ມາເລເຊຍຊ່ວຍເຫລືອຜູ້ປະສົບໄພຢູ່ອັດຕະປື 1 ແສນໂດລາສະຫະລັດ

- Malaysia Gov - ມາເລເຊຍຊ່ວຍເຫລືອຜູ້ປະສົບໄພຢູ່ອັດຕະປື 1 ແສນໂດລາສະຫະລັດ
- Untitled design - ມາເລເຊຍຊ່ວຍເຫລືອຜູ້ປະສົບໄພຢູ່ອັດຕະປື 1 ແສນໂດລາສະຫະລັດ

ພິທີມອບ​ເງິນຊ່ວຍເຫລືອຂອງລັດຖະບານມາເລເຊຍ​ຈຳນວນ 1 ແສນ​ໂດ​ລາ​ສະຫະລັດໃຫ້​ແກ່ລັດຖະບານລາວ ເພື່ອນຳໄປຊ່ວຍເຫລືອຜູ້ປະສົບໄພຢູເມືອງສະໜາມໄຊແຂວງອັດຕະປືໄດ້ມີຂຶ້ນໃນວັນທີ 30 ສິງຫານີ້ ລະຫວ່າງທ່ານ YB Dato’ Saifuddin Abdullah ລັດຖະມົນຕີກະຊວງການຕ່າງປະເທດມາເລເຊຍ ແລະ ທ່ານ ຫຸມດາວພອນ ສຸກຂະເສີມ ເອກອັກຄະລັດຖະທູດ ແຫ່ງ ສປປ ລາວ ປະຈຳມາເລເຊຍ.

ໃນພິທີທ່ານລັດຖະມົນຕີກະຊວງການຕ່າງປະເທດ​​ມາເລເຊຍໄດ້​ສະ​ແດງ​ຄວາມຮູ້ສຶກ​ເສຍ​ໃຈຢ່າງສຸດຊຶ້ງຕໍ່ຄອບຄົວຜູ້ເສຍຊີວິດ ແລະ ຜູ້ໄດ້ຮັບຜົນກະ ທົບ ແລະ ໄດ້ມອບເງິນຊ່ວຍເຫລືອດັ່ງກ່າວ, ເຖິງຈະບໍ່ຫລາຍແຕ່ກໍຫວັງວ່າ​ຈະເປັນ​ການ​ປະກອບສ່ວນຊ່ວຍ​ເຫລືອ​ແບ່ງ​ເບົາຄວາມທຸກໂສກຕໍ່​ຜູ້​ປະສົບ​ໄພ ແລະ ສະແດງໃຫ້ເຫັນເຖິງຄວາມສາມັກຄີຈາກປະຊາຊົນມາເລເຊຍຕໍ່ປະຊາຊົນລາວ ແລະ ຂໍ​ໃຫ້​ທຸກ​ຄົນ​ເຂັ້ມ​ແຂງ, ມີ​ກຳລັງໃຈ​ໃນ​ການ​ຕໍ່ສູ້ຜ່ານຜ່າອຸປະສັດຕ່າງໆ ແລະ ປັບປຸງຊີວິດການເປັນຢູ່ໃຫ້ສູ່ສະພາບ​ປົກກະຕິ​ໃນ​ຕໍ່ໜ້າ ແລະ ​ເຊື່ອໝັ້ນ​​ວ່າທຸກ​ຄົນຈະ​ຜ່ານ​ພົ້ນວິ​ກິດ​ນີ້​ໄປ​ໄດ້​ດ້ວຍ​ດີ.

ໃນໂອກາດນີ້, ທ່ານເອກອັກຄະລັດຖະທູດລາວໄດ້ຕາງໜ້າລັດຖະບານ ແລະ ປະຊາຊົນລາວ ສະແດງຄວາມຂອບໃຈຢ່າງຈິງມາຍັງລັດຖະບານ, ບັນດາອົງການຈັດສາກົນ, ບໍລິສັດ ແລະ ປະຊາຊົນມາເລເຊຍ ທີ່ມີຄວາມເປັນຫ່ວງເປັນໄຍ ແລະ ໃຫ້ການຊ່ວຍເຫລືອໃນຄັ້ງນີ້ ແລະ ຈະນຳເອົາເງິນຊ່ວຍເຫລືອດັ່ງກ່າວໄປນຳໃຊ້ເຂົ້າໃນການແກ້ໄຂຊີວິດການເປັນຢູ່ຂອງປະຊາຊົນທີ່ໄດ້ຮັບຜົນກະທົບຈາກເຫດດັ່ງກ່າວໃຫ້ມີປະສິດທິຜົນສູງສຸດ.

- Wave100S AD to Website 2020 0 - ມາເລເຊຍຊ່ວຍເຫລືອຜູ້ປະສົບໄພຢູ່ອັດຕະປື 1 ແສນໂດລາສະຫະລັດ
- WhatsApp Image 2020 05 27 at 5 - ມາເລເຊຍຊ່ວຍເຫລືອຜູ້ປະສົບໄພຢູ່ອັດຕະປື 1 ແສນໂດລາສະຫະລັດ
- WhatsApp Image 2020 05 27 at 5 - ມາເລເຊຍຊ່ວຍເຫລືອຜູ້ປະສົບໄພຢູ່ອັດຕະປື 1 ແສນໂດລາສະຫະລັດ
error: Alert: ເນື້ອຫາຂ່າວມີລິຂະສິດ !!