ມາເລເຊຍ-ສິງກະໂປ ຕົກລົງເລື່ອນໂຄງການ ລົດໄຟຄວາມໄວສູງອອກໄປ 2 ປີ

- advert banner 728 90 728x90 - ມາເລເຊຍ-ສິງກະໂປ ຕົກລົງເລື່ອນໂຄງການ ລົດໄຟຄວາມໄວສູງອອກໄປ 2 ປີ

ມາ​ເລ​ເຊຍຕົກລົງ​ກັບ​ສິງກະ​ໂປ​ວ່າ​ຈະ​ເລື່ອນ​ໂຄງການ​ລົດ​ໄຟ​ຄວາມ​ໄວ​ສູງ​ເຊື່ອມ​ນະຄອນຫລວງ​ກົວ​ລາ​ລຳ​ເປີ​ກັບ​ສິງກະ​ໂປ​ອອກ​ໄປ​ອີກ 2 ປີ ຈາກ​ທີ່​ທ່ານ ມະຫາ​ເທ ​ໂມ​ຮຳ​ໝັດ ປະກາດ​ຫລັງ​ຊະນະ​ເລືອກ​ຕັ້ງວ່າ​ຕ້ອງການ​ຍົກ​ເລີກ​ໂຄງການ​ນີ້.

ດິ​ເອດ ວາລະສານ​ທຸລະ​ກິດ​ລາຍ​ສັບປະດາ​ຂອງ​ມາ​ເລ​ເຊຍ ລາຍ​ງານ​ໃນ​ວັນ​ທີ 1 ກັນຍາ ອ້າງ​ແຫ​ລ່ງຂ່າວ​ທີ່​ຢືນຢັນ​ວ່າ: ທັງ​ສອງ​ປະ​ເທດ​ຕົກລົງ​ເລື່ອນ​ໂຄງການ​ດັ່ງກ່າວ​ອອກ​ໄປ​ເປັນ​ວັນ​ທີ 31 ພຶດສະພາ 2020 ​ໂດຍ​ບໍ່​ມີ​ການ​ຄິດ​ຄ່າ​ປັບ​ໄໝ​ແຕ່​ຢ່າງ​ໃດ ​ເພື່ອ​ໃຫ້​ມາ​ເລ​ເຊຍ​ມີ​ເວລາ​ທົບ​ທວນ​ຖານະ​ການ​ເງິນ. ຫລ້າ​ສຸດ ທ່ານ ​ໂມ​ຮຳ​ເໝັດ ອັດ​ມິນ ອາລີ ລັດຖະມົນຕີ​ເສດຖະກິດ​ມາ​ເລ​ເຊຍ ຕອບ​ຂໍ້​ຊັກ​ຖາມ​ສື່​ມວນ​ຊົນ​ໃນ​ວັນ​ທີ 3 ກັນຍາ ຢືນຢັນ​ວ່າ: ທັງ​ສອງ​ຝ່າຍ​ຕົກລົງ​ເລື່ອນ​ໄປ​ເປັນ​ໄລຍະ​ເວລາ​ທີ່​ສົມ​ເຫດ​ສົມ​ຜົນ ​ໂດຍ​ບໍ່​ຄິດ​ຄ່າ​ປັບ​ໄໝ ​ແລະ ຈະ​ຊີ້​ແຈງ​ລາຍ​ລະອຽດ​ຢ່າງຈະ​ແຈ້ງ​ທັນທີ​ທີ່​ມີ​ການ​ລົງ​ນາມ​ຂໍ້​ຕົກລົງ. ມາ​ເລ​ເຊຍ​ຕ້ອງການ​ເດີນ​ໜ້າ​ໂຄງການ​ລົດ​ໄຟ​ຄວາມ​ໄວ​ສູງ ​ເພາະ​ຈະ​ນຳ​ປະ​ໂຫຍ​ດ​ໃຫ້​ທັງ​ສອງ​ປະ​ເທດ, ​ແຕ່​ໃນ​ລະຫວ່າງ​ທີ່​ເລື່ອນ​ອອກ​ໄປ​ນີ້ ມາ​ເລ​ເຊຍ​ຈະ​ຫາລື​ເລື່ອງ​ຫາ​ທາງ​ຫລຸດ​ຄ່າ​ໃຊ້​ຈ່າຍ​ເອງ.

- lattana 1 - ມາເລເຊຍ-ສິງກະໂປ ຕົກລົງເລື່ອນໂຄງການ ລົດໄຟຄວາມໄວສູງອອກໄປ 2 ປີ
- 1 1 - ມາເລເຊຍ-ສິງກະໂປ ຕົກລົງເລື່ອນໂຄງການ ລົດໄຟຄວາມໄວສູງອອກໄປ 2 ປີ

ທ່ານ ມະຫາ​ເທ ​ເປີດ​ເຜີຍ​ຫລັງ​ຊະນະ​ເລືອກ​ຕັ້ງ​ໃນ​ເດືອນ​ພຶດສະພາວ່າ: ຢາກ​ຍົກ​ເລີກ​ໂຄງການ​ນີ້​ທີ່​ໄດ້​ຮັບ​ການ​ອະນຸມັດ​ໂດຍ​ລັດຖະບານ​ທ່ານ ນາ​ຈິບ ຣາຊັກ, ​ແຕ່​ໄດ້​ອ່ອນ​ທ່າ​ທີ​ລົງ ​ໂດຍ​ກ່າວ​ວ່າ: ຈະ​ຫາ​ທາງ​ເຈລະຈາ​ເລື່ອນ​ໂຄງການ ​ເພື່ອ​ຫລຸດ​ພາລະ​ຄ່າ​ຊົດ​ເຊີຍ​ພາຍຫລັງ​ສິງກະ​ໂປ​ແຈ້ງ​ໃນ​ເດືອນ​ກໍລະກົດ​ວ່າ: ຕ້ອງການ​ເງິນ​ຊົດ​ເຊີຍ​ຄ່າ​ໃຊ້​ຈ່າຍ 250 ລ້ານ​ກວ່າ​ໂດ​ລາ​ສະຫະລັດ ທີ່​ເກີດ​ຂຶ້ນ​ໄປ​ແລ້ວ ຖ້າ​ມາ​ເລ​ເຊຍ​ຍົກ​ເລີກ​ໂຄງການ.

error: Content is protected !!