ມູຣິນໂຢ ກ່າວ ຜູ້ບໍລິຫານແມນຢູ ບໍ່ເຄີຍຄິດດຶງ ໂຣນັລໂດ້ ກັບຄືນ

- advert banner 728 90 728x90 - ມູຣິນໂຢ ກ່າວ ຜູ້ບໍລິຫານແມນຢູ ບໍ່ເຄີຍຄິດດຶງ ໂຣນັລໂດ້ ກັບຄືນ

​ໂຊ​ເຊ ມູຣິນ​ໂຢ ຜູ້​ຈັດການ​ທີ​ມ ​ແມນ​ເຊ​ສ​ເຕີ ຢູ​ໄນ​ເຕັດ ປະກາດ​ວ່າ ຜູ້​ບໍລິຫານ​ຂອງ​ທີ​ມບໍ່​ເຄີຍ​ມີ​ຄວາມ​ຄິດ​ທີ່​ຈະ​ເອົາ ຄຣິສ​ເຕຍ​ໂນ ​ໂຣນັລ​ໂດ້ ກັບ​ມາ​ຢູ່​ກັບ​ທີ​ມ​ໃນ​ຊ່ວງ​ກ່ອນ​ເປີດ​ລະດູ​ການ 2018-19, ຫລັງຈາກ​ມີ​ຂ່າວ​ລື​ວ່າ: ມູຣິນ​ໂຢ ຄັດຄ້ານ​ແນວ​ຄິດ​ດັ່ງກ່າວ.

​ໂຊ​ເຊ ມູຣິນ​ໂຢ ຜູ້​ຈັດການ​ທີ​ມ ​ແມນ​ເຊ​ສ​ເຕີ ຢູ​ໄນ​ເຕັດ ຍອດ​ສະ​ໂມ​ສອນ​ແຫ່ງ ພຣີ​ເມຍ​ລີກ ອັງກິດ ກ່າວ​ວ່າ: ຜູ້​ບໍລິຫານ​ຂອງ​ທີ​ມບໍ່​ໄດ້​ມີ​ຄວາມ​ຄິດ​ທີ່​ຈະ​ດຶງ ຄຣິສ​ເຕຍ​ໂນ ​ໂຣນັລ​ໂດ້ ດາວ​ຍິງ​ຊາວ​ໂປຣຕຸ​ເກສ ມາ​ຮ່ວມ​ທີ​ມ​ໃນ​ຊ່ວງ​ຊຳ​ເມີ້​ຜ່ານ​ມາ ຄື​ທີ່​ມີ​ຂ່າວ​ລື​ອອກ​ມາ​ກ່ອນ​ໜ້າ​ນີ້​ແຕ່​ຢ່າງ​ໃດ.

ກ່ອນ​​ເກ​ມທີ່ ​ແມນ​ເຊ​ສ​ເຕີ ຢູ​ໄນ​ເຕັດ ຈະ​ເອົາ​ຊະນະ ​ເບິນ​ລີ 2-0 ​ໃນ​ວັນ​ທີ 2 ກັນຍາ​ຜ່ານ​ມານັ້ນ, ​ເດິ ມິ​ເຣີ ສື່​ຂອງ​ອັງກິດ​ລາຍ​ງານ​ຂ່າວ​ວ່າ: ຄວາມ​ຈິງ​ແລ້ວ ຜູ້​ບໍລິຫານ​ຂອງ ​ແມນ​ເຊ​ສ​ເຕີ ຢູ​ໄນ​ເຕັດ ຄິດ​ຈະ​ດຶງ ​ໂຣນັລ​ໂດ້ ກັບ​ມາ​ຢູ່​ກັບ​ທີ​ມ, ​ແຕ່ ມູຣິນ​ໂຢ ຄັດຄ້ານ​ແນວ​ຄິດ​ດັ່ງກ່າວ ​ເພາະ​ເບິ່ງ​ວ່າ​ຄ່າ​ຕົວ ​ແລະ ຄ່າ​ເໝື່ອຍທີ່​ຕ້ອງ​ຈ່າຍ​ໄປ​ເພື່ອ​ໃຫ້​ໄດ້​ດາວ​ເຕະ​ໄວ 33 ປີ ມາ​ຮ່ວມ​ທີ​ມບໍ່​ສົມ​ເຫດ​ສົມ​ຜົນ.

- lattana 1 - ມູຣິນໂຢ ກ່າວ ຜູ້ບໍລິຫານແມນຢູ ບໍ່ເຄີຍຄິດດຶງ ໂຣນັລໂດ້ ກັບຄືນ
- 1 1 - ມູຣິນໂຢ ກ່າວ ຜູ້ບໍລິຫານແມນຢູ ບໍ່ເຄີຍຄິດດຶງ ໂຣນັລໂດ້ ກັບຄືນ

ມູຣິນ​ໂຢ ​ໃຫ້​ສຳພາດ​ຫລັງ​ເກ​ມ​ໃນ​ວັນ​ທີ 2 ກັນຍາ​ວ່າ: ມັນ​ບໍ່​ເຄີຍ​ມີ​ການ​ຍື່ນ​ເລື່ອງ​ກ່ຽວ​ກັບ ຄຣິສ​​ເຕຍ​ໂນ ມາ​ໃຫ້​ຂ້ອຍ​ພິຈາລະນາ​ວ່າ​ຈະ​ເອົາ​ລາວ ຫລື ບໍ່, ບໍ່​ເຄີຍ​ມີ​ເອກະສານ​ກ່ຽວ​ກັບ ຄຣິສ​ເຕຍ​ໂນ ມາ​ຢູ່​ເທິງ​ໂຕະ​ຂອງ​ຂ້ອຍ​ເລີຍ.

error: Content is protected !!