ຈີນບລ໊ອກເວັບ ABC ຂອງອົດສະຕຣາລີ

- advert banner 728 90 728x90 - ຈີນບລ໊ອກເວັບ ABC ຂອງອົດສະຕຣາລີ

ບໍລິສັດ​ກະຈາຍສຽງ​ອົດ​ສະຕຣາລີ (ABC) ລາຍ​ງານ​ວ່າ: ຈີນ​ໄດ້​ປິດ​ກັ້ນການ​ເຂົ້າ​ເວັບ​ໄຊ ABC ​ໂດຍ​ອ້າງ​ວ່າ: ABC ລະ​ເມີດ​ລະບຽບ​ອິນ​ເຕີ​ເນັດ​ຂອງ​ຈີນ.

ABC ລາຍ​ງານ​ວ່າ: ​ເລີ່​ມ​ໃຫ້​ບໍລິການ​ພາກ​ພາສາ​ຈີນ​​ເມື່ອ​ໜຶ່ງ​ປີ​ກ່ອນ, ​ແຕ່​ໃນ​ວັນ​ທີ 22 ສິງຫາ​ຜ່ານ​ມາ ​ເວັບ​ໄຊ ​ແລະ ​ແອບ​ພລິ​ເຄຊັນ​ຂອງ ABC ຖືກ​ປິດ​ກັ້ນ​ໃນ​ຈີນ, ທາງ​ບໍລິສັດ​ຈຶ່ງ​ໄດ້​ຕິດ​ຕໍ່​ຂໍ​ຄຳ​ຊີ້​ແຈງ​ມາ​ໂດຍ​ຕະຫລອດ ຈົນກະທັ້ງ​ເຈົ້າໜ້າ​ທີ່​ສຳນັກງານ​ຄະນະ​ກຳມະການ​ກິດຈະການ​ໄຊ​ເບີ​ກາງຂອງ​ຈີນ ສົ່ງ​ຄຳ​ຖະ​ແຫລ​ງມາ​ວ່າ: ຈີນ​ຕ້ອນຮັບ​ຜູ້​ປະກອບ​ການ​ອິນ​ເຕີ​ເນັດ​ຈາກ​ທົ່ວ​ໂລກ​ທີ່​ໃຫ້​ຂໍ້​ມູນ​ທີ່​ດີ​ແກ່​ນັກ​ຫລິ້ນ​ເນັດ​ຊາວ​ຈີນ, ​ແຕ່​ສິດ​ອະທິປະ​ໄຕ​ໄຊ​ເບີ​ຂອງ​ລັດ​ຄວນ​ໄດ້​ຮັບ​ການ​ປົກ​ປ້ອງ​ຈາກ​ເວັບ​ໄຊ​ຕ່າງປະ​ເທດ​ບາງ​ແຫ່ງທີ່​ລະ​ເມີດ​ກົດໝາຍ ​ແລະ ລະບຽບ​ຂອງ​ຈີນ, ​ເວັບ​ໄຊ​ເຫລົ່າ​ນີ້​ເຜີຍ​ແຜ່​ຂ່າວ​ລື, ຂໍ້​ມູນ​ອານາ​ຈານ, ການ​ພະນັນ, ການ​ກໍ່​ການ​ຮ້າຍ ​ແລະ ຂໍ້​ມູນ​ຜິດ​ກົດໝາຍ​ທີ່​ຈະ​ເປັນ​ອັນຕະລາຍ​ຕໍ່​ຄວາມ​ໝັ້ນຄົງ​ຂອງ​ລັດ ​ແລະ ກຽດ​ສັກ​ສີ​ຂອງ​ປະ​ເທດ. ABC ​ເປີດ​ເຜີຍ​ວ່າ: ຄຳ​ຖະ​ແຫລ​ງດັ່ງກ່າວ​ບໍ່​ໄດ້​ລະບຸ​ວ່າ: ABC ລະ​ເມີດ​ກົດໝາຍ​ໃດ ຫລື ​ເນື້ອ​ໃນ​ບ່ອນ​ໃດ​ທີ່​ເຮັດ​ໃຫ້​ຖືກ​ປິດ​ກັ້ນ.

- 1 1 - ຈີນບລ໊ອກເວັບ ABC ຂອງອົດສະຕຣາລີ
- Tiger Head 728x90 - ຈີນບລ໊ອກເວັບ ABC ຂອງອົດສະຕຣາລີ

ການ​ພົວພັນ ຈີນ-ອົດ​ສະຕຣາລີ ​ຫລຸດ​ຖອຍ​ລົງ​ນັບ​ແຕ່ ອົດ​ສະຕຣາລີ ກ່າວ​ຫາ ຈີນ ວ່າ: ​ແຊກ​ແຊງ​ການ​ເມືອງ​ພາຍ​ໃນ ​ແລະ ​ໃຊ້​ເງິນ​ບໍລິຈາກ​ເປັນ​ຊ່ອງ​ທາງ​ເຂົ້າ​ເຖິງ​ການ​ເມືອງ​ພາຍ​ໃນ​ຂອງ​ຈີນ, ຈີນ​ປະຕິ​ເສດ​ຕໍ່​ຄຳ​ກ່າວ​ຫາ​ດັ່ງກ່າວ ທີ່​ສື່​ອົດ​ສະຕຣາລີລາ​ຍງານ, ໜຶ່ງ​ໃນ​ນັ້ນມີ ABC ລວມຢູ່​ນຳ.

error: Content is protected !!