ຍາມຝົນນ້ຳຖ້ວມບາດຕົກແລ້ງຢ້ານແຕ່ອຶດຫິວ

- advert banner 728 90 728x90 - ຍາມຝົນນ້ຳຖ້ວມບາດຕົກແລ້ງຢ້ານແຕ່ອຶດຫິວ

ໂດຍ: ທິດກ່ຳ

- new3 - ຍາມຝົນນ້ຳຖ້ວມບາດຕົກແລ້ງຢ້ານແຕ່ອຶດຫິວ

ດັ່ງພວກເຮົາຮູ້ນຳກັນ ແລ້ວວ່າ, ປີນີ້ຝົນຕົກໜັກເກີດ ນ້ຳຖ້ວມເປັນບໍລິເວນກວ້າງ ຢູ່ທຸກເຂດແຂວງ ໃນທົ່ວ ປະເທດ, ມີ 80 ກວ່າເມືອງ, 1.400 ກວ່າບ້ານ ແລະ ເນື້ອ ທີ່ການຜະລິດເປັນຈຳນວນ ຫລວງຫລາຍຖືກນ້ຳຖ້ວມ.

 

ທົ່ວປະເທດມີເນື້ອທີ່ການຜະລິດກະສິກຖືກຜົນກທົບຈາກນ້ຳຖ້ວມ 108 ພັນເຮັກຕາ

ລະດັບ​ນ້ຳຂອງ​ສືບ​ຕໍ່​ເພີ່ມ​ຂຶ້ນນະຄອນຫລວງ​ເຕືອນ​ປະຊາຊົນ​ກຽມ​ຮັບ​ມືນ້ຳຖ້ວມ

ຊ້ຳບໍ່ໝຳພັດມີມະຫັນຕະໄພເຂື່ອນແຕກພັງເກີດຂຶ້ນ ມີຄົນຕາຍ ແລະ ສູນຫາຍ ເປັນຮ້ອຍ 100 ເວົ້າເຖິງຝົນ ຕົກໜັກນ້ຳຖ້ວມໃນປີນີ້ບ່ອນບໍ່ເຄີຍເຫັນກໍເຫັນ, ບ່ອນບໍ່ ເຄີຍມີກໍມີເຊັ່ນ: ຢູ່ກະໂຕເທດ ສະບານແຂວງຫົວພັນຫວ່າງທິດຫລັງມານີ້, ເກີດເຫດພາ ຍຸຝົນ ຕົກໜັກນ້ຳຖ້ວມເປັນ ບໍລິເວນກວ້າງ ເຊ່ິງບໍ່ເຄີຍ ມີມາໃນປະຫວັດສາດຂອງ ແຂວງຫົວພັນ.

ບັນຫາອຸທົກກະໄພທີ່ ເວົ້າມານີ້ມັນກໍເນື່ອງມາຈາກການປຽນແປງຂອງ ທຳມະ ຊາດ ແລະ ໄພ ຂົ່ມຂູ່ແບບບໍ່ ປານີຄົນ, ຕາມທິດກ່ຳວ່າ, ໃນ ເມື່ອພື້ນຖານການຜະລິດ ແລະ ຜົນຜະລິດໃນລະດູ ຝົນຖືກເສຍຫາຍໄປແລ້ວ ຮອດຍາມແລ້ງກໍຕ້ອງຫັນ ໄປສູ່ການເຮັດນາແຊງ, ປູກ ພືດຜັກລະດູແລ້ງທົດແທນ.

