ລາວຈະເລັ່ງປະຕິບັດໂຄງການຜະລິດກະສິກຳເປັນສິນຄ້າຢູ່ 5 ແຂວງດ້ວຍຕົ້ນທຶນ 29,3 ລ້ານໂດລາ

- Producing agriculture to Trade - ລາວຈະເລັ່ງປະຕິບັດໂຄງການຜະລິດກະສິກຳເປັນສິນຄ້າຢູ່ 5 ແຂວງດ້ວຍຕົ້ນທຶນ 29,3 ລ້ານໂດລາ
- Untitled design - ລາວຈະເລັ່ງປະຕິບັດໂຄງການຜະລິດກະສິກຳເປັນສິນຄ້າຢູ່ 5 ແຂວງດ້ວຍຕົ້ນທຶນ 29,3 ລ້ານໂດລາ

ໃນວັນທີ 30 ສິງຫາ ນີ້, ກົມແຜນການ ແລະ ການເງິນ ກະຊວງກະສິກໍາ ແລະ ປ່າໄມ້ ໄດ້ຈັດກອງປະຊຸມລິເລີ່ມການປະຕິບັດໂຄງການ ຜະລິດກະສິກຳເປັນສິນຄ້າຢູ່ລາວ, ໂດຍການເປັນປະທານຂອງທ່ານ ພວງປາຣິສັກ ປຣະວົງວຽງຄຳ ຮອງລັດຖະມົນຕີກະຊວງກະສິກຳ ແລະ ປ່າໄມ້ ປະທານຮັບຜິດຊອບໂຄງການດັ່ງກ່າວ, ມີບັນດາທ່ານ ຮອງເຈົ້າແຂວງເປົ້າໝາຍໂຄງການ ແລະ ຫົວໜ້າຫ້ອງການທະນາຄານໂລກ ປະຈຳລາວເຂົ້າຮ່ວມນໍາດ້ວຍ.

