ອາການຟ້ອງວ່າໝາກໄຂ່ຫລັງຂອງທ່ານເຮັດວຽກບໍ່ໄຫວແລ້ວ

- advert banner 728 90 728x90 - ອາການຟ້ອງວ່າໝາກໄຂ່ຫລັງຂອງທ່ານເຮັດວຽກບໍ່ໄຫວແລ້ວ
  1. ບັນຫາເລື່ອງການນອນ : ຫາກໝາກໄຂ່ຫລັງບໍ່ສາມາດເຮັດວຽກໄດ້ຕາມປົກກະຕິ ໂດຍການໄລ່ສານພິດຕ່າງໆອອກທາງນຳ້ຍ່ຽວ, ແຕ່ຍັງຄັ່ງຄ້າງຢູ່ຕາມເສັ້ນເລືອດໃນຮ່າງກາຍ ເມື່ອສານພິດມີຫລາຍຂຶ້ນ ຈະເຮັດໃຫ້ທ່ານນອນຫລັບຍາກ ນີ້ຈຶ່ງເປັນສາເຫດເຮັດໃຫ້ໝາກໄຂ່ຫລັງເຮັດວຽກໜ້ອຍລົງ ເມື່ອທ່ານນອນຫລັກພັກຜ່ອນບໍ່ພຽງພໍ.

ຄົນເປັນພະຍາດໝາກໄຂ່ຫລັງຊຳ້ເຮື້ອາດມີອາການຢຸດຫາຍໃຈຂະນະນອນຫລັບ, ການຢຸດພັກຫາຍໃຈຢ່າງໜ້ອຍ 1 ເທື່ອ ແລະ ຈະຢຸດອີກໜ້ອຍໜຶ່ງເປັນເວລາ 1 ນາທີຫລັງຈາກຢຸດພັກແຕ່ລະເທື່ອ ຈະເຮັດໃຫ້ເກີດການນອນໂກນສຽງດັງ. ດັ່ງນັ້ນ ຫາກທ່ານມັກມີອາການແບບນີ້ຄວນໄປໂຮງໝໍ.

  1. ເຈັບຫົວຕະຫລອດ, ເມື່ອຍງ່າຍ, ຮ່າງກາຍບໍ່ມີແຮງ : ໝາກໄຂ່ຫລັງທີ່ແຂງແຮງຈະປ່ຽນວິຕາມິນເດໃຫ້ເປັນກະດູກທີ່ແຂງແຮງ ແລະ ຜະລິດຮໍໂມນ Erythroprietin (EPO) ຊ່ວຍໃນການສ້າງເມັດເລືອດແດງ. ເມື່ອໝາກໄຂ່ຫລັງບໍ່ເຮັດວຽກຢ່າງຖືກຕ້ອງ ການຫລັງ (EPO) ກໍຈະຫລຸດລົງ, ແຊນເມັດເລືອດແດງທີ່ຮັບຜິດຊອບໃນການພົກພາອົກຊີແຊນກໍຈະຫລຸດລົງນຳ ເຮັດໃຫ້ເກີດຄວາມອິດເມື່ອຍກ້າມຊີ້ນ ແລະ ສະໝອງຢ່າງໄວວາ.

ອາການເລືອດຈາງເປັນອາການທີ່ພົບໄດ້ຫລາຍທີ່ສຸດໃນຄົນປ່ວຍພະຍາດໝາກໄຂ່ຫລັງຊຳ້ເຮື້ອ ແລະ ອາດເກີີດອາການເລືອດຈາງ ການເຮັດວຽກຂອງໝາກໄຂ່ຫລັງກໍຈະເຫລືອພຽງ 20% ຫລື 50% ເທົ່ານັ້ນ, ແຕ່ຖ້າຫາກທ່ານນອນຫລັບຢ່າງພຽງພໍ ແຕ່ຍັງຮູ້ສຶກອິດເມື່ອຍອ່ອນເພຍອ່ອນແອຢູ່ ທ່ານຄວນໄປໂຮງໝໍທັນທີ.

  1. ຜິວໜັງມີອາການຄັນ, ແຫ້ງ : ໝາກໄຂ່ຫລັງທີ່ແຂງແຮງຈະຊ່ວຍກຳຈັດຂອງເສຍ ແລະ ຂອງແຫລວສ່ວນເກີນອອກຈາກ ກະແສເລືອດ ແລະ ຊ່ວຍສ້າງແຊນເມັດເລືອດແດງ ແລະ ຮັກສາຄວາມດຸ່ນດ່ຽງຂອງແຮ່ທາດໃນຮ່າງກາຍ, ຖ້າຜິວຂອງທ່ານມັກມີອາການແຫ້ງ – ຄັນ ອາດເປັນຍ້ອນໝາກໄຂ່ຫລັງບໍ່ສາມາດຮັກສາຄວາມດຸ່ນດ່ຽງຂອງແຮ່ທາດໄດ້ ອາດສົ່ງຜົນຮ້າຍແຮງນຳໄປສູ່ພະຍາດກະດູກ ແລະ ພະຍາດໝາກໄຂ່ຫລັງໄດ້.

