ເຊົາອວດ 10 ຢ່າງນີ້ ແລ້ວຊີວິດທ່ານຈະດີຂຶ້ນ

- 010308 2018 - ເຊົາອວດ 10 ຢ່າງນີ້ ແລ້ວຊີວິດທ່ານຈະດີຂຶ້ນ
- Untitled design - ເຊົາອວດ 10 ຢ່າງນີ້ ແລ້ວຊີວິດທ່ານຈະດີຂຶ້ນ
  1. ຢ່າອວດສະຫລາດ : ຄົນສະຫລາດແທ້ຈະບໍ່ເວົ້າໂອ້ອວດ, ຟັງຫລາຍກ່ວາເວົ້າ, ຈະບໍ່ອວດສະຫລາດໃຫ້ເບິ່ງຄືໂງ່ ແຕ່ຈະເຮັດທຳທ່າໂງ່ເພື່ອໃຫ້ເບິ່ງສະຫລາດ ແລະ ບໍ່ມັກເຮັດໃຫ້ຄົນອື່ນຢ້ານລື່ນ.
  2. ຢ່າອວດຮູ້ : ຖ້າບໍ່ຮູ້ ຢ່າບອກວ່າຮູ້ເພື່ອໃຫ້ເບິ່ງຄືວ່າເກັ່ງ ເພາະສຸດທ້າຍຈະກາຍເປັນໂງ່, ບໍ່ເສຍຫາຍຫຍັງທີ່ຄົນອື່ນຈະຮູ້ກ່ວາເຮົາ ໃຫ້ເບິ່ງໃນທາງບວກຄື ເຮົາສາມາດສວຍໂອກາດເພື່ອຮຽນຮູ້ຈາກຄົນອື່ນ.
  3. ຢ່າອວດເກັ່ງ : ເຮົາບໍ່ແມ່ນຄົນເກັ່ງທີ່ສຸດໃນໂລກ ມີຄົນເກັ່ງກ່ວາເຮົາ ຕ້ອງຍອມຮັບ, ມີຄົນບໍ່ເກັ່ງທີ່ອິດສາເຮົາ ຕ້ອງລະວັງ, ຖ້າອວດເກັ່ງຈະບໍ່ພັດທະນາ ແລະ ຈະບໍ່ມີບ່ອນຢືນ.
  4. ຢ່າອວດດີ : ຄົນອວດດີ ຫລື ໂອ້ອວດທໍລະນົງໂຕ ບໍ່ມີໃຜຢາກຊ່ວຍເຫລືອ, ເວລາລຳບາກຈະບໍ່ມີໃຜສົນໃຈ. ດັ່ງນັ້ນຕ້ອງຮູ້ຈັກອ່ອນນ້ອມຖ່ອມຕົນ, ປະເມີນຄ່າໂຕເອງສູງ ແຕ່ສະແດງໂຕຕໍ່າກ່ວາທີ່ເປັນຢູ່ສະເໝີ.
  5. ຢ່າອວດເດັ່ນ : ເຖິງເຮົາຮູ້ສຶກເໜືອກ່ວາໃຜ ກໍບໍ່ມີໃຜຢາກຮູ້ສຶກດ້ອຍກ່ວາເຮົາ, ຖ້າຮູ້ໂຕວ່າເດັ່ນ ໃຫ້ຍົກຍ່ອງຄົນອື່ນໃຫ້ເຂົາຮູ້ສຶກເທົ່າທຽມ, ບໍ່ນ້ອຍໜ້າ ແລະ ຢ່າຊີງດີຊີງເດັ່ນກັບໃຜ.
  6. ຢ່າອວດຜົນງານ : ຜົນງານດີບໍ່ຕ້ອງໂອ້ອວດ ຄົນຈະເບິ່ງເຫັນ ແລະ ຍ້ອງຍໍເອງ, ເວົ້າເຖິງຜົນງານໂຕເອງຢ່າງພູມໃຈໄດ້ ແຕ່ຢ່າພະຍາຍາມເໜືອຄົນອື່ນດ້ວຍການວິພາກວິຈານຜົນງານຂອງຄົນອື່ນ.
  7. ຢ່າອວດລວຍ : ຄົນຮັ່ງມີບໍ່ເຄີຍຕ້ອງແລ່ນວຸ້ນວາຍເພື່ອເຮັດຫຍັງອວດໃຜ, ຄົນບໍ່ມີຕ້ອງດິ້ນຮົນຊອກນັ້ນຊອກນີ້ມາອວດຄົນ ອື່ນ, ເຖິງຈະລວຍ ແລ້ວອວດລວຍ ກໍໝົດໂຕໄດ້ຄືກັນ, ຍິ່ງທຸກແລ້ວອວດລວຍ ຊີວິດຍິ່ງຈະບໍ່ມີຫຍັງເລີຍໄປຕະຫລອດ.
  8. ຢ່າອວດສຳເລັດ : ຊີວິດຄົນເຮົາມີຂຶ້ນ – ມີລົງ, ຍາມຂຶ້ນຢ່າຫລົງລະເລີງ ຍາມລົງຈະໄດ້ບໍ່ຖືກຊຳ້ເຕີມ, ຍິ່ງສຳເລັດຍິ່ງຕ້ອງຖ່ອມໂຕ ຈຶ່ງຈະມີຄົນຮັກ ແລະ ເອົາເປັນແບບຢ່າງ.
  9. ຢ່າອວດຄວາມສຸກ : ຄົນມີຄວາມສຸກແທ້ບໍ່ຕ້ອງເລາະອວດໃຜໆວ່າມີຄວາມສຸກ, ຖ້າມີຄວາມສຸກງຽບໆບໍ່ໄດ້ ຕ້ອງສະແດງໃຫ້ຄົນອື່ນຮູ້ວ່າຊີວິດສົມບູນແບບຊໍ່າໃດ ນັ້ນບໍ່ແມ່ນຄົນມີຄວາມສຸກ ແຕ່ແມ່ນຄົນມີປົມດ້ອຍ.
  10. ຢ່າອວດຄວາມລັບ : ບໍ່ວ່າຈະຮູ້ຈັກໃຜ ກໍຮູ້ໜ້າບໍ່ຮູ້ໃຈ, ຢ່າໄປເລາະບອກຄວາມລັບກັບໃຜຍ້ອນເກັບຄວາມລັບໄວ້ບໍ່ຢູ່, ຫາຄົນທີ່ໄວ້ໃຈໄດ້ບໍ່ເທົ່າໃດຄົນໃນຊີວິດ ແລະ ເກັບຄວາມລັບໄວ້ກັບພວກເຂົາເທົ່ານັ້ນ.
- WhatsApp Image 2020 05 27 at 5 - ເຊົາອວດ 10 ຢ່າງນີ້ ແລ້ວຊີວິດທ່ານຈະດີຂຶ້ນ
- WhatsApp Image 2020 05 27 at 5 - ເຊົາອວດ 10 ຢ່າງນີ້ ແລ້ວຊີວິດທ່ານຈະດີຂຶ້ນ
- Wave100S AD to Website 2020 0 - ເຊົາອວດ 10 ຢ່າງນີ້ ແລ້ວຊີວິດທ່ານຈະດີຂຶ້ນ
error: Alert: ເນື້ອຫາຂ່າວມີລິຂະສິດ !!