ໂຄງການຜະລິດກະສິກຳເປັນສິນຄ້າຢູ່ລາວ ເປັນໜຶ່ງໃນບັນດາໂຄງການບູລິມະສິດທີ່ນອນຢູ່ໃນແຜນການຮ່ວມມືລະຫວ່າງລັດຖະບານ ແລະ ທະນາຄານໂລກໃນແຜນງານການຄໍ້າປະກັນສະບຽງ ແລະ ຜະລິດເປັນສິນຄ້າລະດັບຊາດ, ໃນວົງເງິນ ງົບປະມານທັງໝົດ 29,3 ລ້ານໂດລາສະຫະລັດ, ຊຶ່ງໃນນັ້ນປະກອບມີ: ເງິນກູ້ຢືມຈາກທະນາຄານໂລກ  25 ລ້ານໂດລາ, ທຶນສະໜັບສະໜູນ ຜູູ້ປະກອບການ ແລະ ຊາວນາ 3.8 ລ້ານໂດລາ ແລະ ທຶນສົມທົບເພື່ອແຮໄວ້ທົນແທນການຟືນຟູສ້ອມແປງຄອງເໝືອງ ຫຼືຊົນລະປະທານໄປຖືກດິນຂອງປະຊາຊົນ 5 ແສນໂດລາ, ສ່ວນໄລຍະການຈັດຕັ້ງປະຕິບັດໂຄງການແມ່ນເລີ່ມແຕ່ ປີ 2018 ຫາ 2024.  ຈຸດປະສົງຂອງໂຄງການດັ່ງກ່າວ ແມ່ນເພື່ອຕອບສະໜອງຄວາມຮຽກຮ້ອງຕ້ອງການ ກ່ຽວກັບຫັນການຜະລິດເປັນທັນສະໄໝ ໂດຍນຳໃຊ້ກົນຈັກ ເພື່ອປະຢັດ ຕົ້ນທຶນ ແລະ ໃຫ້ໄດ້ຮັບຜົນຜະລິດສູງມີຄຸນນະພາບ ເຮັດໃຫ້ປະຊາຊົນມີຜົນກຳໄລ ຈາກການຜະລິດ, ການປັບປຸງແນວພັນ, ມາດຕະຖານການຜະລິດທີ່ດີຂອງໂຮງສີ (GMP), ຂອດການສົ່ງເສີມ, ລະບົບກົນຈັກ, ການເກັບກ່ຽວ, ໂຮງອົບ, ສາງ ແລະ ຄຽງຄູກັບການປຸງແຕ່ງ, ການຈັດຕັ້ງລະບົບໂຮງສີ, ການຈັດຕັ້ງການພົວພັນ ການຜະລິດ, ການສຳພັນເສດຖະກິດ ລະຫວ່າງຂົງເຂດ, ການຢັ້ງຢືນມາດຖານຄຸນນະພາບ ໂດຍອີງໃສ່ນະໂຍບາຍຂອງລັດຖະບານ ທີ່ແນໃສ່ການຜະລິດກະສິກຳສະອາດ, ລະບຽບການຕ່າງໆ, ການຫຼຸດຄ່າໄຟຟ້າ ແລະ ປັດໃຈອື່ນໆ. ຊຶ່ງເປົ້າໝາຍກໍເພື່ອບັນລຸ 3 ໂຕຊີ້ວັດຄື: ການຍົກລະດັບການຜະລິດໃນພື້ນທີ່ ທີ່ມີທ່າແຮງຂອງຊາວນາທີ່ຖືກຄັດເລືອກ, ການເພີ່ມຍອດຂາຍຜົນຜະລິດຂອງກຸ່ມຊາວນາ, ເພີ່ມປະສິດທິພາບໃນການປຸງແຕ່ງຂອງຜູ້ປະກອບການທີ່ໄດ້ຮັບການສະໜັບສະໜູນຈາກໂຄງການ ແລະ ໂຄງການດັ່ງກ່າວກວມເອົາ 05 ແຂວງ ຄື: ຄໍາມ່ວນ, ບໍລິຄໍາໄຊ, ນະຄອນຫລວງວຽງຈັນ, ວຽງຈັນ ແລະ ໄຊຍະບູລີ, ຊຶ່ງມີພື້ນທີ່ການຈັດຕັ້ງປະຕິບັດໂຄງການ ປະມານ 30.000 ເຮັກຕາ. ເພື່ອສົ່ງເສີມການຜະລິດສິນຄ້າຄື: ການປູກເຂົ້າ, ພືດຜັກ ແລະ ສາລີ ເປັນຕົ້ນຕໍ ເພື່ອແນໃສ່ສົ່ງເສີມປະຊາຊົນປະມານ 176.000 ກວ່າຄົນ ໃນ 5 ແຂວງດັ່ງກ່າວໄດ້ຮັບຜົນປະໂຫຍດ.

- Wave100S AD to Website 2020 0 - ລາວຈະເລັ່ງປະຕິບັດໂຄງການຜະລິດກະສິກຳເປັນສິນຄ້າຢູ່ 5 ແຂວງດ້ວຍຕົ້ນທຶນ 29,3 ລ້ານໂດລາ
- WhatsApp Image 2020 05 27 at 5 - ລາວຈະເລັ່ງປະຕິບັດໂຄງການຜະລິດກະສິກຳເປັນສິນຄ້າຢູ່ 5 ແຂວງດ້ວຍຕົ້ນທຶນ 29,3 ລ້ານໂດລາ
- WhatsApp Image 2020 05 27 at 5 - ລາວຈະເລັ່ງປະຕິບັດໂຄງການຜະລິດກະສິກຳເປັນສິນຄ້າຢູ່ 5 ແຂວງດ້ວຍຕົ້ນທຶນ 29,3 ລ້ານໂດລາ
error: Alert: ເນື້ອຫາຂ່າວມີລິຂະສິດ !!