ຖ້າຜິວຂອງທ່ານແຫ້ງ ແລະ ຄັນທັນທີໃຫ້ລອງດື່ມນຳ້ຫລາຍໆ ແລະ ປະຕິບັດຕາມຄຳແນະນຳຂອງແພດ.

  1. ມີກິ່ນປາກ ຫລື ປາກທີ່ມີລົດຊາດໂລຫະ : ເມື່ອຂອງເສຍເຂົ້າໄປອັດຕັນໃນເລືອດ ສົ່ງຜົນໃຫ້ສາມາດປ່ຽນລົດຊາດຂອງອາ ຫານ ແລະ ເຮັດໃຫ້ປາກມີລົດຊາດໂລຫະໄດ້. ຫາກມີສານພິດ ຫລື ຂອງເສຍໃນເລືອດຫລາຍເກີນໄປກໍເປັນອີກສາເຫດໜຶ່ງທີ່ເຮັດໃຫ້ເກີດກິ່ນປາກ ຄົນປ່ວຍຄົນຫລາຍມັກຮູ້ສຶກເບື່ອອາຫານ ແລະ ເຮັດໃຫ້ນຳ້ໜັກຫລຸດລົງ.

ແຕ່ຖ້າທ່ານໄດ້ຮັບການປິ່ນປົວແລ້ວ ຍັງມີລົດຊາດໂລຫະໃນປາກຢູ່ອີກ ແນະນຳໃຫ້ໄປໂຮງໝໍເພື່ອຫາສາເຫດທີ່ແທ້ຈິງຕື່ມອີກ.

- 1 1 - ອາການຟ້ອງວ່າໝາກໄຂ່ຫລັງຂອງທ່ານເຮັດວຽກບໍ່ໄຫວແລ້ວ
- lattana 1 - ອາການຟ້ອງວ່າໝາກໄຂ່ຫລັງຂອງທ່ານເຮັດວຽກບໍ່ໄຫວແລ້ວ
  1. ຫາຍໃຈຖີ່ : ເມື່ອລະບົບການເຮັດວຽກຂອງໝາກໄຂ່ຫລັງຜິດປົກກະຕິ ນຳ້ສ່ວນເກີນໃນຮ່າງກາຍກໍຈະເຂົ້າສູ່ປອດ, ໃນຂະນະດຽວກັນ ພະຍາດເລືອດຈາງກໍຈະໃຊ້ອົກຊີແຊນໃນຮ່າງກາຍໄປໝົດ ເຮັດໃຫ້ຫາຍໃຈລຳບາກໄດ້. ແນວໃດກໍຕາມ, ຄວາມລົ້ມເຫລວຂອງໝາກໄຂ່ຫລັງວາຍ, ພະຍາດມະເຮັງປອດ ຫລື ຫົວໃຈລົ້ມເຫລວ ອາດເຮັດໃຫ້ຫາຍໃຈຖີ່ໄດ້ ຫາກທ່ານມັກຫາຍໃຈບໍ່ອອກ ຄວນໄປໂຮງໝໍ.
  2. ມື, ຕີນ ແລະ ຂໍ້ຕີນບວມ : ຄົນເປັນພະຍາດໝາກໄຂ່ຫລັງບໍ່ສາມາດຖ່າຍເທຂອງແຫລວສ່ວນເກີນໃນຮ່າງກາຍໄດ້ ເຮັດໃຫ້ໂຊດຽມຍັງຄົງຕົກຄ້າງຢູ່ໃນຮ່າງກາຍ ເຮັດໃຫ້ເກີດອາການບວມຢູ່ມື, ຕີນ ແລະ ຂໍ້ຕີນ. ອາການບວມຢູ່ພາກສ່ວນລຸ່ມຂອງຮ່າງກາຍອາດເກີດຈາກພະຍາດຫົວໃຈ, ຕັບ ຫລື ເສັ້ນເລືອດຂອດໄດ້. ບາງເທື່ອຢາສາມາດຫລຸດລະດັບເກືອ ແລະ ລ້າງຂອງແຫລວສ່ວນເກີນໃນຮ່າງກາຍໄດ້ ຫາກບໍ່ເກີດປະໂຫຍດຄວນໄປໂຮງໝໍໂດຍໄວ.
  3. ປວດຫລັງ : ຄວາມລົ້ມເຫລວຂອງໝາກໄຂ່ຫລັງອາດເຮັດໃຫ້ເກີດອາການປວດຢູ່ບໍລິເວນຂາໜີບ ຫລື ກະໂພກ, ອາການປວດຫລັງ ແລະ ອາການປວດຂາອາດເກີດຈາກຖົງນຳ້ໃນໝາກໄຂ່ຫລັງ ສ່ວນຫລາຍເກີດຢູ່ເທິງຜິວໜັງຂອງໝາກໄຂ່ຫລັງມີ ຕຸ່ມນຳ້ເກີດຂຶ້ນ, ທາງໃນມີຂອງແຫລວ. ສະນັ້ນ ຫາກທ່ານມີອາການປວດຫລັງທີ່ເກີດຈາກຄວາມຜິດປົກກະຕິຂອງໝາກໄຂ່ຫລັງຈະມາພ້ອມກັບອາການວິນຫົວປວດຮາກ, ອຸນຫະພູມຮ່າງກາຍສູງ ແລະ ຍ່ຽວຕະຫລອດ. ເມື່ອທ່ານປວດຫລັງ ກິນຢາແກ້ປວດກໍບໍ່ໄດ້ຜົນ ໃຫ້ຟ້າວໄປໂຮງໝໍເພື່ອກວດຮ່າງກາຍ.
  4. ຕາບວມ : ຫາກການເຮັດວຽກຂອງໝາກໄຂ່ຫລັງໄດ້ຮັບຜົນກະທົບ ຈະເຮັດໃຫ້ເກີດໂປຣຕິນໃນນຳ້ຍ່ຽວ ມີຜົນຂ້າງຄຽງຄືມີອາການບວມນຳ້ໃນດວງຕາ ສະແດງເຖິງຄວາມສາມາດຂອງໝາກໄຂ່ຫລັງທີ່ບໍ່ສາມາດເກັບ ແລະ ກະຈາຍໂປຣຕິນພາຍໃນ ຮ່າງກາຍ ເຮັດໃຫ້ໂປຣຕິນໄຫລເຂົ້າສູ່ພົກຍ່ຽວ.

