ກະຕໍ້ທີມຊາດເດີນທາງກັບບ້ານ ພ້ອມ 1 ຫລຽນເງິນ 1 ຫລຽນທອງ

- advert banner 728 90 728x90 - ກະຕໍ້ທີມຊາດເດີນທາງກັບບ້ານ ພ້ອມ 1 ຫລຽນເງິນ 1 ຫລຽນທອງ

ໃນວັນທີ 2 ກັນຍາຜ່ານມານີ້ ທີ່ສະໜາມບິນວັດໄຕ ນະຄອນຫລວງວຽງຈັນ ນັກກິລາກະຕໍ້ທີມຊາດລາວ ໄດ້ເດີນທາງມາຮອດ ສປປ ລາວ ພາຍຫລັງຍາດໄດ້ 1 ຫລຽນເງິນ ແລະ 1 ຫລຽນທອງ ຈາກການເຂົ້າຮ່ວມງານມະຫາກໍາເອຊຽນເກມຄັ້ງທີ 18 ທີ່ປະເທດອິນໂດເນເຊຍ ຈັດຂຶ້ນລະຫວ່າງວັນທີ 10 ສິງຫາ – 1 ກັນຍາ ໂດຍໃຫ້ກຽດຕ້ອນຮັບຂອງ ທ່ານ ນາງ ໂພໄຊ ແພງພົງ ຮອງກົມກິລາສາຍສູງ ກະຊວງສຶກສາທິການ ແລະ ກິລາ ພ້ອມດ້ວຍພາກສ່ວນທີ່ກ່ຽວຂ້ອງ ແລະ ມວນຊົນ.

- new3 - ກະຕໍ້ທີມຊາດເດີນທາງກັບບ້ານ ພ້ອມ 1 ຫລຽນເງິນ 1 ຫລຽນທອງ

ທ່ານ ອານຸສອນ ເຄນຕິສັກ ຮອງປະທານສະຫະພັນກິລາກະຕໍ້ທີມຊາດລາວ ທັງເປັນຄະນະນໍາພານັກກິລາກະຕໍ້ ເຂົ້າຮ່ວມງານມະຫາກໍາເອຊຽນເກມຄັ້ງທີ 18 ໃຫ້ສໍາພາດວ່າ: ການເຂົ້າຮ່ວມງານມະຫາກໍາເອຊຽນເກມຄັ້ງທີ 18 ທີ່ປະເທດອິນໂດເນເຊຍເປັນເຈົ້າພາບນີ້ ຄະນະສະຫະພັນກິລາແຫ່ງຊາດລາວ ໄດ້ສົ່ງນັກກິລາທີມຊາດເຂົ້າຮ່ວມທັງໝົດ 31 ຄົນ, ຍິງ 11 ຄົນ, ໃນນັ້ນ ເຂົ້າຮ່ວມ 4 ລາຍການ, ຍິງ 2 ລາຍການຄື: ທີມ 4 ຄົນ, ທີມຊຸດ. ສໍາລັບກະຕໍ້ຊາຍທີມຊາດລາວ ຖືກຈັດຢູ່ໃນກຸ່ມບີໃນລາຍທີມຊຸດ ເຊິ່ງປະກອບມີ ໄທ, ມຽນມາ. ສ່ວນລາຍການທີມ 4 ຄົນ ຖືກຈັດຢູ່ກຸ່ມບີ ເຊັ່ນດຽວກັນ ຮ່ວມກັບເຈົ້າພາບອິນໂດເນເຊຍ, ຍີ່ປຸ່ນ, ມຽນມາ, ຈີນ. ຜ່ານການແຂ່ງຂັນ ນັກກິລາຂອງພວກເຮົາສາມາດຍາດໄດ້ 1 ຫລຽນເງິນຈາກທີມຊຸດຊາຍ, ສ່ວນຫລຽນທອງໄດ້ຈາກທີມ 4 ຄົນຍິງ ສິ່ງດັ່ງກ່າວແມ່ນໄດ້ສ້າງຊື່ສຽງໃຫ້ແກ່ວົງການກິລາກະຕໍ້ລາວໃນເວທີພາກພື້ນ ແລະ ສາກົນຫລາຍພໍສົມຄວນ.

ການແຂ່ງຂັນມະຫາກໍາເອຊຽນເກມຄັ້ງທີ 18 ສປປ ລາວ ໄດ້ສົ່ງເຂົ້າຮ່ວມ 19 ປະເພດກິລາຄື: ກະຕໍ້, ວູຊູ, ເທຄວັນໂດ, ຢູໂດ, ປັນຈັກສີລັດ, ຍິງທະນູ, ມວຍສາກົນ, ແລ່ນ-ລານ, ລົດຖີບ, ລອຍນໍ້າ, ກາຣາເຕໂດ ແລະ ຍົກນໍ້າໜັກ ຊອບເທັນນິສ, ປິ່ງປ່ອງ, ບານເຕະຊາຍ, ພາລາກາຍດິ້ງ, ເບສບອນ, ອີ່ສະປອດ ແລະ ຍິງປືນ.

- lattana 1 - ກະຕໍ້ທີມຊາດເດີນທາງກັບບ້ານ ພ້ອມ 1 ຫລຽນເງິນ 1 ຫລຽນທອງ
error: Content is protected !!