງ​ບໍ່ທັນ​ສຳ​ເລັດ ບວກັບ​ສະພາບ​ຝົນຕົກ​ຍິ່ງ​ເຮັດ​ໃຫ້ເສັ້ນທາງດັ່ງກ່າວ​ເປ່​ເພ, ​ເປັນ​ບວກ​ຂຸມ​ໃຫຍ່ ​ແລະ ຂໍວອນ​ພາກສ່ວນ​ກ່ຽວຂ້ອງ​ລົງ​ແກ້​ໄຂ ​ເພື່ອ​ເຮັດ​ໃຫ້ການ​ສັນຈອນ​ມີ​ຄວາມ​ສະດວກ​ດີ​ຂຶ້ນ.

​ໃນ​ວັນ​ທີ 30 ສິງຫາ ນີ້, ນັກ​ຂ່າວໜັງສື​ພິມ​ລາວ​ພັດທະນາ ກໍ​ໄດ້​ລົງພຶ້ນທີ່ ດັ່ງ​ກ່າວ ​ແລະ ພົບ​ວ່າ ສະ​ພາບການ​ສັນຈອນ​ແມ່ນ​ມີ​ຄວາມ​ຫຍຸ້ງຍາກ​ຫລາຍ, ​ໂດຍ​ສະ​ເພາະ​​ແມ່ນ ຢູ່​ເຂດ​ບ້ານ ​ໂພ​ເງີ​ນ, ຊຶ່ງປະຊາຊົນຜູ້​ຢູ່​ອາ​ໃສ​ເຂດ​ເສັ້ນທາງ​ດັ່ງກ່າວ ໃຫ້​ຮູ້​ວ່າ: ການກໍ່ສ້າງ​ເສັ້ນທາງ ບໍ່​ໂອ-ຊາຍຟອງ ປັດຈຸບັນ ​ແມ່ນ​ໄດ້​ຍຸດ​ເຊົາ, ​ເຮັດ​ໃຫ້​ພົບ​ຄວາມ​ຫຍຸ້ງຍາກ ​ໂດຍ​ສະ​ເພາະ​ໃນ​ຍາມ​ຝົນ, ​ເກີດ​ນ້ຳຖ້ວມ​ອັ່ງຂັງ​ເປັນ​ບວກ​ຕົມ, ​ເຮັດ​ໃຫ້ການ​ສັນຈອນພົບ​ຄວາມຫຍຸ້ງຍາກ​ລຳບາກຫລາຍ.

ທ່ານ ​ຫົວໜ້າພະ​ແນ​ກ ​ໂຍທາ​ທິການ ​ແລະ ຂົນ​ສົ່ງ ນະຄອນຫລວງ​ວຽງຈັນ ​ ​ໃຫ້​ຮູ້​ວ່າ: ສາ​ເຫດ​ຂອງ​ໂຄງການ​ກໍ່ສ້າງ​ເສັ້ນທາງ​ສາມ​ແຍກ ຈິ​ນາຍ​ໂມ້-ບໍ່​ໂອ-ຊາຍ​ຟ​ອງ ບໍ່ສຳ​ເລັດ​ຕາມ​ແຜນການ​ຍ້ອນ ບໍລິສັດ​ຂາດທຶນໝູນວຽນ, ເຊິ່ງສັນຍາ​ກໍ່ສ້າງ​ເບື້ອງຕົ້ນ ​ແມ່ນ ບໍລິສັດ ດວງ​ປະ​ເສີດ ​ເປັນ​ຜູ້​ຮັບ​ເຫມົາ​ ໃນ​ມູນ​ຄ່າ 368 ຕື້ກ່າວ​ກີບ ​ແລະ ຫລັງ​ຈາກ​ບໍລິສັດ​ດັ່ງກ່າວ​ປະຕິບັດ​ວຽກ​ໄລຍະໜຶ່ງ​ເຫັນ​ວ່າ​ຊັກ​ຊ້າ ​ແລະ ບໍ່ມີ​ຄວາມ​ຄືບໜ້າ, ຫ້ອງການ​ລັດຖະບານ ຈຶ່ງ​ໄດ້​ແຈ້ງ​ການ​ເຫັນ​ດີ​ໃຫ້ ນະຄອນຫລວງ​ວຽງຈັນ ​ເຊັຍ​ສັນຍາ​ກັບ ບໍລິສັດ​ ຫາຍ​ຫານ ທຸລະ​ກິດ ຈຳກັດ ຂອງ ສປ ຈີນ ​​ເຂົ້າ​ຮັບ​ເຫມົາ​ກໍ່ສ້າງແທນ ​ແລະ ມາຮອດ​ປັດຈຸບັນໜ້າວຽກສຳ​ເລັດ​ພຽງ 44,42% ​ແລະ ບໍລິສັດ​ໄດ້​ຢຸດ​ວຽກຊົ່ວຄາວ​​ເພື່ອຊອກ​ແຫລ່ງທຶນ​ກັບ​ມາກໍ່ສ້າງ​ໃຫ້​ສຳ​ເລັດ.

- Wave100S AD to Website 2020 0 - ການ​ສັນຈອນ​ເສັ້ນທາງ ບໍ່​ໂອ-ຫາດຊາຍ​ຟອງ ພົບ​ຄວາມ​ຫຍຸ້ງຍາກຫລາຍ
- WhatsApp Image 2020 05 27 at 5 - ການ​ສັນຈອນ​ເສັ້ນທາງ ບໍ່​ໂອ-ຫາດຊາຍ​ຟອງ ພົບ​ຄວາມ​ຫຍຸ້ງຍາກຫລາຍ
- WhatsApp Image 2020 05 27 at 5 - ການ​ສັນຈອນ​ເສັ້ນທາງ ບໍ່​ໂອ-ຫາດຊາຍ​ຟອງ ພົບ​ຄວາມ​ຫຍຸ້ງຍາກຫລາຍ
error: Alert: ເນື້ອຫາຂ່າວມີລິຂະສິດ !!