ປກສ ຊະນະ ທີນີຕີ້ 1-0 ຮັກສາ ອັນດັບທີ 1 ຂອງກຸ່ມເອໄວ້ໄດ້

- 40685048 1610842159026911 5621232134485180416 n - ປກສ ຊະນະ ທີນີຕີ້ 1-0 ຮັກສາ ອັນດັບທີ 1 ຂອງກຸ່ມເອໄວ້ໄດ້
- Untitled design - ປກສ ຊະນະ ທີນີຕີ້ 1-0 ຮັກສາ ອັນດັບທີ 1 ຂອງກຸ່ມເອໄວ້ໄດ້

ທີ​ມ ປກສ ​ເອັຟຊີ ລົງ​ສະໜາມນັດ​ທີ 2 ສາມາດ​ເອົາ​ຊະນະ ທີ​ມທີ​ນີຕີ້​ ​ເອັຟຊີ ໄດ້ 1-0 ​ໃນ​ວັນ​ທີ 2 ກັນຍາຜ່ານ​ມາ ທີ່​ສະໜາມກິລາ​ສະຫະພັນ​ບານ​ເຕະ​ແຫ່ງ​ຊາດ​ລາວ ຂອງ​ການ​ແຂ່ງຂັນ​ບານ​ເຕະ ສາຍ ກ ຫລື ດີ​ວີ​ຊັນ 1 ສົ່ງ​ຜົນ​ຍັງ​ຮັກສາ​ອັນ​ດັບ​ທີ 1 ຂອງ​ກຸ່ມ​ເອ​ໄວ້​ໄດ້.

ການ​ແຂ່ງຂັນ​ໄດ້​ເລີ່​ມຂຶ້ນ ​ເຊິ່ງທີ​ມ ປກສ ສາມາດສ້າງ​ໂອກາດ​ເກ​ມຫລາຍ​ກວ່າ​ ທີ​ມທີ​ນີຕີ້ ຈົນມາ​ຮອດ​ນາທີ 22 ປກສ ​ໄດ້​ປະຕູ​ຂຶ້ນ​ນໍາຈາກ​ທ້າວ​ ສຸລິ​ພອນ ​ໄຊ​ປັນຍາ ​ເຊິ່ງ​ເປັນ​ປະຕູ​ທີ່​ເຮັດ​ໃຫ້​ເກ​ມການ​ແຂ່ງຂັນ​ປ່ຽນ​ ​ໂດຍ ປກສ ​ເປັນ​ຝ່າຍ​ບຸກ​ແຕ່​ກໍ​ບໍ່​ສາມາດ​ຍິງ​ປະຕູ​​ເພີ່ມ​ຂຶ້ນ​ໄດ້​​ໃນ​ເຄິ່ງ​ເວລາ​ທໍາ​ອິດ​, ຈົບ​ເກ​ມ​ເຄິ່ງ​ເວລາ​ທໍາ​ອິດ​ ທີ​ມ ປກສ ຂຶ້ນ​ນໍາ ​ທີ​ມທີ​ນີຕີ້ 1-0 ​ແລະ ​ເຂົ້າ​ເຄິ່ງ​ເວລາ​ທີ 2 ທີ​ມທີ​ນີຕີ້ ກໍພະຍາ​ຍາມ​ຈະ​ຕີ​ສະ​ເໝີ​ໃຫ້​​ໄດ້ ​ແຕ່​ກໍ​ບໍ່​ສາມາດ​ຍິງ​ປະຕູ​ໄດ້ ​​ກົງ​ກັນ​ຂ້າມ​ຝ່າຍ ປກສ ຍິ່ງ​ເປັນ​ຝ່າຍ​ກົດ​ດັນ​ເພີ່ມ​ຂຶ້ນ ​ເພື່ອ​ຈະ​ຍິງ​ປະຕູ​ໜີຫ່າງ​ແຕ່ກໍ​ບໍ່​ສາມາດ​ຍິງ​ໄດ້ ຈົບ​ເກ​ມ​ເຄິ່ງ​ເວລາ​ທີ 2 ທັງ​ສອງ​ຝ່າຍ​ບໍ່​ສາມາດ​ຍິງ​ປະຕູ​ກັນ​ໄດ້.

ຂະນະ​ທີ່ວັນ​ດຽວ​ກັນ ທີ​ມອີ​ໂວ້ ຢູ​ໄນ​ເຕັດ ​ຖະຫລົ່ມ ທີ​ມ​ເຄພີ​ເອັສ ​ເອັຟຊີ 10-0 ສົ່ງ​ຜົນ​ໃຫ້​ ທີ​ມ ປກສ ​ເອັຟຊີ ຍັງ​ຮັກສາ​ອັນ​ດັບ​ທີ 1 ຂອງ​ຕາຕະລາງ​ຄະ​ແນນ​ກຸ່ມ ​ເອ, ​ສ່ວນ​ອັນ​ດັບ​ທີ 2 ທີ​ມອີ​ໂວ້ ຢູ​ໄນ​ເຕັດ. ສ່ວນ​ຕາຕະລາງ​ການ​ແຂ່ງຂັນ​ຂອງ ປກສ ​ເອັຟຊີ ຈະ​ລົງ​ສະໜາມ​ໃນ​ວັນ​ທີ 8 ກັນຍານີ້ ພົບ ທີ​ມເອັ​ສ​ທີ​ທີ ເອັ​ຟ​​ຊີ ​ເວລາ 9:00​ ​ໂມງ ​ແລະ ເວ​ລາ 14:00 ​ໂມງ ທີ​ມທີ​ນີ​ຕີ້ ເອັ​ຟ​ຊີ ພົບ ທີ​ມອີ​ໂວ້ ຢູ​ໄນ​ເຕັດ.

- Wave100S AD to Website 2020 0 - ປກສ ຊະນະ ທີນີຕີ້ 1-0 ຮັກສາ ອັນດັບທີ 1 ຂອງກຸ່ມເອໄວ້ໄດ້
- WhatsApp Image 2020 05 27 at 5 - ປກສ ຊະນະ ທີນີຕີ້ 1-0 ຮັກສາ ອັນດັບທີ 1 ຂອງກຸ່ມເອໄວ້ໄດ້
- WhatsApp Image 2020 05 27 at 5 - ປກສ ຊະນະ ທີນີຕີ້ 1-0 ຮັກສາ ອັນດັບທີ 1 ຂອງກຸ່ມເອໄວ້ໄດ້
error: Alert: ເນື້ອຫາຂ່າວມີລິຂະສິດ !!