ມຊ ຊີ້​ແຈງ​ກໍລະນີ​ຜູ້​ສຳ​ປະທານ​ສວຍ​ໂອກາດເກັບ​ ຄ່າ​ຝາກ​ລົດຈັກ​ລາຄາ 5.000 ກີບ ​ໃນ​ມື້ສອບ​ເສັງ​ເຂົ້າ ມຊ

- 40031562 1050803445087274 5195661924116725760 n - ມຊ ຊີ້​ແຈງ​ກໍລະນີ​ຜູ້​ສຳ​ປະທານ​ສວຍ​ໂອກາດເກັບ​ ຄ່າ​ຝາກ​ລົດຈັກ​ລາຄາ 5.000 ກີບ ​ໃນ​ມື້ສອບ​ເສັງ​ເຂົ້າ ມຊ
- Untitled design - ມຊ ຊີ້​ແຈງ​ກໍລະນີ​ຜູ້​ສຳ​ປະທານ​ສວຍ​ໂອກາດເກັບ​ ຄ່າ​ຝາກ​ລົດຈັກ​ລາຄາ 5.000 ກີບ ​ໃນ​ມື້ສອບ​ເສັງ​ເຂົ້າ ມຊ

​ເມື່ອບໍ່​ດົນ​ມາ​ນີ້, ຄະນະ​ນຳ​ມະຫາວິທະຍາ​ໄລ​ແຫ່ງ​ຊາດ​ດົງ​ໂດກ (ມຊ) ນຳ​ໂດຍ​ທ່ານ ສົມ​ສີ ຍໍ​ພັນ​ໄຊ ວ່າການ​ອະທິການ​ບໍດີ​ມະຫາວິທະຍາ​ໄລ​ແຫ່ງ​ຊາດ, ປະທາ​ນການ​ສອບ​ເສັງ​ເຂົ້າມະຫາວິທະຍາ​ໄລ​ແຫ່ງ​ຊາດ ​ໄດ້​ຈັດ​ກອງ​ປະຊຸມ​ປຶກສາ​ຫາລືຊີ້​ແຈງ​ກໍລະນີ​ຜູ້​ສຳ​ປະທານ​ຝາກ​ລົດ​ໃນ​ມະຫາວິທະຍາ​ໄລ​ດັ່ງກ່າວ​ມີ​ພຶດຕິ​ກຳ​ສວຍ​ໂອກາດ​ຂຶ້ນລາຄາ​ຝາກ​ລົດຈັກ​ຈາກ​ປົກກະຕິ 2.000 ມາ​ເປັນ 5.000 ກີບ​ຕໍ່​ຄັນ​ໃນ​ມື້ວັນ​ທີ 25 ສິງຫາ 2018 ​ເຊິ່ງ​ເປັນ​ມື້ສອບ​ເສັງ​ເຂົ້າມະຫາວິທະຍາ​ໄລ​ແຫ່ງ​ຊາດ ແລະ ພາຍຫລັງ​ມີ​ກໍລະນີ​ດັ່ງກ່າວ, ໜັງສືພິມລາວ​ພັດທະນາ ​ໄດ້​ນໍາສະເໜີ​ປາກົດການ​ທີ່​ເກີດ​ຂຶ້ນເຜີຍແຜ່ລົງ​ໃນ​ເຟສບຸກຂອງ​ໜັງສືພິມ ແລະ ​ໄດ້​ມີ​ມວນ​ຊົນ​ຈຳນວນ​ຫລາຍ​ເຂົ້າມາສະ​ແດງ​ຄຳ​ຄິດ​ເຫັນ​ຜ່ານ​ສື່​ອອນ​ລາຍ​ຕໍ່​ການ​ກະທຳທີ່ບໍ່ເໝາະສົມນີ້. ​ເມື່ອ​ເກີດ​ສະພາບ​ດັ່ງກ່າວ, ຄະນະ​ນຳ​ມະຫາວິທະຍາ​ໄລ​ແຫ່ງ​ຊາດ ກໍ​ຄື​ຄະນະ​ຮັບຜິດຊອບ​ການ​ສອບ​ເສັງ​ ໄດ້​ຮີບ​ຮ້ອນ​ລົງ​ກວດກາ​ຈຸດ​ຝາກ​ລົດ​ທັງ​ໝົດ​ໃນ​ຂອບ​ເຂດ ມຊ ​ແລະ ພົບ​ວ່າການກະທໍາດັ່ງກ່າວ​ແມ່ນ​ຜູ້​ສຳ​ປະທານ​ເປັນ​ຜູ້​ສວຍ​ໂອກາດ​ຂຶ້ນ​ໂດຍ​ລຳພັງ​ໃຈ, ຊຶ່ງບໍ່ແມ່ນມະຫາວິທະຍາໄລແຫ່ງຊາດເປັນຜູ້ສັ່ງໃຫ້ປະຕິບັດ, ​ເຊິ່ງ​ໄດ້​ເຫັນດີອະນຸຍາດ​ໃຫ້​ເກັບ​ພຽງ​ແຕ່ 2.000 ກີບ​ຕໍ່​ຄັນ​ເທົ່າ​ນັ້ນ ​ແລະ ​ໄດ້​ສັ່ງ​ໃຫ້​ຜູ້​ສຳ​ປະທານ​ຝາກ​ລົດ​ສົ່ງ​ເງິນທີ່ເກັບເກີນ 3.000 ກີບ​ຄືນ​ໃຫ້​ນັກຮຽນ​ກໍຄືຜູ້ເຂົ້າຝາກລົດທັງໝົດ, ພ້ອມ​ທັງ​ໄດ້​ສຶກສາ​ອົບຮົມ​ຕັກ​ເຕືອນ​​ຜູ້​ປະກອບ​ການ​ຝາກ​ລົດ​ຫ້າມ​ບໍ່​ໃຫ້​ກະທໍາ​ແບບ​ນີ້​ຂຶ້ນອີກ, ​ເຊິ່ງ​ເປັນ​ການ​ສ້າງ​ພາບພົດ​​ບໍ່​ດີ​ໃຫ້​ກັບ​ມະຫາວິທະຍາ​ໄລ​ແຫ່ງ​ຊາດ​ ທີ່​ເປັນ​ສູນ​ກາງ​ການ​ສຶກສາ ​ແລະ ພັດທະນາ​ຊັບພະຍາກອນ​ມະນຸດລະດັບ​​ຊາດ ແລະ ຕໍ່​ເຫດການ​ທີ່​ເກີດ​ຂຶ້ນ ມະຫາວິທະຍາ​ໄລ​​ແຫ່ງ​ຊາດ ​ໄດ້​ມີ​ການ​ກວດກາ​ທຸກ​ພາກສ່ວນ​ກ່ຽວຂ້ອງ​ຢ່າງ​ລະອຽດ ​ແລະ ​ໄດ້​ປະຕິບັດ​ມາດ​ຕະການ​ຕໍ່​ຜູ້​ກະທຳ​ຜິດ​ແລ້ວ ​ແລະ ຮັບປະກັນ​ວ່າ​ເຫດການ​ແບບ​ນີ້​ຈະ​ບໍ່​ເກີດ​ຂຶ້ນອີກ​ໃນ​ຕໍ່ໜ້າ, ​ເຊິ່ງນະ​ໂຍບາຍຂອງ​ມະຫາວິທະຍາ​ໄລ​ແຫ່ງ​ຊາດ​ ຍາມ​ໃດກໍແມ່ນ​ຄຳນຶງ​ເຖິງ​ການ​ຊຸກຍູ້​ສົ່ງ​ເສີມ​ນັກຮຽນ-ນັກ​ສຶກສາ​ໃຫ້​ໄດ້​ຮັບ​ໂອກາດທາງການສຶກສາ ​ເພື່ອ​ແນ​ໃສ່ສ້າງ ແລະ ພັດທະນາຊັບພະຍາກອນ​ມະນຸດ​​ມີ​ຄຸນ​ນະພາ​ບອອກ​ຮັບ​ໃຊ້​ສັງຄົມ.