ແນ່ນອນວ່າ, ກວ່າມັນ ຈະໃຫຍ່ສາມາດເກັບກ່ຽວ ແລະ ບໍລິໂພກໄດ້ມັນກໍຕ້ອງ ໃຊ້ເວລາເປັນ 3 – 4 ເດືອນ, ຕາມເຮົາຄິດ, ໃນຊ່ວງນີ້ລະ ຢ້ານພາກັນອຶດຫິວ. ໃນເມື່ອ ຄວາມອຶດຄວາມຢາກມາ ຮອດແລ້ວ, ທຸກສິ່ງທຸກຢ່າງ, ເຂົ້າ, ປາ, ອາຫານ, ຜັກມີ່ ສີ່ຊອມໃນທ້ອງ ຕະຫລາດ ມັນກໍຈະແພງຫລືວ່າອຶດ ຈົນບໍ່ມີຂາຍກໍມີ, ຕົວຢ່າງ ທີ່ເຫັນຊັດເຈນຢູ່ເມືອງສະ ໜາມໄຊ ແຂວງອັດຕະປື ຫລັງເຂື່ອນແຕກປະເພດພືດ ຜັກ, ເຂົ້າປາອາຫານບາງ ຢ່າງ ທີ່ຈະມາສະໜອງໃຫ້ ສູນອົບພະຍົກກໍຕ້ອງໄດ້ເຂົ້າ ມາ ຊື້ ຢູ່ຕະຫລາດແຂວງອັດ ຕະປື ໃນໄລຍະເສັ້ນທາງອັນ ຍາວໄກ.

ອີງຕາມການລົງໄປສຳພາດຊາວຄ້າຂາຍຢູ່ບາງຕະ ຫລາດໃນນະຄອນຫລວງ ວຽງຈັນຂອງນັກຂ່າວ ໜັງສື ພິມລາວພັດທະນາໃນອາທິດທີ່ຜ່ານມາເຫັນວ່າ ສິນຄ້າ ປະເພດພືດຜັກໃນທ້ອງຕະ ຫລາດບາງຢ່າງແມ່ນມີການ ເໜັງຕິງແທ້ເຊັ່ນ: ໝາກ ເຜັດດິບໃນບາງມື້ກິໂລລະ 40 ຫາ 50 ພັນກີບແລ້ວ, ຜັກບົ່ວ, ຜັກທຽມ, ຫອມ ປ້ອມ, ຫອມລາບ ແລະ ສິນ ຄ້າປະເພດ ບໍລິໂພກປະ ຈຳວັນອື່ນໆກໍຂຶ້ນລາຄາ ໄປຕາມໆ ກັນວ່າ ຊັ່ນ! ຫັນ ໄປເບິ່ງພາບລວມຫລັງ ປ່ອຍເຂ່ືອນນ້ຳງື່ມ 1 ແຖວ ລ້ອງງື່ມນ້ຳໄດ້ຖ້ວມຫລາຍ ບ້ານ, ພື້ນຖານການຜະລິດ ຖືກເສຍຫາຍ.

- lattana 1 - ຍາມຝົນນ້ຳຖ້ວມບາດຕົກແລ້ງຢ້ານແຕ່ອຶດຫິວ

ນອກຈາກນັ້ນ, ລ້ອງ ຫ້ວຍ, ລ້ອງເຊອັນເປັນ ບ່ອນ ຜະລິດ, ບ່ອນຊອກຢູ່ຫາກິນ ແຕ່ເໜືອນຮອດໃຕ້ກໍຖືກ ນ້ຳຖ້ວມເປັນອາທິດສອງ ອາທິດ.

ບັນດາແຂວງ ພາກ ກາງ, ພາກໃຕ້ທີ່ເປັນເລົ້າ ເຂົ້າໃຫຍ່ເພື່ອຄ້ຳປະກັນ ສະບຽງອາຫານໃຫ້ອີ່ມ ປາກ ອີ່ມທ້ອງຂອງປະເທດ ກໍຖືກນ້ຳຖ້ວມເປັນສອງ ສາມຫລົບ.

ເມື່ອໜອງປູໜອງປາ, ໄຮ່ນາຮົ່ວສວນຖືກເສຍຫາຍກໍເປັນອັນວ່າໝົດທຶນໝົດ ຮອນທີ່ຈະເອົາມາສູ່ຕໍ່ແລ້ວ ບັນຫາທີ່ເປັນຜົນກະທົບກໍ ຄືຄວາມອຶດຢາກມາກແຄ້ນ ຕາມມາ, ເມື່ອຄວາມອຶດ ຢາກເກີດ ຂຶ້ນໃນສັງຄົມສິ່ງ ທີ່ຕາມມາກະທົບອີກປະ ການໜຶ່ງກໍຄືປະກົດການ ຫຍໍ້ທໍ້ເຊັ່ນ: ຂີ້ລັກງັດແງະ, ຄ້າຂາຍເຖື່ອນ, ກົດໜ່ວງ ຖ່ວງດຶງ ແລະ ກົ່ງລາຄາ ສິນ ຄ້າ ໃນທ້ອງຕະຫລາດ.

