ລັດ​ເພີ່ມ​ທະວີ​ກວດກາ​ການຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ

- 26240139 1985750525083767 7940616550893371068 o - ລັດ​ເພີ່ມ​ທະວີ​ກວດກາ​ການຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ
- Untitled design - ລັດ​ເພີ່ມ​ທະວີ​ກວດກາ​ການຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ

ລັດຖະບານ​ໄດ້​ເພີ່ມ​ທະວີ​ການ​ຕິດຕາມ​ກວດກາ​ການຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ​ໃນ 6 ​ເດືອນ​ທ້າຍ​ປີ​ນີ້​ເຂັ້ມງວດ​ຂຶ້ນ, ພາຍຫລັງ​ເຫັນ​ວ່າ​ມີ​ຫລາຍ​ຂະ​ແໜງ​ການ ​ແລະ ທ້ອງ​ຖິ່ນ​ຍັງ​ພົບ​ບັນຫາ​ຫຍຸ້ງຍາກ​ໃນ​ການ​ປະຕິບັດ​ເປົ້າໝາຍ​ສູ້​ຊົນ​ຂອງ​ຕົນ, ​ເຊິ່ງການ​ເພີ່ມ​ທະວີ​ວຽກ​ງານ​ກວດກາ​ຂອງ​ລັດ​ນີ້​ແມ່ນ​ໜຶ່ງ​ໃນ​ແປດ​ມາດ​ຕະການ​ຊຸກຍູ້​ເສດຖະກິດ ​ໂດຍ​ລັດຖະບານ​ໄດ້​ມອບ​ໃຫ້​ອົງການ​ກວດກາ​ລັດຖະບານ​ເປັນ​ເຈົ້າການ​ສົມທົບ​ກັບ​ກະຊວງ​ການ​ເງິນ, ກະຊວງ​ແຜນການ ​ແລະ ການ​ລົງທຶນ ​ແລະ ພາກສ່ວນ​ກ່ຽວຂ້ອງ​ອື່ນໆສືບ​ຕໍ່​ຕິດຕາມ​ກວດກາ, ຄຸ້ມ​ຄອງ ​ແລະ ນຳ​ໃຊ້​ຊັບ​ສິນ​ຂອງ​ລັດ​ໃຫ້​ຖືກຕ້ອງ​ຕາມ​ລະບຽບ​ກົດໝາຍ ​ເປັນຕົ້ນສະພາບ​ການ​ລັກລອບ​ຂຸດ​ຄົ້ນ ​ແລະ ​ເຄື່ອນ​ຍ້າຍ​ຊັບພະຍາກອນ​ທີ່​ບໍ່​ຖືກຕ້ອງ, ກວດກາ​ການຈັດ​ເກັບ​ລາຍ​ຮັບ​ຢູ່​ທ້ອງ​ຖິ່ນ​ໃຫ້​ລະອຽດ​. ພິ​ເສດ​​ແຂວງ​ທີ່​ຄາດ​ວ່າ​ຈະ​ບໍ່​ສາມາດ​ປະຕິບັດ​ລາຍ​ຮັບ​ຕາມ​ແຜນການ​ແມ່ນ​ຕ້ອງ​ມີ​ມາດ​ຕະການ​ແກ້​ໄຂ​​ແຕ່​ຫົວທີ ​ແລະ ຂຸດ​ຄົ້ນທ່າ​ແຮງ​ບົ່ມ​ຊ້ອນ ​ເພື່ອ​ເຮັດ​ໃຫ້ການ​ເກັບ​ລາຍ​ຮັບ​ບັນລຸ​ຕາມ​ຄາດໝາຍ, ​ເລັ່ງທວງ​ຍອດ​ເຫລືອ​ຄ້າງ​ຈ່າຍ​ລ່ວງ​ໜ້າ​ນອກ​ແຜນ​ງົບປະມານ​ສະ​ສົມ​ໃນ​ປີຜ່ານມາ​ຂອງ​ບັນດາ​ບໍລິສັດ ​ແລະ ຜູ້​ປະກອບ​ການ ​ເພື່ອ​ສະ​ສາງ​ບັນຊີ​ໃນ​ລະບົບ​ຄັງ​ເງິນ​ແຫ່ງ​ຊາດ​ຕາມ​ຄວາມ​ສາມາດ​ຕົວ​ຈິງ, ປັບປຸງ​ແກ້​ໄຂ​ຜົນ​ການກວດ​ສອບ​ຢ່າງ​ຕັ້ງໜ້າ, ພ້ອມ​ທັງ​ປະຕິບັດ​ມາດ​ຕະການ​ຕໍ່​ຫົວໜ່ວຍ​ງົບປະມານ ​ແລະ ບຸກຄົນ​ທີ່​ລະ​ເມີດ​ວິ​ໄນ​ແຜນການ-ການ​ເງິນ. ໝາຍວ່າ​ບ່ອນ​ໃດ​ມີ​ບັນຫາ​ກໍ​ໃຫ້​ແກ້​ໄຂ​ເດັດຂາດ ​ໂດຍ​ສະ​ເພາະ​ແມ່ນ​ຂະ​ແໜງ​ເສດຖະກິດ​ທີ່​ມີ​ລາຍ​ຮັບ, ພ້ອມ​ທັງ​ຫັນ​ການ​ເງິນ​ນອກ​ລະບົບ​ໃຫ້​ເຂົ້າສູ່​ການ​ຄຸ້ມ​ຄອງ​ຕາມ​ລະບຽບ​ກົດໝາຍ​ຢ່າງ​ເຂັ້ມງວດ ​ແລະ ປັບປຸງ​ການຈັດຕັ້ງ, ບຸກຄະລາ​ກອນ​ຂອງ​ບັນດາ​ໜ່ວຍ​ງານ ​ແລະ ຫົວໜ່ວຍ​ວິ​ສາ​ຫະກິດ​ລັດ​ທີ່​ເຄື່ອນ​ໄຫວ​ບໍ່​ມີ​ປະສິດທິພາບ, ບໍ່​ມີ​ຄວາມ​ສາມາດ​ໃນ​ການ​ປະຕິບັດ​ພາລະ​ບົດບາດ ​ແລະ ໜ້າ​ທີ່​ຂອງ​ຕົນ. ພ້ອມ​ນັ້ນ ກໍ​ໃຫ້​ປະຕິບັດ​ມາດຕການ​ຕໍ່​ຜູ້​ລະ​ເມີດ​ລະບຽບ​ກົດໝາຍ​ຢ່າງ​ເຂັ້ມງວດ.

- Wave100S AD to Website 2020 0 - ລັດ​ເພີ່ມ​ທະວີ​ກວດກາ​ການຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ
- WhatsApp Image 2020 05 27 at 5 - ລັດ​ເພີ່ມ​ທະວີ​ກວດກາ​ການຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ
- WhatsApp Image 2020 05 27 at 5 - ລັດ​ເພີ່ມ​ທະວີ​ກວດກາ​ການຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ
error: Alert: ເນື້ອຫາຂ່າວມີລິຂະສິດ !!