- Wave100S AD to Website 2020 0 - ມຊ ຊີ້​ແຈງ​ກໍລະນີ​ຜູ້​ສຳ​ປະທານ​ສວຍ​ໂອກາດເກັບ​ ຄ່າ​ຝາກ​ລົດຈັກ​ລາຄາ 5.000 ກີບ ​ໃນ​ມື້ສອບ​ເສັງ​ເຂົ້າ ມຊ
- WhatsApp Image 2020 05 27 at 5 - ມຊ ຊີ້​ແຈງ​ກໍລະນີ​ຜູ້​ສຳ​ປະທານ​ສວຍ​ໂອກາດເກັບ​ ຄ່າ​ຝາກ​ລົດຈັກ​ລາຄາ 5.000 ກີບ ​ໃນ​ມື້ສອບ​ເສັງ​ເຂົ້າ ມຊ
- WhatsApp Image 2020 05 27 at 5 - ມຊ ຊີ້​ແຈງ​ກໍລະນີ​ຜູ້​ສຳ​ປະທານ​ສວຍ​ໂອກາດເກັບ​ ຄ່າ​ຝາກ​ລົດຈັກ​ລາຄາ 5.000 ກີບ ​ໃນ​ມື້ສອບ​ເສັງ​ເຂົ້າ ມຊ
error: Alert: ເນື້ອຫາຂ່າວມີລິຂະສິດ !!