ຮອງປະທານສະພາແຫ່ງຊາດ ຢ້ຽມຢາມປະຊາຊົນ ປະສົບໄພນ້ຳຖ້ວມຢູ່ເມືອງຍົມມະລາດ

- bounpone - ຮອງປະທານສະພາແຫ່ງຊາດ ຢ້ຽມຢາມປະຊາຊົນ ປະສົບໄພນ້ຳຖ້ວມຢູ່ເມືອງຍົມມະລາດ
- Untitled design - ຮອງປະທານສະພາແຫ່ງຊາດ ຢ້ຽມຢາມປະຊາຊົນ ປະສົບໄພນ້ຳຖ້ວມຢູ່ເມືອງຍົມມະລາດ

ເມື່ອມໍ່ໆມານີ້, ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ ໄດ້ລົງຢ້ຽມຢາມປະຊາຊົນທີ່ປະສົບໄພນ້ຳຖ້ວມຢູ່ເມືອງຍົມມະລາດແຂວງຄໍາມ່ວນ, ຊຶ່ງໄດ້ຮັບຟັງລາຍງານຈາກທ່ານເຈົ້າເມືອງດັ່ງກ່າວວ່າ: ເມືອງຍົມມະລາດມີ 46 ບ້ານ, ມີ 3 ກຸ່ມບ້ານ, ມີພົນລະເມືອງທັງໝົດ 34 ພັນກວ່າຄົນ, ໃນນັ້ນຍິງກວມເອົາຫລາຍກວ່າ 50%, ປະຊາຊົນສ່ວນຫລາຍມີອາຊີບປູກຝັງ-ລ້ຽງສັດ ແລະ ເມືອງຍົມມະລາດເປັນເມືອງໜຶ່ງທີ່ໄດ້ຮັບຜົນກະທົບຈາກພາຍຸເຊິນຕິນ ເຮັດໃຫ້ບ້ານເຮືອນຂອງປະຊາຊົນຖືກນ້ຳຖ້ວມທັງໝົດ 24 ບ້ານ, ມີເນື້ອທີ່ການຜະລິດຖືກນ້ຳຖ້ວມ 2.550 ເຮັກຕາ ແລະ ຄາດວ່າເສຍຫາຍ 1.897 ເຮັກຕາ, ເນື້ອທີ່ສວນຖືກນ້ຳຖ້ວມ 100%, ມີເນື້ອທີ່ໜອງປາ 2 ເຮັກຕາຖືກເສຍຫາຍ, ເສັ້ນທາງຖືກຕັດຂາດຫລາຍຈຸດ, ໂດຍສະເພາະແມ່ນເສັ້ນທາງເລກ 12, ເສັ້ນທາງແຕ່ບ້ານໄຮຫາບ້ານທ່າໂຈນ, ເສັ້ນທາງແຕ່ບ້ານນາໂຊກຫາບ້ານໂພນແສດ ເຮັດໃຫ້ການສັນຈອນໄປມາພົບຄວາມຫຍຸ້ງຍາກ ປະຊາຊົນໄດ້ນໍາໃຊ້ເຮືອເປັນພາຫະນະຂົນສົ່ງ ແລະ ຮ້າຍແຮງໄປກວ່ານັ້ນແມ່ນ ໂຮງຮຽນ 3 ແຫ່ງ, ສຸກສາລາ 1 ແຫ່ງຖືກເປ່ເພເສຍຫາຍ, ມີພະຍາດໄຂ້ຫວັດ, ຖອກທ້ອງ, ພະຍາດຕຸ່ມຄັນ ແລະ ອື່ນໆເກີດຂຶ້ນ ແລະ ຜ່ານມາຄະນະກຳມະການປ້ອງກັນ ແລະ ຄວບຄຸມໄພພິບັດໄດ້ນຳເອົາເຄື່ອງອຸປະໂພກ-ບໍລິໂພກ, ເຄື່ອງໃຊ້ທີ່ຈຳເປັນລົງແຈກຢາຍໃຫ້ຜູ້ປະສົບໄພໃນເບື້ອງຕົ້ນແລ້ວ, ຊຶ່ງລວມມີມູນຄ່າປະມານ 1,5 ຕື້ກີບ.

ພ້ອມນີ້, ທ່ານ ບຸນປອນ ບຸດຕະນະວົງ ກໍໄດ້ໂອ້ລົມໃຫ້ກໍາລັງໃຈແກ່ປະຊາຊົນ ແລະ ໄດ້ມອບເຄື່ອງອຸປະໂພກ ແລະ ບໍລິໂພກຈໍານວນໜຶ່ງເພື່ອຊ່ວຍບັນເທົາທຸກແກ່ປະຊາຊົນຜູ້ປະສົບໄພດັ່ງກ່າວ, ຊຶ່ງມີມູນຄ່າທັງໝົດ 45 ລ້ານກວ່າກີບ.

- Wave100S AD to Website 2020 0 - ຮອງປະທານສະພາແຫ່ງຊາດ ຢ້ຽມຢາມປະຊາຊົນ ປະສົບໄພນ້ຳຖ້ວມຢູ່ເມືອງຍົມມະລາດ

 

- WhatsApp Image 2020 05 27 at 5 - ຮອງປະທານສະພາແຫ່ງຊາດ ຢ້ຽມຢາມປະຊາຊົນ ປະສົບໄພນ້ຳຖ້ວມຢູ່ເມືອງຍົມມະລາດ
- WhatsApp Image 2020 05 27 at 5 - ຮອງປະທານສະພາແຫ່ງຊາດ ຢ້ຽມຢາມປະຊາຊົນ ປະສົບໄພນ້ຳຖ້ວມຢູ່ເມືອງຍົມມະລາດ
error: Alert: ເນື້ອຫາຂ່າວມີລິຂະສິດ !!