ກອງປະຊຸມຮ່ວມມືຕ້ານການຄ້າ-ຂາຍສັດປ່າ ຂອງບັນດາປະເທດພາກພື້ນລຸ່ມແມ່ນໍ້າຂອງ

- Anti - ກອງປະຊຸມຮ່ວມມືຕ້ານການຄ້າ-ຂາຍສັດປ່າ ຂອງບັນດາປະເທດພາກພື້ນລຸ່ມແມ່ນໍ້າຂອງ
- Untitled design - ກອງປະຊຸມຮ່ວມມືຕ້ານການຄ້າ-ຂາຍສັດປ່າ ຂອງບັນດາປະເທດພາກພື້ນລຸ່ມແມ່ນໍ້າຂອງ

ໃນລະຫວ່າງວັນທີ 30-31 ສິງຫາ ນີ້, ກົມກວດກາປ່າໄມ້ ກະຊວງກະສິກໍາ ແລະ ປ່າໄມ້ ຮ່ວມກັບ ອົງການກອງທຶນອະນຸລັກທຳມະຊາດໂລກ ປະຈໍາລາວ (WWF-Laos) ໄດ້ຈັດກອງປະຊຸມ ເພື່ອວາງແຜນຮ່ວມມືຕ້ານການຄ້າ-ຂາຍສັດປ່າ ທີ່ຜິດກົດໝາຍໃນບັນດາປະເທດພາກພື້ນລຸ່ມແມ່ນໍ້າຂອງ, ຂຶ້ນຢູ່ແຂວງອຸດົມໄຊ. ໂດຍການເປັນປະທານຮ່ວມຂອງທ່ານ ລຽນ ທິແກ້ວ ລັດຖະມົນຕີ ກະຊວງກະສິກໍາ ແລະ ປ່າໄມ້ ແລະ ທ່ານ Francois GUEGAN ຫົວໜ້າອົງການກອງທຶນອະນຸລັກທຳມະຊາດໂລກ ປະຈໍາລາວ ແລະ ມີຜູ້ຕາງໜ້າ ຈາກປະເທດລຸ່ມແມ່ນໍ້າຂອງເຂົ້າຮ່ວມຢ່າງພ້ອມພຽງ.

ເພື່ອທົບທວນຄວາມຄືບໜ້າ ແລະ ຄວາມໝັ້ນໝາຍໃນການຕ້ານ ແລະ ສະກັດກັ້ນການຄ້າ-ຂາຍສັດປ່າຢູ່ໃນຂົງເຂດພາກພື້ນ. ເພາະຜ່ານມາປະເທດລຸ່ມແມ່ນໍ້າຂອງ ມີ: ລາວ, ມ້ຽນມາ, ໄທ, ຫວຽດນາມ ແລະ ຈີນ ຍັງເປັນເຂດທີ່ມີອາດຊະຍະກຳ ຂ້າມຊາດທາງດ້ານປ່າໄມ້ ແລະ ສັດປ່າ ທີ່ຜິດກົດໝາຍຍັງເປັນບັນຫາທ້າທາຍ, ມີທັງຮູບແບບການວາງຂາຍໃນຮ້ານຄ້າ ແລະ ການລັກລອບຄ້າຂາຍ ທີ່ຜິດກົດໝາຍ.

ທ່ານ ລຽນ ທິແກ້ວ ມີຄໍາເຫັນໃນກອງປະຊຸມວ່າ: ໃນໄລຍະຜ່ານມາ ພັກ ແລະລັດຖະບານລາວ ໄດ້ໃຫ້ຄວາມສໍາຄັນໃນການແກ້ໄຂບັນຫາການຕ້ານ ແລະ ສະກັດກັ້ນການຄ້າ-ຂາຍສັດປ່າທີ່ຜິດກົດໝາຍ  ໂດຍອະນຸຍາດໃຫ້ສ້າງຕັ້ງເຄືອຂ່າຍປະສານງານບັງຄັບໃຊ້ກົດໝາຍວ່າດ້ວຍ ສັດນໍ້າ ແລະ ສັດປ່າລະດັບຊາດ ຊຶ່ງປະກອບມີ: ກົມກວດກາປ່າໄມ້, ກົມພາສີ, ກົມຕຳຫຼວດສິ່ງແວດລ້ອມ, ກົມກວດກາລັດ ແລະ ກວດກາທົ່ວໄປຂອງອົງການໄອຍະການປະຊາຊົນສູງສຸດ  ແລະ ວຽກງານບັງຄັບໃຊ້ກົດ

- Wave100S AD to Website 2020 0 - ກອງປະຊຸມຮ່ວມມືຕ້ານການຄ້າ-ຂາຍສັດປ່າ ຂອງບັນດາປະເທດພາກພື້ນລຸ່ມແມ່ນໍ້າຂອງ

ໝາຍດັ່ງກ່າວໃຫ້ມີປະສິດທິຜົນ. ທ່ານ ລັດຖະມົນຕີ ກະຊວງກະສິກໍາ ແລະ ປ່າໄມ້ ຍັງໄດ້ສະເໜີໃຫ້ບັນດາປະເທດສະມາຊິກລຸ່ມແມ່ນໍ້າຂອງ ເປັນເຈົ້າການໃນການຈັດຕັ້ງປະຕິບັດສົນທິສັນຍາສາກົນ ແລະ ສົນທິສັນຍາຕ່າງໆ ຂອງ UN ແລະ ສະເໜີໃຫ້ບັນດາຄູ່ຮ່ວມງານຕ່າງໆ ສືບຕໍ່ໃຫ້ການສະໜັບສະໜູນ, ເປັນຕົ້ນແມ່ນດ້ານງົບປະມານ, ອຸປະກອນຮັບໃຊ້, ເຕັກນິກວິຊາການຕ່າງໆ ເພື່ອເຮັດໃຫ້ວຽກງານຕ້ານ ແລະ ສະກັດກັ້ນການຄ້າ-ຂາຍສັດປ່າ ທີ່ຜິດກົດໝາຍຫຼຸດລົງເທື່ອລະກ້າວ.

- WhatsApp Image 2020 05 27 at 5 - ກອງປະຊຸມຮ່ວມມືຕ້ານການຄ້າ-ຂາຍສັດປ່າ ຂອງບັນດາປະເທດພາກພື້ນລຸ່ມແມ່ນໍ້າຂອງ
- WhatsApp Image 2020 05 27 at 5 - ກອງປະຊຸມຮ່ວມມືຕ້ານການຄ້າ-ຂາຍສັດປ່າ ຂອງບັນດາປະເທດພາກພື້ນລຸ່ມແມ່ນໍ້າຂອງ
error: Alert: ເນື້ອຫາຂ່າວມີລິຂະສິດ !!