ເມື່ອຕັ້ງໂຈດກັນວ່າ ເພື່ອແກ້ໄຂບັນຫາທີ່ກ່າວ ພວກເຮົາຈະເຮັດແນວໃດ? ຕາມທິດກ່ຳ ວ່າທຸກຄົນຕ້ອງ ໄດ້ພ້ອມ ກັນຄິດ ແລະ ພາກັນ ແກ້, ກ່ອນອື່ນໃນແຜນງານ ຂອງພັກ ແລະ ລັດຖະບານ ເຮົາ ກໍໄດ້ວາງໝາກເອົາໄວ້ ແຕ່ດົນແລ້ວເຊັ່ນ: ແຜນຕ້ານ ແລ້ງ-ຕ້ານຖ້ວມ 8 ມາດຕະ ການເພື່ອກະຕຸ້ນເສດຖະກິດ ແຫ່ງຊາດ, ແຜນ 3 ສ້າງ, ແຜນພັດທະນາຊົນນະບົດ ເພື່ອລົບລ້າງຄວາມທຸກຍາກ, 6 ມາດຕະການແກ້ໄຂສິ່ງ ຫຍໍ້ທໍ້ຂອງລັດຖະບານ ແລະ ບັນດາມະຕິຄຳສັ່ງອື່ນໆ.

ແນວໃດກໍດີ, ຕາມເຮົາ ວ່າມັນຍັງຄານຳການຈັດຕັ້ງປະຕິບັດຢ່າງເດັດຂາດຈິງ ຈັງຂອງແກນນຳຢູ່ແຕ່ລະກົມ ກອງທ້ອງຖິ່ນ, ກົງກັນຂ້າມ ຖ້າເຮັດຫຍັງລົງໄປອາໄສ ແຕ່ຄຳເວົ້າທີ່ວ່າ: ນ້ຳບໍ່ຍ້ອຍ ຫອຍກໍບໍ່ໄຕ່, ເຕົ່າບໍ່ໄປເອົາໄຟ ຈູດກົ້ນນັ້ນ, ເຖິງຈະສຳເລັດ ລົງ ມັນກໍຊັກຊ້າບໍ່ທັນກິນ.

ໃນເງື່ອນໄຂບ້ານ ເມືອງ ເຮົາພວມຖືກໄພທຳມະຊາດມາກະທົບກ່ອນອື່ນຕ້ອງພາ ກັນຫັນທິດລົງກໍ່ສ້າງຮາກ ຖານເພື່ອຊ່ວຍເຫລືອ ແລະ ນຳພາປະຊາຊົນເຮັດການ ຜະລິດ, ສ້າງພື້ນຖານໂຄງ ລ່າງໃຫ້ແໜ້ນໜາໝັ້ນ ຄົງ, ບໍ່ເປັນພະນັກງານ 10 ຂາຢູ່ແຕ່ຫ້ອງແອ.
ຖືເອົາບັ້ນຮົບຕ້ານໄພ ນ້ຳຖ້ວມປີນີ້ເປັນການທົດ ສອບພະນັກງານແກນນຳຢູ່ແຕ່ລະກົມກອງທ້ອງຖິ່ນ ຖ້າໃຜຍັງອືດໆອາດໆ ປານ ດຶງຂາເຕົ່າກໍຕ້ອງໄດ້ແກ້ກັບຜູ້ບໍ່ຢາກແກ້ດັ່ງທ່ານນາຍົກລັດຖະມົນຕີ ທອງລຸນ ສີສຸລິດ ເຮົາວ່າ!./.

- 765 - ຍາມຝົນນ້ຳຖ້ວມບາດຕົກແລ້ງຢ້ານແຕ່ອຶດຫິວ
(ພາບປະກອບ)
error: Content is protected !!