ເງິນເຟີ້ຢູ່ຕວກກີເພີ່ມສູງສຸດ ໃນຮອບ 15 ປີເດືອນສິງຫາ

- advert banner 728 90 728x90 - ເງິນເຟີ້ຢູ່ຕວກກີເພີ່ມສູງສຸດ ໃນຮອບ 15 ປີເດືອນສິງຫາ

ສຳນັກງານ​ສະຖິຕິ​ແຫ່ງ​ຊາດ​ຕວກກີລາ​ຍງານ​ໃນ​ວັນ​ທີ 3 ກັນຍາ​ວ່າ: ອັດຕາ​ເງິນ​ເຟີ້​ໃນ​ຕວກກີ​ເພີ່ມ​ຂຶ້ນອີກ​ໃນ​ເດືອນ​ສິງຫາ​ເກືອບ​ເຖິງ 18% ຖື​ເປ​ັນສະຖິຕິ​ສູງ​ສຸດ​ເປັນ​ປະຫວັດສາດ​ນັບ​ແຕ່​ທ້າຍ​ປີ 2013 ​ແລະ ຫລັງ​ຈາກ​ທີ່​ເງິນ​ລີຣາຂອງ​ຕວກກີ​ອ່ອນ​ຄ່າ​ລົງ​ເມື່ອ​ທຽບ​ໃສ່​ໂດ​ລາ​ສະຫະລັດ​ໃນ​ເດືອນ​ສິງຫາ​ຜ່ານ​ມາ.

ສຳນັກງານ​ສະຖິຕິ​ຕວກກີ ລາຍ​ງານ​ວ່າ: ດັດຊະນີ​ຜູ້​ບໍລິ​ໂພ​ກປັບ​ຂຶ້ນ 17,9% ​ໃນ​ເດືອນ​ສິງຫາຈາກ​ເດືອນ​ດຽວ​ກັນ​ໃນ​ປີຜ່ານມາ, ​ເພີ່ມ​ຂຶ້ນ 15,85% ຈາກ​ເດືອນກໍລະກົດ ຍິ່ງ​ເພີ່ມ​ແຮງ​ກົດ​ດັນ​ໃຫ້​ທະນາຄານ​ກາງ​ຕວກກີ​ຕ້ອງ​ປັບ​ຂຶ້ນອັດຕາ​ດອກ​ເບ້ຍ, ຄ່າ​ເງິນ​ລີຣາຢູ່​ທີ່ 6,5 ຕໍ່​ໂດ​ລາ​ສະຫະລັດ ຖື​ວ່າ​ອ່ອນ​ຄ່າ​ລົງ​ມາ​ເກືອບ 2% ພາຍ​ໃນ​ວັນ​ດຽວ​ຫລັງ​ຈາກ​ມີ​ລາຍ​ງານ​ຂໍ້​ມູນ​ດັ່ງກ່າວ. ສຳລັບ​ເງິນ​ເຟີ້​ທີ່​ເພີ່ມ​ຂຶ້ນສູງ​ສຸດ​ໃນ​ຮອບ​ປີ​ຂອງ​ເດືອນ​ສິງຫາ​ເປັນ​ລາຄາ​ໃນ​ຂະ​ແໜງ​ຂົນ​ສົ່ງ​ທີ່​ເພີ່ມ​ຂຶ້ນ​ເຖິງ 27,13%. ຂະນະ​ທີ່​ລາຄາ​ອາຫານ ​ແລະ ​ເຄື່ອງ​ດື່ມ​ທີ່​ບໍ່​ມີ​ສ່ວນ​ປະສົມ​ແອ​ລກໍ​ຮໍ​ເພີ່ມ​ຂຶ້ນ 19,75%. ຕວກກີ ​ແລະ ອາ​ເມ​ລິ​ກາ ມີ​ຄວາມ​ຂັດ​ແຍ່ງ​ກັນ​ມາ​ແຕ່​ເດືອນ​ສິງຫາ​ຜ່ານ​ມາ ຈາກ​ກໍລະນີ​ຕວກກີ​ຈັບ​ກຸມ​ບາດ​ຫລວງ​ຊາວ​ອາ​ເມ​ລິ​ກາ​ໃນ​ຂໍ້​ຫາ​ພົວພັນ​ກໍ່​ການ​ຮ້າຍ ​ແລະ ຖືກ​ຄວບ​ຄຸມ​ຕົວ​ເກືອບ 2 ປີ. ລັດຖະບານ​ອາ​ເມ​ລິ​ກາ​ມີ​ມາດ​ຕະການ​ຕອບ​ໂຕ້ ​ໂດຍ​ການ​ຂວ້ຳບາດ​ລັດຖະມົນຕີ​ຕວກກີ 2 ທ່ານ​ໃນ​ເດືອນ​ຜ່ານ​ມາ ລວມທັງ​ເກັບ​ພາສີ​ເຫລັກ ​ແລະ ອາ​ລູມີ​ນຽມ​ຈາກ​ຕວກກີ ​ສົ່ງຜົນ​ກະທົບ​ຕໍ່​ຄ່າ​ເງິນ​ຕວກກີ.

- lattana 1 - ເງິນເຟີ້ຢູ່ຕວກກີເພີ່ມສູງສຸດ ໃນຮອບ 15 ປີເດືອນສິງຫາ
- 1 1 - ເງິນເຟີ້ຢູ່ຕວກກີເພີ່ມສູງສຸດ ໃນຮອບ 15 ປີເດືອນສິງຫາ
error: Content is protected !!