ຫາກທ່ານມີການພັກຜ່ອນຢ່າງພຽງພໍ ແລະ ຍັງມີການເສີມໂປຣຕິນ ແຕ່ຍັງມີບັນຫາເລື່ອງເປືອກຕາບວມ ທ່ານຄວນໄປໂຮງໝໍ.

  1. ຄວາມດັນເລືອດສູງ : ລະບົບໄຫລວຽນເລືອດຂອງມະນຸດ ແລະ ໝາກໄຂ່ຫລັງມີການເຊື່ອມກັນຢ່າງໃກ້ຊິດ ແຍກຈາກກັນບໍ່ໄດ້. ໝາກໄຂ່ຫລັງມີຄວາມສາມາດໃນການກັ່ນຕອງຂອງເສຍ ແລະ ຂອງແຫລວສ່ວນເກີນອອກຈາກເລືອດໄດ້ ຫາກເລືອດເສຍຫາຍ ໝາກໄຂ່ຫລັງກໍຈະບໍ່ສາມາດຮັບສານອາຫານ ແລະ ອົກຊີແຊນທີ່ພຽງພໍໄດ້ ເຊິ່ງນີ້ເປັນສາເຫດຕົ້ນຕໍທີ່ເຮັດໃຫ້ມີຄວາມດັນເລືອດສູງກໍ່ເກີດອາການໝາກໄຂ່ຫວັງວາຍ.

ຂໍແນະນຳໃຫ້ກິນອາຫານທີ່ມີກົດໂຟລິກເພື່ອຊ່ວຍໃນການກໍ່ໂຕຂອງເມັດເລືອດແດງ ເຊິ່ງຈະຊ່ວຍປ້ອງກັນອາການເລືອດຈາງ ແລະ ຄວາມດັນເລືອດສູງໄດ້.

  1. ການປ່ຽນແປງຂອງນຳ້ຍ່ຽວ : ໝາກໄຂ່ຫລັງມີໜ້າທີ່ໃນການຜະລິດນຳ້ຍ່ຽວ ແລະ ກຳຈັດຂອງເສຍ ດັ່ງນັ້ນ ຄວນສັງເກດກິ່ນ, ສີ ແລະ ລັກສະນະຂອງນຳ້ຍ່ຽວ ລວມທັງຄວາມຖີ່ໃນການຖ່າຍເບົາ ໂດຍສະເພາະໃນຕອນກາງຄືນ ແລະ ຫາກທ່ານພົບເລືອດໃນນຳ້ຍ່ຽວ ທ່ານຄວນໄປໂຮງໝໍທັນທີ ເພາະໝາກໄຂ່ຫລັງເສຍຫາຍ ແຊນເມັດເລືອດແດງຈຶ່ງເຂົ້າສູ່ນຳ້ຍ່ຽວ.

ສຸດທ້າຍ ໂປຣຕິນໃນນຳ້ຍ່ຽວເປັນສັນຍານຄວາມຜິດປົກກະຕິຂອງໝາກໄຂ່ຫລັງ ຖ້າຕ້ອງກົດຊັກໂຄກຫລາຍເທື່ອຈຶ່ງຈະລ້າງຟອງນຳ້ຍ່ຽວໃຫ້ຫາຍໄປ ນັ້ນສະແດງວ່າມີໂປຣຕິນທີ່ບໍ່ເພິງປະສົງຫລາຍເກີນໄປໃນຮ່າງກາຍ.

error: Content is protected !!